هلا وغلا بنات
اليوم جبت لكم كبسة بس تجنن تخبل خبال
من ان الرز حقها ابيض بس ماتتوقعون شلون الطعم
طبعا ماراح انسبها لنفسي تعلمتها من بنت اختي روان هي مسمية الكبسة مندي دجاج بس ماحسها مندي هي كبسه
عشان كذا انا سميتها ** كبسة روان الرهيبه**
نجي للطريقـــــــــــه%%
1)) دجاجه مقطعه ارباع طبعاً مغسوله نتبلها بـ( ملح -فلفل اسود-بهارات-قليل خل )
الخل نحط تقريبا ملعقتين كبارحق الاكل يعني اللي يرطب الخلطه ويخليها متماسكه
2)) نجيب قدر تيفال الافضل وكبير يسع الدجاج ونحط فيه بصل كثير شوي تقريبا 2حبه بصل كبار مبشوره نحط مع البصل زيت كثير شوي تقريبا 2بياله شاي وممكن نكثر عادي
3))بعد تحميس البصل شوي نحط 3ملاعق ثوم كبار الثوم مفروم +مكعب واحد ماجي
ثم نقلب حتى يذوب الماجي ثم نحط الدجاج فوق الخلطه ونوطي النار مره مره ونجلس نقلب القطع كل شوي حتى تستوي فقط
4)) نسلق الأرز تقريبا 3كاسات كبار طبعا هو منقوع من قبل في ماء ومغسول لما نسلقه نحط معه 2هيل +2قرفه+2عروق فلفل حار ويترك ليسلق مانخليه يسلق سلق كامل علشان مايصير ملصق في بعض نبغى يكون حبه لحبه مفرفر (حلوه مفرفر)
5)) كذا تقريبا خلصنا الأرز نخشله ونرجعه للقدر ونغطيه
والدجاج استوى طبعا الدجاج راح يستوي من التقليب المستمر له بس ونولع فحم نحط في صحن شوي زيت ونحط الفحمه وحده في قدر الرز ووحده في قدر الدجاج نغطيهم بمنشفه وبس
6)) نغرف الرز ونحط قطع الدجاج فوقه حتى الكشنه مع الزيت نرشه فوق الدجاج والصوره توضح كذا خلصنا بس نقلي صنوبر بدون زيت في مقلاه ونزين فيه الرز ولاننسى صحن السلطه انا نسيته ماعليه
جربوها هالكبسة وقولوا لي رايكم واكيد اكيد راح تعجبكم الصحن كله بالعافيه لأول وحده ترد
