هواي البر :

الشخصية الناقدة اذا انتي ماعرفتي تتعاملين مع نفسك راح تصيبك بالاحباط تعاملي مع نفسك مو معها.. كيف ذاك؟! ماراح تعالجينها الا لما تعالجين نقطة عمييييقه عندك انتي .. راح تعيشين في ضياااع مثل مرحلة التيه اللي عاشوه بني اسرائيل يدورون ويرجعون نفس النقطه اربعين سنة .. وش هالنقطة ؟! اللي هي نقطة الغايات .. إذا انتي تتعاملين مع الشخص و تؤدين حقوقه وغايتك تكسبي رضاه ومدحه مثلا .. ثم مايمدحك بل ينتقدك فانتي هنا ماحققتي غايتك وصار عملك ع الفاضي وتصابين بإحبااااط شديد.. مذا راح تظلين تدورين في دوامة انتقاداته اللي ماتنتهي و غايتك اللي ماتحققت !!! طيب يعني ايش الحل؟! الحل بسيط غيري الغاية عندك .. اجعلي غايتك مو مدحه هو لا .. اجعلي غايتك رضا الله فقط لأن امرك بطاعة زوجك لكن قال ( اتقوا الله ما استطعتم ) اطيعي زوجك حسب استطاعتك ..ماراح يطالبك الله فوق استطاعتك.. كثير من الازواج لما يشوف زوجته سخرت حياتها له وكأنه خلقت لعبادته ..يجلس شيطانه يلعب فيها ويلعب باعصابه لعب.. لكن لما تكون غايتك الله وتفعلين مايريده زوجك حسب استطاعتك يعني مثلا اليوم قال لك لا تزورين اهلك صلحي لي عشاء بيجوني اصحابي .. هذا امر واضح باستطاعتك انتي .. فواحب عليك طاعته .. هما خلاص ينتهي دوره مو تركضين تبحثين هل قبل العمل عنده وكتب لك الأجر عليه !! ترى هو مابيده قبول عنلك ولا عنده ميزان يوزن اعمالك .. اذا انتقد قولي ان شاء الله المره الجاية اذا الله يسر لي ..و خلاص .. لكن لو زوجك قال ابغى تسوين شي تخفين كرشتك وتعالجينها .. او تطولين شعرك او دوري حل للحبوب في وجهك مثلا .. او اي شيء.. انتي ما تملكينه تدرين وش معنى الغاية ؟ معنى القصد ايش؟ اللي هو توحيد الالوهية .. وهو افراد الله بأفعال العباد.. يعني افعل الفعل لله وحده .. كثير من الناس واقع في خلل الغايات وهو مايشعر ومسبب له هالموضوع مشاكل نفسيه بحياته مالها اول ولا تالي.. الامر الاخر : ذكري الشخص هذا بالشكر والحمد .. لأن بالشكر تحفظ النعمه وبالجحد والتذمر والانتقاد يسلب منه النعمة .. الامر الاخير : الشيطان عدو للبشر فهو يحاول ينزغ بين كل اثنين من المسلمين وخصوصا الازواج والاخوان ويحاول يفسد عليهم ويدخل بينهم الغضب والمشاحنة والمشاكل فاحرصي على التحصن والذكر

الشخصية الناقدة اذا انتي ماعرفتي تتعاملين مع نفسك راح تصيبك بالاحباط تعاملي مع نفسك مو...