كانت طيبه ومسكينه ..صارت شريره وقاسيه ..تجربتك

وودي اعرف ابغي اتغير تكفخت كثييييييير

السبب بصييييط جدا لقوا ان الطيبه مردية حالهم انا كنت وش زيني مع اهل زوجي احبهم ومعتبره خوات زوجي مثل خواتي وامه امي بس اكتشفت انهم يحرضون زوجي علي ويضحكون بوجهي ويتكلمون بقفاي فصرت رسمية معهم ماعدت زي اول والله ارتحت كثر الميانه تجيب المشاكل

الطيبه ماتنفع ابد انا كانت اخلاقي عالية جدا وراقيه في التعامل مع الجميع احب اساعد احب اضحي

احب اتصدق بكل قول وكل فعل حسن وفي الاخير ما عينت خير من الناس سحرت وحسدت وفقدت كل مواهبي وقدراتي وهواياتي وصرت محرومة من كل شيء مهما كان بسيط

امليت عيون وحسد وتعثرت. ومازالوا يحسدوني وما احد يبغى لي الخير يغارون مني وانا اقل من عادية بس لاني عطيتهمم وجه زيادة وطرحت الميانه في الافضل التعامل برسمية مع الجميع وخاصة مع السلفات وزوجات الاخوان والجارات حاليا انا صرت شريرة بعض الشيء رغما عني صرت عصبيه ودي بس احد يجاهر لي بحقدة وحسده ابي اطيح فيه هههه ماعاد تهمني سمعتي ولا ابي اكسب اعجاب احد عشان مايملوني شياطين على اللي معي

انا كنت طيبه وعلى نياتي واتعامل مع الناس كلها على وجهي و اصدق اي شئ ينقالي
لكن لما لقيت الناس اللي وثقت فيهم و اعتبرتهم اهل لي بعد اهلي يسعون في خراب بيتي بكل وسيلة وكل طريقة حتى انهم وصلت حقارتهم انهم يحاولون يشككوني بزوجي و يشككون زوجي فيني لكن ربك بصير بالعباد
هي صدفة و غباء منهم فضحتهم قدامي و قدام زوجي وعرفنا سبب مشاكلنا وكانوا شياطين انس اعوذ بالله منهم ومن اشكالهم
بعدها تغيرت وصرت رسمية مع الكل حتى حريم اخواني الكلمة بقدر الجية بموعد و ما اسمح ابدا ابدا ﻻحد يتدخل بحياتي او يعرف شئ عن خصوصياتي ابد و الكل صار يقولي تغيرتي
ارد عليهم الباقي وجه الكريم هو اللي ما يتغير
و بالعكس هالتغير عاد بايجابيات كثيرة على حياتي و حياة زوجي وعيالي و حسيت توني ايش معنى اسرة مترابطة و زوج اهم شئ عنده زوجته و زوجه اهم شئ عندها زوجها واﻻثنين اولياتهم بالحياة وحدة اﻻ وهي عيالهم ومستقبل عيالهم و تربيتهم واستقرارهم
اهم تغير صار في شخصيتي اني انتقلت من اﻻهتمام بالتوافه الى الاهتمام بالاساسيات والاشياء المهمة بالحياة
وبطلت شغلت المحقق كونان اللي كنت اسويها بزوجي و مسببة لنا مشاكل وهذا كله كان تبعات للي كانوا يحاولون يفرقون بيني وبين زوجي

انا كنت طيبه لدرجه السذاجه واحط اهتمام وقدر للصغير والكبير وافعالي دايم ابررها من طيبتي لكن بعد الشي اللي شفته خلاص ماعاد عندي طيب الصدمات من البشر نبهت قلبي وبس استنى احد يكلمني وانفجر للاسف سرت عصبيه جدا