الصبر الصبر الصبر
الدعاء الدعاء الدعاء
:42: :42: :42:

الله يعينك اختي
بس الحين مالك الا الصبر يمكنها مرحلة وبتعدي ويرجع لعقله
اصبري عليه وعطيه احسن ماعندك من مظهر واخلاق .. اذا استمر بهجرانه وتجاهله لك
اتخذي التدبير اللي تشوفينه بصالحك انتي قرري لان مايحس بالجمره الاواطيها واحيانا
الصبر يجيب نتايج للاسف .. عكسيه .. نصيحه اخيره .. تجنبي الحمل حتى تعرفين انتي وش عليه .. وماعليك من ابوم يمكن لاتركتيه يرزقك ربي بافضل بدل تضيعين عمرك على واحد ماداري عنك

طيب..

طالما شكواك لة ومحاولاتك معة فشلت..

غيري الطريقة جذرياً...

طيعي شوري..

أول شي عليك ..

خذي جرعة كافية من الصبر..

وأكثري من دعاء الجواد الكريم..

وغيري من أسلوبك معة..وهو إنك تتعاملين معة بصبر وبلا يأس..

إن جاء..هلا والله وسهلا ..يالله حية..

وإن أنشغل أصبري وأعذرية..وحاولي تجذبينة على الاقل..

فلا تشتكين لة من معاملتة.. أو تكثرين من السؤال وتئنيب الضمير..

حسسية بغلطتة معك بشكل غير مُباشر..بتلميح وليس تجريح..

وعاملية إذا دخل كضيف واجب عليك إكرامة وراحتة..

اضحكي وسولفي مهما كان خاطرك...

لاتنسين إنك في بداية حياتك الزوجية..

والزوج متعود جو أهلة..ولا بعد خذ عليك ..

لكن من معاملتك الطيبة لة وصبرك..

شوي شوي تلاقينة أرتاح لجو البيت وبدى يحس بك وبوجودك بحياتة..

لأنك إنسانة مرحة حبيبة طيبة خلوقة..ماتستحق من يهينها أو يهملها..


دعائي لك بالتوفيق..

ياهلا بك اختي .... مشكلتك .. عورت قلبي .. وحبيت افيدك بشيء .. مهم .. البنات ماقصروا .. بس ودي تسمعين اللي بقوله لك ...

ترى الريال احياناً يحب يعلق زوجته كذا .. يعني يحب يخليها دايم متعلقه به .. لا هو معطيها وجه ولا هو مريحها يعني مخليها على نار .. تعرفين ليش ... لانه طول اليوم مشغول عنك وهو في الاصاص مشغول عليك بس مايبين .. صدقيني ... ففكيف يضمن عدم انشغالك عنه يخليك بنارك .. دوم تفكرين به وتتمنين وجوده وبس .. عشان يلهيك عن اي ثاني ... سبحان الله طبع الريايل كلهم واحد ... عشان كذا اسمعي ...

اول شيء ... لاتسالينه عن شغله كثير بس اذا حسيتيه متضايق اسئليه وش سوه واذا ماحب .. خليه على راحته .. لاتلومينه اذا خسر بالعكس شجعيه .. وقولي له لو انته مشغول ترى انا قلبي دوم يدعيلك بالتوفيق ... صدقيني الانسان مايبا غير الكلام الطيب والدعوه الصادقة ... الرجل .. يكره الزن والملاحق ... اتركيه في حياته وخليه يشتغل .. تراه اللي يسوه بالنهاية لك ولاطفالك بالمستقبل .. وهذي حياته معك ... قولي الحمدلله انه مشغول بالشغل وفيه خير لاهله ... وراح يكون فيه خير لك .... بس لاتحاتين

ثاني شيء لاتنسين اهله .. حاولي توصلينهم ... وتزوريهم .. وكثري اتصالك لهم ... تدرين الرجال يحب اللي تحب اهله ... يعني كل يوم اتصلي باخته او امه ... واذا عندك وقت زوريها وخليه اذا جا بيروح بيت اهله .. يمر عليك ... بكذا تكسبين وقت تقعدين معه ...

وثالث شيء ... شوفي شو انتي شو اللي ماهرة فيه .. سويه .. واشغلي نفسك فيه ... يعني بالاماراتي البسيه( طنشيه ) ... خليه هو اللي يبحث عنك .. مش انتي ...

يعني بالبيت ومن خلال الانترنت .. مثلاً تعلمي طرق جديده للطبخ وسويها ... اعزمي صديقاتك مب لازم تروحين لهم وذا صديقاتك من البنات المتفهمات راح يفهون وضعك ويجونك ...

