كشتات شقحة وربعها .......( لا يطوفكم)

السلاااااااااااااااااااااااااااااااااام عليكم ورحمة الله

شلونكم وش اخباركم يا بنات والله اني اشتقت لكم بس
ظروف صارت وما قدرت ادخل امي ولدت وجابت بنت وامتحانات
وبلاوي بس المهم


ياربايع ابي اقول مواقف وسوالف يوم كشتنا للبر

من كنا بالبيت لين وصلنا الابر

طبعا اهلي كلفوني في ترتيب القش لانا راح نمرح بالبر خمس ايام
وانا بنت ابوي الضفره
رحت رتبت العفش بس في بعض الاغراض ناسينها


وقومت اهلي واخواني وركبنا السياره وانا جتني البكيه ابي اركب مع اخوي مشيعل
بالزد بس ال.....؟ عيا اي رفض
ركبت
وانا ميته من القهر خزنه تركب معه وانا لا بس قلت والله ما انساها

وصلنا البر
وبنينا خيامنا 3خيمات ومشب
المهم ياربايع
وانهبلنا وطلعت شقحه قدام عمانها وعيال عمها على حقيقتها اعرفوا انها ميهي
صاحيه

الساعه اربع العصر يبي يراضيني اخوي مشيعل وقال امشي ابي اسوقك
في الزد

وانا من الفرحه قلت لبنات عمي اطلعوا شفوني وانا اقحص
ركبت وانا نافشا ريشي
واسوي حره لبنات عمي قال: اخوي دوسي على البانزين وحركي السكان
وانا مدري شسويت طقيت القير ورا ودست على مدري شنو ولا السياره ترجع ورا
ولا اخوي يصيح سيارتي عزيزه
كان يوقفها ويفتح الباب اللي عندي ويرفسني برجله واقعدوا بنات وخواتي وعيال عمي
يضحكون علي
وانا القط وجهي وامشي

قلت والله اوريك

واروح وانا حاقده عليه قلت اسوي فيه مقلب
كان انادي اخوي محمد الفارس الملثم قلت جيب سليباق مال مشعل كان يجيبه
واحط فيه خنافس ساعه وانا ألقطهم ومشعل مايحب الحشرات
واروح افرشه له بعد خلو الخيمه

واقعد انطر متى ينام مشعل ما يرتاح قلبي لين يصيح واسمع صياحه

وبعد مرور ساعه على الخنافس راح مشعل هو وعيال عمي ينامون ولا صياح مشعل
صرصور هو الغبي علباله صرصور
وروع عيال عمي وكلن قام ينفض فراشه وصارت صيحه وانا ورى الخيمه والكشره من
الاذن لي الاذن


اصبحنا الصبح ومشعل يطالعني ويضحك قال مردوده مردوده
وانا كني موسمعته
ابوي قال :
ارواح ياعيال نلقط فقع
كان اقول أ نا معكم قال العيال لا البنات ما يروحون
قلت انا موبنات انا حريم رايحه رايحه
ابي قال البنات يروحون
كان نروح نلبس
عاد انا ما خليت شي ما لبسته تنورتين مخمل بنطلون جنز 3 شاربات جوتي
2 بدي دراعت بيت بشت ابوي شيلت امي
رحت وانا كبر الباب وغير عباتي
يوم شا فوني بنات عمي وعيال عمي ماتوا علي من الضحك
ورحت ركبت السياره وانا يالله امشي

حتى يوم نزلت ابي القط فقع ماني قادره ادنق من كثر الملابس
كان اصيح على ابوي قلت :
يبااااااااااا انا برجع السياره مت من البرد

كان يقول :
كل اللي لابسته خلصتي كبت خواتك وجيتي تقولين متي من البرد جعل ربي يبرد لهبك

ولقطنا فقع ورجعنا الخيمه

قلت بنات نبي نلعب عروس ومعرس
وطبعا انا العروس ونوره اختي ام شقحه المعرس

عااد انا دوري عجوز مشفوقه على العرس ولابسه الطرحه ومخربه شكلي بالمكياج
واسوي مع السلامه حق المعازيم
وارقص وخواتي يوقفوني
بس العرس انهبلنا فيه اهبال
وقاموا خواتي يصفون علشان يرقصون الورعان

وفجأه ولا يدخل ابوي انا من الخرعه رحت ادور بالخيمه وخواتي اندسو كان يمسكني
ابوي قال :
وش ذا
قلت :
عروس ومعرس
قال:
تبين العرس
قلت:
لا بس لعبه
قال:
امشي ابي اطلعك قدام عمانك علشان يشوفون خبالك
قلت:
لالالالالالالالالالالالالالالالالا والله ماعيده
كان يضحك قال يالله كملوا قدامي قلت خلاص تطلقنا
قال:
ليش
قلت : امه توفت وخواته وعمانه وكل الجماعه
راح ابوي وانا من الخرعه رحت نمت

قمت الصبح وقلت يالله بنات نبي نلعب انا الذيب قمنا نلعب ولا اشوف سياره سوبر
وحده فورد عليها عايله كبيره

بعد يمكن متر عنا الناس ماهم طبيعين يبنون الخيمه وهم يرقصون قلت لا ماهم صاحين
كان اقول يبيلهم بنات قعده كان اتربع وبنات عمي يقلون شقحه قومي وانا موراده
عليهم مادريت ولا اللي ماسكني من علباي ولا خالد اخوي قال شسوين هنيه قلت قاعده
اطالع تصدق يرقصون
قال تبين ارقص العقال على ظهرك قلت لا كان اروح للخيمه

وشوي العصر رحنا للجبال اللي عندنا كان اشوف جفر ضايع كان اركض واخذه
رحت لبوي قلت لقيت لقيت جفر ضايع قال وين راعيه قلت مدري
قال رجعيه قلت لا ده ولدت بيني وبينه محبه وعاهدته على الصداقه قال خلاص
اذا ما لقيتي راعيه لمدة ثلاث ايام اخذيه
قال بس دوري راعيه

كان اصيح بأعلى صوتي
يامن ضايعه له وبصوت خفيف ضاله يامن ضايع له ضاله

وقعد عندي الجفر ثلاث ساعات مشطته ونظفته وحطيت له حمره وسميته جفوره

ولا ابوي جاني كان يقول لقيت راعيه كان ابكييي بكي ما بيها تروح عني



وليلحين يا بنات وانا متحسفه عليها ابي جفرتي

عااااااااااد لا تسألوني على اللي بعد لاني مغير ابكي

اه اه اه اه
:06::06::06::06:

البقيه في الفصل الثاني