كانت 100 وصارت 75

السلام عليكم

شحالكم وشخباركم ... عساااااااكم بخير

المهم ماطوووول عليكم وبدخل في الموضوع على طووول

عندي ربيعه لي في الدوام كان وزنها 100 وغابت عنا شهر تقريبا واليوم داومت انا وكل البنات يوم

شفناها تفاجئنا .. قبل كانت وحده دبدوبه تختوخه والحين ماشاالله عليها رشيقه صدق وزنها 75 بس

يبين عليها اقل بكثير من 75 انا يوم سالتها عن وزنها قالت 75 ماصدقت قلت لها لالا انتي اقل عن جيه

المهم انا والبنات تمينا وراها لين ماقلت لنا شو الريجيم اللي سوته

تقول انها رااحت لأخصائية تغذيه في الشارجه بس مارضت تقول لنا شو اسمها.. المهم وعطتها الريجيم

الريجيم هو ريجيم السوائل بس بطريقه مختلفه شوووي يعني مب كل يوم سوائل لا .. يعني 3*1

يعني ثلاث ايام سوائل تشرب اي شي تباه اي شي سائل عصاير شوربه اي شي سائل ( هي كانت تشرب

حمضيات اكثر شي يعني ليمون وبرتقال وكيوي واناناس وجريب فروت ) وبعد هالثلاث ايام تاخذ يوم

رااحه تاكل اي شي بس بدون خبز يعني مثلا

الفطور : بيضه مسلوقه + عصير برتقال او حليب خالي الدسم

الغداء : صدر دياي مشوي او مسلوق + عصير برتقال

العشاء : روب ( زبادي ) + عصير برتقال

وبين الوجبات كانت تكثر من العصاير بحيث ان وقت الوجبات ماتكون يوعانه وايد

وبس ... كررت هالنظام لمدة شهر بدون رياضه وبدون مشي ولا شي ونزلت 25 كيلو هو المفروض

اكثر عن جيه المفروض من 28 الى 30 كيلو بس هي لانها تاخذ حبوب وادويه لانها فيها الغده والضغط

ووبس ...

ملاحظه ::::

1 _ يمكن استبدال البيض بـ : مارتديلا او جبنه قليلة الدسم او 5 الى 10 حبات زيتون اسود

2 _ يمكن استبدال الدياي بـ : اللحم او السمج او التونه

3 _ يمكن استبدال الروب بـ : حليب خالي الدسم او قليل الدسم او بالسلطه

4 _ الاكثار من شرب السوائل بين الوجبات حتى لا نشعر بالجووع

**************

**********

شكرا لك بس أبسألك:

ماسوت بعدها نظام لتثبيت الوزن؟؟

الصراحه مادري وماسألتها

بس بسألها وبرد عليج

يسلمووو حبيبتي على افادتنا ..ويقولو انو السوائل تنحف بس احسها والله مررره صعبه ..وكمان للأسف لمن تسوي رجيم زي كدا بس السوائل الي تنزل منك اما الدهون لا فبمجرد ماتوقفي رجيم ترجعي تمتني تاني ..ويسير تعب على الفاضي..بس ان شاء الله يارب الكل ينحف ونسير ارشق الرشيقااات.

مبروك لصديقتك وعقبالى يارب