كشته للبر ( الله لا يعيدها من كشته )

مسيتن بالخير يا حريم
وش لونكن
والله لو انتن بحايل لونكن يكون اسمر ما فيه كلام المهم
خلينا بسالفتنا اليوم


طلعنا للبر ( النفود يسمونه اهل حايل ) الاسبوع هذا يعني كاشتين
طلعنا حنا وجارتنا المصرقعيه وجارتنا حسنا طبعا مع اهلهم كلهم :41:

وخذينا معنا اغراض الكشته من خيمة ( بيت شعر ) وخرفان وقدور ومواعين ودلال وملاعق وووووووووووووو الوكاد ما خلينا شي

وحطينا عزبتنا كلها بظهر الددسن والددسن هذي على فكرة ددسن زوج المصرقعيه
تصدقون عاد البر هلايام صار زحمة والله .... يالله لقينا محل ( الله يجيركن )

اول ما وصلنا لمحل كشتتنا نزلنا اغراضنا ونصبنا الخيام ( بيوت الشعر ) ورحنا ندور الفقع بس الظاهر انه توه ما طلع الوكاد مالقينا فقع ورحنا نطرد الجرابيع :01:

راحوا الرجال وذبحوا الخرفان وجزروهن وجابوهن ( يدودلونهن ) وهن ينقطن دم وقال زوجي يالله يأم بقشيه سنعي لنا الغدا قلت ابشر ورحت انا والمصرقعيه( نشلوط ) راس الذيبحه وكراعينه وظبطنا لهم الغدا الي ما خلص الا الساعه اربع العصر بعدين تغدينا وعينا من الله خير

راحوا العيال ( عيالي وعيال المصرقعية وحسنا ) يلعبون

جلسنا حنا الحريم بعد ما تغدينا صلحنا قهوتنا ورحنا نسولف ونحشحش ( الله لا يواثمنا ) ونتفرج على العيال وهم يلعبون :21:

يوم خذينا شوي الا ونزلوا عندنا ناس جوا عيالهم يلعبون مع عيالنا وواحد من عيالهم معه نبيله ( نبيله= نبيطه )
خلينا العيال يلعبون معهم

بعد دقايق واحد من عيالهم رمى بنبيطته على بنتي بقشه وفلق راسها برضمه ( الله لا يربحوه ) جتني بقشيه الله يصلحها تبتسي ( تبكي ) والدم يصب من راسها :06:
خفت انا ومسكتها وسميت عليه وربطت راسها بغدفتي ( غدفتي = غطوة الوجه )
:(

قالت المصرقعيه حطي على راس بنتك شوي من العويدي المطحون قلت لها جيبيه وراحت الله يسلمها وجابته وطحنته وحطته على راس بقشيه وتوقف الدم والحمد لله

قلت للمصرقعيه والله ما قصرتي صرتي طبيبه
ضحكت المصرقعة ( والظاهر اناه صدقت نفسها ) :23:

بعد ما ارتاحت بقشيه قلت للمصرقعه خليكي هنا عند بقشه ابروح اشتكي على الي فلقوا راس بنتي

رحت وتقنعت ( يعني لبست المقنع = العبابه ) وخذيت معي عجرا مشان اخوفهم :30:
يوم وصلت لهم قلت يا عروب يا عروب
طلعت لي هذيك المرة الي كل وجهها اخضر من الدقه ( الدقه = الشامه الخضراء الي يسونها البدويات وعلى فكره تروها حرام بس من يقول لها) وشفتها لابسه زمام بخشمها
( الزمام = الحلق الي يحطنها البدويات بخشومهن ) :11:
قالت فوتي يا مرة قلت لا مستعجله قالت فوتي حلفت قلت لا والله بنتي هنا مفلوقه وراسها يصب دم ونا جايه اشتكي على عيالك الي فلقوا راس بنيتي


قالت سمالله على بنتتس منهو الي فلقها من عيالي قلت والله ما ادري منهو قالت طيب انا اوريتس
وراحت وخذت العجرا مني وراحت يم عيالها كلهم وجمعتهم قدامي وراحت تدودحهم ( تدودحهم = تضربهم ) لين بكوا ونحاشوا :42:
قالت خلاص انا هالحين دودحتهم تبين شي ثاني قلت لا والله يعطيتس الله العافيه ما قصرتي
قالت عاد فوتي تقهوي قلت لها تسلمين يالغاليه مع السلامه :o

رجعت لخيمنتا وقلت السالفه للمصرقعيه وضحكت لين قالت بس
المهم استانسنا هذيك الليله
وكان ودنا لو ان بنات عالم حواء معنا حتى نستانس كثير

ونتهت السالفه