كشته غير طعم

السلام عليكم ورحمة الله وبركاته
كيف الحال والاخبار
والله حبيت انزل موضوع قبل اخلص مختبره من الثلاث مواد الله يختمهم على خير
قولوا امين
السالفه صايره اليوم
وهي حكايه تقدرون تقولون بدون طعم
لكن سولافه توسع صدر اللي ما يختبرون واللي مخلصين واللي يدخلون وعندهم اختبارات امثالي
كنت امس بنام وما عندي سالفه واجيك احط جوالي على الخدمه اللي تعطي مقفل
وتاصل رسايل واحطه على الصامت
وماش وانا بنام كان اكلم على وحده وييين من زمان عنها يمكن من المغرب لا استغفر الله العشاء اخر ما كلمته بعد الاذان وكانت طالعه
عاد كلمتها وسواليف معها فوق الساعه بالجوال عاد ما اعرف اجلس بمكان
طلعت اتمشى من غرفه لغرفه ما غير اسوع
الا غرفة اخوي وسريره جربته
والله من اخلص مكلمه اقفل
القى 19 رساله
عاد فتحت بعضها ياربي وش عندهم
المهم طنشت لانها من موجود
ونمت
بعد النومه صحيت الا اختي تقول قومي بنطلع المخيم مع خالتي
عاد ترررجع بي الذاكرة انه يوم الاثنين واشوف الجوال القى خواتي مكلمات
وجوالي مقفل واقول وش عندهم ناسيه انه الاثنين
وانا مطنشه بنام ما نمت امس
واقوم واتحمم الاه الساعه وحده واتزين ونطلع البر حول العصر
وحنا طالعين سيارتنا جمس ومعنا خواتي يالله تشيل بزران وشغالات
وبعد ما قربنا تغرز السياره عاد انا هنا انبسط
اقول لابوي انزل انسم قال
لا انزلي للمخيم رجليه مو بعيد
واشيل فروتي وحوستي
وانزل للمخيم ويجون عيال خالتي مع ابوي يطلعون السياره
صلينا هناك
ونجلس مع بنات خالتي
الا نسمع البزران طايرين وانا كنت طالعه حااادث
حاااااااااااااااااااااادث
وعلى طلعتي كان اشوف جيب وبالنفووود والرجال حقيننا يشيلونه ويطلعونه من السياره ويركبونه الجيب حقهم وياخذونه المستشفى
وحنا نتابع الاخبار
اتاريه مار على المخيم اللي بجنبنا وصادم المخيم وداخل عليهم وماخذ الخيمه معها وطالع
وما وقفه الا النفود
ومن حسن الحظ اللي جوا الخيمه كانوا طالعين واللي مبعد عن مكان الصدمه والا جوا الخيمه هم
ودخلت الماسوره على القزاه وضاربه وجهه وداااخ
وراح ولد خالتي يشوفه وراح ينادي اهلي لانه ما تحمل المنظر
كان يشيلونه ويحاولون يودونه للاسعاف لانه فيه عندنا مخيم للاسعاف ومعد لمثل الاشياء هاذي
وكان ولد خالتي يحاول يمسكه علشان وجهه وهو صحى وقالوا لا تلمس وجهك قال ما فيه شئ لانه كان من شده الصدمه ما اهتم بنفسه مرتاع على اللي صااادمهم
والحمد لله مافيه الا العافيه ونزل من السياره طيب وودوه المستشفى
عاد تجي الشرطه وسطحه تشيل السياره لكن موقف لا ينسى لاني اول مره اشوف المنظر هذا بالحقيقه
وكان ورى المخيم على طووول وقريب منا مررررة
عاد بعد الحادث والروعه
اذن المغرب والشمس بدت تغرب والنور خلاص بداء يتلاشى
وبنفتح الانوار قالوا ما فيه نور
الحادث شال الدنيا معه وحاااس الكهرب
عاد صرنا داخل الخيام مثل ايام اووول
واللي تمشي وتطيح واللي تدور عياله
واللي البس لا تطلع
وفلان وينه
ومن الحاله وعشنا ساعات بدون الكهرب
وحسينا بنعمه الكهرب
والحطب ما اشتعل وجالسين دخنه وحوسه وفناجيل تكسر من البزران

وكل وحده تمشي معها شمعتها اقصد جوالها فاتحه نوره

والحمد لله زينوا النور واشتغل وعااادت الانبساطه الينا من جديد

ورجعنا للبيت بدون تنسيم كفرات ولا مطاعس <<<<والا بعد عندك نيه بعد الحادث
وهذاي اقص لكم الحدث وشكلي بنام والا بذاكر وتصبحون على خير

وشكرا