وردة نت
وردة نت
أقول قصتي كنت مخطوبة لولد عمي مو ملتزم يجيب المرض من تصرفاته وابوي مصمم وإذ ماتزوجته أحلم اني أتزوج واحد ثاني لأنها عندنا مانخرج لبرا يعني منا وفينا طبعا أنا ملتزمة وأخواني وأخواتي ابوي عادي فلمنا صار احد يتقدم لي يرفض مع اني اصغر وحدة في البنات وصرت ادعي وانا في الثانوي الى الكلية السنة الثالثة يعني ست سنوات انه الله يرزقني زوج ملتزم يخاف الله فيني ويلين قلب أبي وقدر الله ونخطبت من خارج العائلة بإنسان ملتزم وتزوجت والحين لي سنتين متزوجة والحمدلله لكن أخواتي الى الأن متزوجو وهم أكبر مني وأسأل الله لهم ازوج الصالح,, الشي الثاني كثير من صديقاتي أحلامهم زي أحلامي ولا وحدة تزوجت واحد ملتزم والأغلبية مايحافظون على صلاة الجماعة غير الدخان وتخيلو انا اهل البنت لما سألو عن الرجال قالوا مافي زيه والى الآن أهل البنات مايدرون ان أزواجاهم مايحافظون على الجماعة وانهم يدخنون يعني ديكور قدام الأهل والبنت مسكينة تنصدم بزوجها المثالي قدام اهلها بس وماتبغى مشاكل فتسكت وبعض صديقاتي برضه ازواجهم موملتزمين بس محافظين على الصلاة وغيره فكله بأمر الله وكله مقدر ومكتوب للجميع لاكان الأنسان عليه بدعاء وإلحاح بدعاء فالله مايخيب أحد لكن الجميع يستسلم لأمر ولا يتحرك في شي الله يهدينا جميعا ويرزقنا طاعته والإقتداء بنبيه
أقول قصتي كنت مخطوبة لولد عمي مو ملتزم يجيب المرض من تصرفاته وابوي مصمم وإذ ماتزوجته أحلم اني...
الحمدلله اللي رزقك ما تتمنين والله يرزقك اخواتك بالازواج الصالحين

اما ازواج صديقاتك وانهم ديكور صلاح عند الاهل فاتوقع ان الاهل ما سالوا زين او انهم اقتصروا على جهه وحده للسؤال ام العمل او الاقارب

وكل شي مقدر ومكتوب


اشكرك على المرور
ملكة الحسن
ملكة الحسن
ابغى افهم ايش القصد انه ملتزم

دامه يصلي و يخاف ربه فيك و يحترمك

شرط انه يكون مربي لحيته و مقصر ثوبه علشان أخذه

ما اعتقد

اهم شيء يكون انسان خلوق و طيب و دمه خفيف

:)

