يعطيك الف عافية يا ام دانة على هذا الطبق الشهي .بس انا عند سؤال اذا ممكن ..الزبادي كم كميته ؟ وسؤال ثاني بعد : وش تقصدين بالحليب ؟؟ حليب سائل والا بودرة والا ايش ؟؟

ومشكورة يالغالية وتسلم ايدك

السلام عليكم و رحمة الله و بركاته....
عزيزتي ام سلطان الزبادي حسب الكمية يعني لو كمية صغيرة علبة او علبتين زبادي تكفي
اما بالنسبة للحليب السائل مو البودرة :)
يعطيكي الف عاااااااااااافية :19:

اختي لو ثقلت عليك بس ابي المقادير بالضبط يعني كم اللحم والبقدونس والبقسماط وجبنة فيتا اي حجم

وشكرا

السلام عليكم و رحمة الله و بركاته...
عزيزتي هتون انا اسوي المقادير بالبركة
بس اذا حبيتي المقادير بالضبط هيه
كيلو لحم مفروم
نص كوب اوراق بقدونس مقطعة
بيضة مخفوقة قليلا
ربع كوب بقسماط
2 فص ثوم مهروس
نصف ملعقة صغيرة ملح
ربع ملعقة صغيرة فلفل
ملعقة زيت
علبة صغيرة جبنة فيتا
ثلاث ارباع كوب زبادي
2 ملعقة حليب
فص ثوم
ثلث كوب طماطم مقطعة
ثلث كوب خيار مقطع
ملعقة شبت او بقدونس مقطع

والطريقة موجودة عندك بالضبط واي سؤال انا حاضرة :)...