بنات عالم حواء وينكم

في مرة من الأيام جدتي جالسة تطالع التلفزيون وطلعت ذيك العقرب وقرصتها مع رجلها كان عندها عمي وحاول يقنعها أنها تروح المستشفى ما وفقت قال ما فيه غير اخوي الكبير طبعا الوالد وكلمها يقنعها وهي مو موافقة وجالس تقول لأبوي والله إني ما فيني شي غير ودي أصيح بالعافية اقتنعت راحوا المستشفى وهناك الدكتور قال لازم مصل وحلفت جدتي ما تنتظر تدرون ليش تقول وش راح يصبرني إلا ما يجي من مصر طبعا تحسبه دكتور راح يجي من مصر وجلس يفهمها أخر شي قال يمه هذا مغذي ما ياخذ ساعة بس خوذيه يالله اقتنعت الله يخليها لنا

قصة اخرى
هالسالفه قديمه كنا في زواج وفي هالزواج هذا غنت الطقاقه اغنية ميامي اللي تقول فيكم طرب فيكم وناسه
لما رجعنا للبيت وبدينا حش فأهل العرس
عاد حنا حريم وتعرفون الحريم مستحيل مايحشون بعد الزواجات
المهم جدتي قالت انا ماعجبتني طقاقتهم قلنا ليييييييييييش؟؟؟؟؟؟؟؟؟؟
قالت ماتستحي تقول فيكم جرب والحريم مستانسات يرقصون عليها ههههههههههههه ياحليلها جدتي

قصة اخرى
اما عن جدتي الله يسعدها فكنا مره مسافرين ونزلنا مسجد نصلي
وخلصنا الصلاه ونتلفت انا وامي الا مانشوف جدتي معناوقمنا فزينا ندور ذيك الجده انا وامي وابوي واخواني ونسأل عسى احد شافها ......الا تفجأنا نشوفها طالعها من ذيك البقاله البعيده وجايبه معها هندي يشيل عنها الاغراض قام ابوي يركض ويشوف وش السالفه
قالت جدتي الله يحفظها والله رحت السوق اللي هناك وما قدرت اطلع وايدي فاضيه >>>>طبعا جدتي مجنونة اسواق تحب شيء اسمه سوق

--------------------------------------------------------------------------------

قصة ثانية تخيلو يوم العيد الصباح بنت اختي لبست وشعرها ملفلف مثل شعر مريام فارس وفاتحه شعرها المهم جو بنات جيرنا وكلنا قاعدين سوالف وضحك شوي جدتي دخلت ومعها مشط
ونادت بنت اختي قالت يابنيتي طلعت لم العرب ونتي مامشطي شعرك قالت ياجده هو كذا حركه ياجده قالت والله لامشطه لك ومسكتها طبع حنا رحنا فيها ضحكت على جدتي ياحليلها بس بنت اختي راح وجه الوان انحرجت من البنات