و يعطيكم العافية
بنت الريحان
بنت الريحان
ابغى افهم ايش القصد انه ملتزم دامه يصلي و يخاف ربه فيك و يحترمك شرط انه يكون مربي لحيته و مقصر ثوبه علشان أخذه ما اعتقد اهم شيء يكون انسان خلوق و طيب و دمه خفيف :) و يعطيكم العافية
ابغى افهم ايش القصد انه ملتزم دامه يصلي و يخاف ربه فيك و يحترمك شرط انه يكون مربي لحيته و...
أخواتي الحبيبات شدني الموضوع كثيرا اأني مررت بتجربه واردت أن أدلو بدلوي معكن,فقد التزمت في سن مبكره ولله الحمد لكني عانيت كثيرا مع مجتمعي الذي حولي كان مجتمعا محافظا لكنه غير ملتزم كما كنت احب واتمنى ,ولمعاناتي مع ذلك الواقع وضعت في نفسي هدفا الا اقبل الا بملتزم يعينني على امور دنياي واخرتي,تقدم لي الكثير ممن كانو على خلق ومن بيوت طيبه لكني كنت ارفض دائما مصرة على شرطي الوحيد مع انه لم يكن من اقاربي ولا ممن اعرف شاب ماتزم ابدا ,كان حلما جميلا بعيد المنال لكن من يصدق مع الله يصدق الله معه وبالدعاء الصادق يصبح الصعب يسير.
علمتني امي الحبيبة -يحفظها ربي-دعاء كنت ادعو به في اوقات الاجابة وفي كل حين مع تيقن الاجابة وحسن الظن بالله تعالى فكنت أقول""اللهم ارزقني زوجاصالحا تقيا نقيا يخافك فيني ويعينني على امور ديني ترضاه انت لي ويرضاه والداي لي وارضاه انا لنفسي""
وفي اخررمضان قبل زواجي ذهبت مع اهلي الى مكة وكنا نصلي في المسجد الحرام ,دعوت الله بصدق ان يبلغني مااريد وخصوصا عندما كنت ارى شبابا سيماهم الصلاح كنت اتحسر ان لم يكن لي حظ في مثلهم.....وما ان عدنا من مكة بعد رمضان الا واتى الخاطب الملتزم الذي كنت اريد ولله الحمد وبعد الاستخارة والدعاءما هي الا اشهر حتى تزوجت منه ولله الحمد والمنه..وهو نعم الرجل الصالح ولله الحمد..
ولكل أخت ترجو ملتزما أقول:عليك بالصدق مع الله اولا والصبر والالحاح في الدعاء فاءن الله تعالى لا يمل حتى تملوا.واهمس في اذنك ان لكل شيء ضريبه فالملتزم(الداعيه)ليس ملكك وحدك بل سيغيب وينشغل كثيرالذافضعي ذلك في الحسبان ولتكن همتك عاليه ولا تتوقعي ان الطريق مفروش امامك بالورود دون تعب او شقاء حتى لو قدر لك الزواج من الملتزم,فقد خلق الانسان في كبد ومشقه وليس هناك سعادة محضة الا في الجنه0
فرغم زواجي ممن كنت ارغب فحياتي ليست صفوا بسبب المشاكل مع اهله والتي لا تنتهي ولا تقف عند حد لكن الحمد لله على كل حال.
ولا زلت استعين على كل امر يكربني بالدعاء فوالله الذي لااله الا هو ان له سحرا عجيبا لا يعرفه الا من جربه.
دعواتكم لي بان يصلح الله اهله وان يسخرهم لي.
شهوووووده العسل
انا اعرف وحده عاديه تزوجت ملتزززززززززززززززم ومامر على زواجهم سنه الا

والرجال مخفف اللحيه ومدخل الدش ويسمع اغاني وانقلب 180درجه وسمح لها تلبس القصير والبدي

وبرقع وعبايه كل الوان الدنيا فيها الله يهديهم<ياكثر بربرتس بس

يعني ممكن ان الوحده اذا اخذت عادي وهي ملتزمه تخليه مثلها

والله يقدم اللي فيه الخير...
أم الأقمار
أم الأقمار
الحمدلله حلم عمري إني أتزوج ملتزم ومافكرت أبدا أقبل بغيره والحمدلله تزوجت الرجل اللي تمنينته وممكن العائلة لها دور في هذا الشيء لأن أغلب شبابنا ذاك الوقت من الشباب المستقيم ..
لكن ألا حظ إن التأثير جدا واضح من الطرفين أعرف وحدة ملتزمة تزوجت عادي وكل لاحظ التغيير اللي طرأ عليها لكن الحمد لله مازالت بخير
وكذلك أعرف ملتزم لكن مو مرة يعني تقدرين تقولين ظاهره الالتزام وأخلاقه طيبة تزوج وحدة عادية جدا واهتماماتها سطحية دخل الدش لبيته وصاريسافر وياها برى ويسمح لها تلبس ماتشاء من القصير والعاري مع أن المجتمع عندنا مازال محافظ ..
فلذلك بالعكس نحاول نبحث عن الزوج أو الزوجة المتمسكة بالدين لأنه له تأثير على الشخص نفسه وعلى الأولاد في المستقبل ..