....( ~ _ كشته مع شقحه _~) ....

السلااااااااااااااااااااااااام عليستن يا بنوتاااات عالمنااا ال ال ال

خاني التعبير وو


اللي هو به ما عليناا

المهم يا حبيبااات وياا عسيلاات ويا قشطات عندي سالفوتون بالمره تعجبكم

وانشالله تعجبكم

المهم ماعلينااا

بحجي القصه

كان يا مكان في قديم الزمااان يوم ان شقحه تعدي مع الورعاان
واختهاا شمه ترى بالرعياان واخوهاا محميد عياان كانوا جالسين في البر
بأماااان

المهم وحنا جالسين في ذااا البر ونتسولف ونتحاور وانا حفظني الله ورعااني
كنت اروي قصتن محزنتن بالحيل وانا بنت الحلال مندمجه وبحماااس اقولهاا

ولا نسمع صوووت ( وحناا كاناا بالخيمه جالسين )

ددووو ددووو طااااااااااااااااااااااااااااع

كان اقوم علبالكم رحت بشوف وش السالفه توقعوا شسويت خذيت

بطانيتي ونمت من الروعه ( شوفوا البدااهه )

ايه اقولها لكم نمت مو لعب نمت انا العب معكم كوره انا نمت ( مو مصدقه شسوت )

وانا بأماان الله ونايمه الا تمسكني بنت عمي تصحيني قومي شقيح روحي شوفي وش اللي صاااااااااااار

وانا اناظرهاا : واقول :: هاااه وصلناا ( البنت خرفت )

كان اقوم تدروون انا شاللي فكرت فيه ( ان صداام رامي عليناا صورايخ )


مهبوله انا يامال الهبال كان اقوم واطلع راسي من الخيمه واناظر الا

المجرم اخوي محيمد شاااري جراخي ( طراطيع اي اللعاب ناريه )
ينقالهاا المدمر

انا على طول قومي اطردي ورى الورع لين مرج قلبه واقوم اسحبه من

خشته ( اي فيسه )

وافركهاا بالقاع والبناات يشجعوون وهم يصيحون ويصفروون وانا

ازيد وهم يصفقون وانا ازيد

لين اختفى صوت الصفير بلف بشوف وين الناس

الا ايد على علباااي تسحبني واناظر الا اخوي خويلد نزل عقاله

وعطاها محمد وقوم يا محمد طقني طق سنه بساعه مب طق ورع

واللي قهرني الوراعين والعيال يصفرووون وانا
ألطم لطم

وانا عااد من الزعل اظربت عن الطعاام ..( احد داري عنك )

ولا اوصي شميم انهاا ترفع لي شويتن من البلعه

وانا اناظر بالطعاام وبلاعيمي اووه اقصد لعابي يسير الا بخوي خويلد

جاااي ومسوي فيهاا رجال ويقول : انتي زعلانه
انا ( بخاطري قلت الله بيراضيني ) : واقولها من غير نفس "" ايه ""
هو : باللي ما يحفظ
انا : جعلك قبلي
هو: شتبين خلاص ما نقدر على زعل شقيح
انا : طقت براسي ابي الهرفي ( طلب تعجيزي )
هو : ابشري بس شوي بيمر راعي غنم يوصل طلباات من مطهم الهرفي
بس ما طلبتي شي
انا : ولا بسوق السياره بعد

فجأه والا بالمخده اللي معه على راسي ( كان ارضى ) شفتوا

وحدتن نفسي طقها ترضى اصلن انا ماكان نفسي بالعالم غير اثنين

وحده بكشمير ( مات الله يرحمها ) والثانيه انا حفظني ربي

( كل ذا عشان ابتلع في سبيل البلع والزرط لو بس استمريت ربع ساعه عن الضراب

كنت من اعداد الامواات )

المهم وروح يم البناات وشوف بنت عمي صيته لاول مره بحياتهاا تسوي

شين فيه خير صيته تسوي شااي ولا بعد جمري (++ وافضيحتاااه ++)

