كل سنة وانتم طيبين بمناسبة قرب قدوم عيد الاضحي عرفت ان ناس كتير مابيحبوش الكرشة
فحبيت اوريهالكم بنعملها ازاي في مصر وبتبقي طعمها جميل وماينشبع منها يللا نروح المطبخ
بسم الله الرحمن الرحيم
ننضف الكرشة بسقطها في ماء مغلي ونكحت بالسكبن المواد العالقة لحد لما يبقي لونها ابيض اغسلها كويس بالمية والخل ونشطفها كويس وتتقطع مربعات ونحطها في الحلة
نخرط عليها بصل كتير وملح وفلفل وشوية مية صغيرين ونغطيها ونوطي لحد لما تستوي وان احتاجت مية ازود بس هي بتاخد نار شوية
اغسل الحمص كويس (حمص طبيخ مش حمص الشام اللي بينحط علي الكشري )واسلقه ويفضل لو كان منقوع علشان مايخدش وقت
احضر الدمعة احمر توم مفروم مع شوية كمون مطحون في ملعقة سمن ولما يحمر اضيف الطماطم المعصورة واسيبها لحد لما قوامها يغلظ اضيف الملح والفلفل والحمص المسلوق والكرشة المستوية واسيبهم يغلوا مع بعض شوية واسيبكم مع الصور
وده بعد الغرف
وبالف هنا وشفا وكل سنة وانتم طيبين ويعوده عليكم بالف خير
