إبداع من وين اشتريتي الكاميرات وبكم الله يجزاك خير
لاني ناويه اشتري مثلهم

نفس سؤال الاخت

اهلين خواتي

أنا من القصيم / بريدة
واشتريتها من محل الكترونيات متخصص بكاميرات المراقبة وهو عنده أنواع كثيرة بعضها تصور على مسافة كيلو !!
وفيه عنده أنظمة 16 كاميرا بعد بوقت واحد !!

بس للبيت ما اعتقد أحد يحتاج أكثر من 4 كاميرات ومو شرط من النوع الغالي لأن الي أخذت الوحدة بـ 80 ريال , مع قسام عشان يشغل الكاميرات مع بعض في دائرة وحدة , وجهاز فيديو مدمج ايطالي يسجل 40 يوم كاقصى حد .. وهذا سعره بألفين ريال ..
وعند المحل جهاز فيديو رخيص لكنه ما يسجل الا 12 ساعة بس !

والأجهزة كلها مع التمديدات وشغل العمال كلف تقريبا حول 3000 ريال ..

بس والله انها ما تسوى على الوحدة الراحة النفسية الي تحس فيها ..

وإذا تبون تفاصيل ثانية أنا مستعدة ..
والي تبي رقم المحل تقول لي عشان تسأله اذا يعرف محل نفس شغله بمنطقتها ..


أما الي تسأل عن شغل الفيديو وقت انقطاع الكهرب فمو مشكلة ياقلبي .. لأن الجهاز الي عندي مبرمج على التسجيل ومرة فصلت بنتي سلكه بدون ما تدري , ويوم لقيته رجعت شبكته ثانية فتابع التسجيل من غير ما ابرمجه من جديد !!

يعني أول ما ترجع الكهربا يرجع هو يسجل تلقائي بدون مشاكل ..
وحتى لو ما شفت وش الي يصير فترة انقطاع الكهرب يكفي اني أشوف الباقي واعرف نيتها وايش قاعدة تسوي من وراي !!
وأي غلط أقدر اتداركه أول حصوله مو أطفالنا يدفعون الثمن بدون ما ندري !!



أما نصيحتي الثانية لصاحبة الموضوع فهو انها تطلع على تجارب الأخوات هنا مع الخدم ( وحدة كانت كاتبة موضوع تجاربي مع شغالاتي الي تخليهن زي السيف )

وغيرها من الاخوات هنا ..

لأنك لو استفدت من تجارب البنات هنا فراح توفرين على نفسك جهد كبير وراح تفتكين من مشاكل كثيرة من بداية الطريق ..

ولا أوصيك اختي بحسن معاملة الشغالة مع الحزم بنفس الوقت يعني تكرمينها ولا تظلمينها وبفس الوقت تعلمينها شغلها من الالف إلى الياء وتتابعينها فيه , وأول يوم لها عندك علميها على قوانين البيت وقواعد العمل , حتى ما تغلط بشي ما تبينه فتبدأ المشاكل ..

يعني علميها مثلا :

كلام مع بابا مافيه <<< أهم شي !! ههههههه
طل مع شباك غلط
فتح باب شارع نو
لبس لازم كذا وكذا
كلام بيت كللله ما فيه يطلع برى بيت !! والا فيه مشكله مدام مع انت !!
هذا بيبي أنا أهم شي ,, مافيه سوي غلط معاه مافيه رفع صوت كلام مع بيبي مافيه يخلي أكل .. وكل بيبي يسوي غلط أنت كلام مدام <<< يعني خليها تعرف انك أنت المرجع في مشاكل أطفالك مو هي الي تربيهم لاغلطوا !!
رد تليفون مافيه أبدا , الا إذا أنت شوفي رقم مدام

وان حصل انك تعودينه على اتصال مرة بالشهر ومن كبينة مو من البيت أحسن , حتى ما تتفاجئي انها تكلم أحد هيك والا هيك على انه أهلها أو زوجها أو أو ...

والله يوفقك ويجعلها ناصية مباركة ويطعمك من خيرها ويكفيك شرها ..

هذا الرابط الي قلت عليه عن تجربة وحدة من بنات المنتدى مع شغالتها ..

واعجبتني أفكارها

http://forum.hawaaworld.com/showthread.php?t=971233

انا من رايك يالغاليه ...ليش اختبرها باولادي ...