او مثلاً جيبي لك محفظة او اتفقي مع بنت تسوي دروس دينيه ... وجيبها بيتك واعزمي البنات .. صدقيني راح تنشغلين كثير اولاً راح تنشغلين بشيء يجيب لك اجر ثاني شيء راح تنسين شوي همك ...


ونصيحتي .. انه العيال هم الشيء اللي راح يشغولونك ويملون وقت فراغك ...

وكلمه اخيرة .. ترى الزمن ياختي يتغير ولو صبرتي اليوم ... راح يشوفها لك بكره وانتي معاه على الخير والشر وعلى الحلوه والمره ... واصبري ... وان شاء الله الله بعوضك خير .... بس الصبر زين ...

جزاكم الله خير اخواتي على ردكم..وانشالله ماتمرون بالي امر فيه..
ابي اقولكم على اللي صار اليوم..ومدري كيف صار..
في البداية ابي اقولكم ان زوجي كالعادة ماجا الا وقت متاخر امس..مع انه واعدني يجي..بس قال انه راح لاهله..طبعا انا شبت نار بقلبي..بس ماحكيت..
واليوم سويتله احلا غدا ولبست احلا لبس..وانا عادة حتى لو كنت متضايقه ماحب يمسك علي شي غلط..
المهم تغدى..وانا كنت معصبه بس مابينت تحاشيت الاصطدام فيه ورحت نمت العصر وهو كالعاده قعد على النت وطلع لشغله..وبالليل دق علي الساعه 7 قال انه بيجي بدري لان بنطلع انا وياه نشوي برا..قلت طيب بتتأخر قال لا..
8 9 10 11 12..ماجا ولا يرد على الجوال..انا انقهرت..ماجا الا 12ونص...لما جا كنت قاعدة اقرا شي على النت..سلم من بعيد ورديت السلام..قال وش تسوين..قلت ولا شي..لاني ادري لو تكلمت بطلع الي بقلبي...فسكت ولا قلت شي...ماش ماصبرت..رحت وراه وكان يغير ملابسه..قال وش فيك؟بدون اهتمام..قلت مدري انت وش حاس؟قال بتساليني ليه تاخرت؟..قلتله انا ماقلتلك شي انت الي قلت..وسكت ولا قال شي..قلتله ييعني مافي رد؟..قال كنت مع واحد...انا انهبلت..قلت يعني اللي مع واحد مايدق ويقول انا مشغول انا منيب جاي..اي شي..لانه لو كان واحد غريب كان تعذرت منه..قال انا مارديت على اي احد دق..قلت وانا اي احد؟قال لا تشبكين الامور..قلتله عاجبك وضعنا يعني..ماتجي الا اخر الليل ولا حتى تعبرني بكلمه..قال انا مو قاعد العب..قلتله انا عارفه انك ماتلعب وانك تشتغل..بس الواحد يكون وسط..يمسك العصا من النص..الحياة مو لكها شغل..انا ماشوفك الا نص ساعه باليوم..قال اصبري..قلت وانا صابره ..بس لكل شي حدود..انا صابره بفاعالي ولا ممكن اقولك انا بطلع وبروح واجي واهمل بيتي وشكلي وكل شي..بس انا صابره بكل شي..قال اجل لا تحكين..قتله انت طلبت مني مره اني ماشتكي لاحد غيرك ليه ماتنفذ الي قلته لي..قال انا ماعندي وقت..قلت عندك وقت فراغ بس تروح لهلك..قال وش تبين يعني الجنه تحت اقدام الامهات..قلتله انا ماقلتلك لا تروح بس اجل روحتك..يعني انا مالي حق عليك..قال تبين ترضين بالطيب بالغصب بكيفك..وقال اصلا الي يحكي معك غلطان..قلت والي يهتم فيك غلطان..
انا انهرت قعدت ابكي ابكي ودقيت على امي..لان ماعندي احد غيرها...جتني امي لانها كانت قريبه من بيتي..ودقت على زوجي وتكلمت معاه..ونفس الكلام الي قالي قالها...مافي فايده انه يتقبل..لانه طول الوقت يقول لنفسه انا مشغول وانا وانا..مع اني ماطلبت يقعد معي..انا طلبت بس كلمه تخفف عني..بانه يقول معليش اعذريني معليش سامحيني..الله يعافيك ماقصرتي معي..يسالني عن احوالي..اي شي يخفف..بس مافي امل..وطبعا هو طالع من البيت عقب الهوشه وتوه راجع
قولولي وش اسوي؟؟