ابعطيكم طريقة كبسه من تجميعي لمجموعة كبسات
انا ببيتي كل واحد يبغى كبسه
انا احب الرز الابيض وزوجي يحب الرز بالطماطم ورز الصياديه مع المكسراتوكذالك العيال يحبون الرز بالطماطم مع المكرونه😰
ف انا من الصعب عليه اجمع بين الاطراف كلها واغشتغل على قدوري كلها
ف طويله العمر فكرت في فكره على اساس اجمع النكهات كلها بقدر واحد
والنتيجه كانت خياااااال
ابعطيعكم الطريقه بالتفصيل وانتو جربوها
اول بقول لكم على الكميه عشان توضح معاكم الصوره
المقادير هذي بكتبها على قد عيلتي وانتو بالامكان تضاعفو الكميه
اولا جهزي المقادير كلها لان الشغل يحتاج انك تضيفي الحاجات وراء بعض
اقطعي بصله كبييره تقطيع مربع
وارميها في القدر وانا استخدم القدر الضغط
واحط زيت واكشن لحد مايصير اللون بني
لاتخلوه يصير بني غامق عشان مايمرر بالرز
وحطي قطع الدجاج او اللحم وحبه بطاطس مقشره كامله
خليها تاخذ لون من البصل وتتكرمل الجلد
وبعدين ضيفي البهارات ولازم تضيفيها كلها مع بعض عشان تتحمر مع بعض وماتحترق مع البصل
ترا يطلع طعمها بشع اذا احترت البهارات
البهارات المستخدمه معاي كانت مكعب ماجي وملعقه بهارات كاري وملعقه بهارات مشكله
وهيل حب وقرفه اعواد وعويدي حب
حطيهم وقلبيهم مع بعض الين تطلع ريحتهم
وحطي حبه متوسطه طماطم مقطعه وفلفل رومي مقطع نص حبه تكفي وحبه فلفل حار كامل
وقلبي وشمي الريحه يالطييييف
وملعقه معجون طماطم
اخر شي حطي الثوم المفروم فص واحد
حطي الغطاء من دون ماتقفليه حق ابو دقيقتين عشان النكهات تتداخل في الدجاج وتتسبك
وحطي الماء والملح وقفلي القدر كويس عشان تنظغط
احسبي لها ربع ساعه بس
واذا كانت لحمه عشرين دقيقه
بينما يطبخ القدر
ولعي قدر ثاني واطبخي المكرونه باللي تحبي
انا احطها مع بهارات وملح وكركم واطبخها الين تستوي
واحضر المكسرات احمصهم او احمرهم بشوي زيت صنوبر وكاجو وزبيب وبصل شرايح
نرجع للدجاجه او اللحمه
نفتح القدر ونطلع الدجاج ونشويه بالفرن طبعا بنلقى المرق صار لونه بني والرز بعدين بيصير لونه بني كمان
واذا كانت لحمه حطيها بحافظه او قدر على جنب واذا كانت اللحمه لسى ماستوت ف خليها لالقدر وحطي الرز فوقها
وحطي الرز بعدين وارجعي قفلي واضغطي الين يستوي
وبعدين قدمي الصحن وبالعافيه
انا احط سلطه خيار وجزر بالزبادي والثوم والنعناع تجنن مع الكبسه ذي طعمها يفرق
ان شاء الله تعجبكم الوصفه وادعولي ربي يشفيني
الصوره اليكم👇🏻