المهم وانا اناظرهاا ابيهاا تحط الشاي على الجمر البنت مبعدته

وانا اقول : صويو وراك قربي البريق
هي : اقول الخلا انا مسويته
انا : ترى ان ما اقربتيه بدوس بخشتش
هي : يابنت شفيك خليه يحتر

وهي بنت الحلال مبعدته تبي البنت تسوي شاي بالدخان ( مأثر عليها الفيزيه وعلمي )

انا : اقول جيبي واخذ البريق منهاا وحطه على الجمر
هي : لالالالالالا خليه شقيح جعلس للعرس
انا : اقول بنت علمي بعد تمشي كلامها على ادبي انزحي وراك بس ( امين)

والله ويخلص الشااي وتقوم صيته تصببه وتوزعه على الناس

كان تقول شمه اختي بعد حيي : تسلم ايدك شقحه والله طلع يهبل
انا : هني وعافيه مطرح ما يسري يمري
عمتي : كل يوم شقحه سويلناا مثله
انا : عيوني عمه بس ما طلبتي الا عزك

كان تقوم صيته تاخذ السكاين من حلوج البنااات منقرهه

وتقول : والله محدن يشربه

كان اقوم انا معي البريق واركض برى وهي ورااى


ما دريت الا انا ( خبط ) طايحه على خشتي والشاي كله تناثر نصه

على صيته والنص الاخر على عمي الكبير ( مسمينه وحش )

انا تجودت بطرف ثوبي بسناني وقبه والله ما تشوفون غير الغبره

وصيته الله يعلم بحالهااا ( مسكينه لا لحين ما رجعت لناا شكل العم شنقهاا )








لا امزح حيتن ترزق

المهم ::

وكنت جالسه انا والبنااات قريب الناار يعني حناا محاوطينهااا

وحده من بناات عمي غثيثه دمهاا ثقيل ( استغفر الله ) ما تمر من وراي انا وصيته

لالا تخطانا فاهمين يعني من قدامناا عاد انا قعدت لها مابيهاا تمر من قداممي

عااد اشوفهاا يوم قربت بنت الحلال واقول حق صيته ارفعي الفرشه خلنا نكب

ماااء والله ونكب المويه ونحط الفرش حولهاا عاد يوم انهاا جت بتمر

الا كله ماي ما قدرت خليتهاا غصبن عليها تمر من ورى ( شف كيد الحريم )


المهم وفي مراتن من المره قمت من النوم مبكر ومحدن قاام واقوم البناات

على حدوود 5 الفجر الكل قام ما عااد الشبااب

وانا اطلطل عليهم من ورى المشب حارين جبدي نايمين لا هلحين

كان امسك الجراخي ابو شخطه اللي كنه كبريت واشغط وارمي عليهم

شف بس وجيهم يوم انه انفجر

اللي قاام ويركض واللي لصق بخويه واللي سوها على نفسه ( محمد اخوي تراه ورع)


بس حدث ولا حرج شكلهم تمنيت لو بس عندي بلوتوث كان فضحتهم


المهم درو الشباب وصارووو يخططوون لكي ينتقمووو مني انا حفظني الله

وراحوا الظهر يذكوون الذبيحه وخيمتناا ما كان فيهاا احد

حنا ساحبين لنا فرشهه ورى بعيد والعجاايز بالمطبخ واللي تسوق سيااره

رحت انا بجيب لنا فصفص وكيكاواات ولا اشوف راس خرووف معلق على الباب مال الخيمه

ومكتوب تحته ( هاذا ما يفعله الرجال )

كان اصيح صحتن عندي ربي خبرهااا وامي تجي وبعدهاا قاموا العجز يضحكوون

و الشبااب بعد

كان تقوم نوره اختي ام مزنه بعد ما بدلت حفاظت ولدهاا ( عزكم الله )

وتحطهاا عند الخيمه وكتبت هذا ما يفعه النسااء

واناا عااد مت من الضحك لين بانت سنوني اللي من ورى التقويم

وانتهت رحلتناا على خير


ويسلمووووو والله هذا مختصر وجيز بالحيل عن كشتتنااا اللي ولا اروع لمدة اسبوع ونص

وجاااااااااااااااااااااااو جااااااااااااااااااااااو