وكل عام وانتم بخير وايا جعلها سنة مباركه وعامره بطاعة الله >> بدري مره كان تاخرتي شوي :icon20:
والف مبروك لكل من نجحت وبيضت الوجه
ولكل وحده كرشت وصار عندها بيبي بتشيله معاها للترم الثاني تشد حيلها وتجهضه >> لاحد يفهمني غلط :icon20:
ومبروك علينا ذا العطله ولو انها صغنطوطه ولا ادري وش تبي وقضت بدقيقه بس مايخالف
والف الف الف مبروووك رجعه المدارس .. ترى خلاص خلصت العطله >> قولي والله العظيم :biggrin:
>> اقول ماصار موضوع ذا صار برنامج تهاني هع هع
ذاك اليوم الله يسلمني قررت اتصدق على روحي واطلع نتيجتي ذا اللي احزرت وقطنت وانا مابعد شفتها
لدرجه ان موقع النتايج ملوا مني وقالوا ان ماطلعتي نتيجتس انتي يالشينه ترى بنسكر >> بقاله ذا مب موقع :biggrin:
المهم وعشان مايكثر تراني
نجحت ابشركم وقسم نجحت نجحت نجححححححححت
ايييييييييييييييييه نجحت واخييييييييييرا .. بس والله حلو النجاح لا كنتي خايفه ترسبين احس انه اطعم من التفوق >> بتتسطر
جد والله يومني دافوره في زمان مضى وولى وطس الى غير رجعه ماكنت احس بلذه للنجاح زي اللي حسيتها في عصريه هذاك اليوم الموافق 7/1/1427هـ لدرجه ان حلقي منبح الى هالحين من الصراخ >> الله يخلف على اهلي ادري لا تقولون :biggrin:
والله الله بالهدايا السنعه ترى ذا النجاح ماجاء الا من تعب اعصاب ودنيا يعني مب بالساهل >> طيب وش عليهم منك؟
واللي على قد حالها مايخالف نتقبل الزرقاء منها .. بس معليش لا تحرجوني ترى اقل من هالزريقاء مااقبل سوري يعني >> يحلفوووون انها تحتري لو فش فاش هع هع
على فكره تراني مابعد دخلت في الموضوع >> صدمـــة نفســـــــية :biggrin:
تعرفون المفاجــأة تخلي فيوز الواحد يضرب شوي ويختل توازنه ويبدا يتحيول وتطلع عيونه شوي ..ويفقد العقل لفتره لا باس بها
مايحتاج قول دحدرووووو
ومالقيت احد اطلع هبالي عليه ..قلت والله ياعذيبوه ان ماتخلينها بنفسك... الا روحي وحوسي مريرهم بالواحه وخثرمي عليهم ويبي يقرونه غصب >> فشلوها ولااحد يقرا تكفوووون هع
اول شئ تربعوا تراني راعيه طويله
والله الجو هاليومين يساااااااااعد على كشته بصراحه وشرايكم نكشت يالربع ؟؟>> ترى ذي عذبه قاعده تطل على الترفيهي من الشباك وتشاور البنات
طبعا وبما أن البنات يبون اشاره بس .. ايدوا الفكره بشده ( ترى متعوب على بشده ارجعوا اقروها مره ثانيه :biggrin: ) وتحمسوا لها بعنف حتى ان ام تابط الله يهديها سبحتني بالتفال (من الحماس يعني ).. واتفقوا ان كل وحده تعلم الثانيه بموعد الرحله .. وان السيارات بتجتمع عند غرفه المشرفات بالواحه .... طبعا أم سلطان اعتذرت عن الرحله .. تعرفون نفاس وبزير يبيله مقابل فصعبه تروح وتتركه لحاله >> لاحظوا اني صدقت بقوه :icon31:
وأموله نفس الشئ مايندرى وين أراضيها الله يردها للواحه بالسلامه
وفي اليوم المحدد للرحله ( حتى المحدد ترى متعوب عليها ارجعو ناظروها بس لا تقرونها :biggrin: ) اجتمعوا البنات قبل الوقت بساعتين >> شفاحه الله لا يبلانا
حتى ان رائعه وذكرى ودهم يصفقون ذا المهبل اللي مقحصينهم من صباح الله خير ولاااااااااه بعد .. قبل الموعد بساعتين !!
وبعد فتره بدت تجتمع هالسيارات .. طبعا كل سياره فيها وحده تسوقها وتشيل معها عشرطعشر بنت لين ماعد يبقى مجال لنفس .. وش فيكم تناظروني كذا !! :blink: ايه حنا الي نسوق السيارات كيفي بعد خيالي واتحكم فيه >> مستبزره بس بضمير هع هع
جت شموخ وسيارتها صغيره نوعا ما ( نوعا ما ذي بالذات ناظروها خمس دقايق وارجعوا اقروها ثلاث مرات :biggrin: )وشالت معها ام تابط..كافي لاتيه.. ريوفه .. نسمه هوى .. خياليه ..الآنسة جوري.... اخت تابط .. >>ادري صعععب صعععب تستوعب السياره كل ذا الخلق بس ابن امه اللي يحكي هع هع
وامومه بالسياره الثانيه شالت معها المسلمة الحرة .. وبنتها الحساسه .. وميمو .. وزين الوصايف.. وام جوريه .. وانا عذيب يحبني لي هع هع >> ترى بعت نفسي يوم اركب معها عارفتن ان عليها سواقه مدري وش تبي بس الشكوى لله .. ياجعله تكفير ان شاء الله
سياره امومه بعد تزاحمنا فيها بشكل مب طبيعي .. يعني الرجل على الرجل من الزحمه .. ولو تعطس وحده وحنا نمشي طشششرنا :biggrin:
وانا ماقهرني وفقع مرارتي الا قلوبه ذا الداجه جايه بددسن لا وغماره وحده بعد .. وتلعلع بالشارع ياله ياله اركبوا يابنات ترانا صيفنا... ولا احد يقول زحمه ترى الضيق بالانفس مب بالمكان :icon19: >> حلاه من يصكها بكف
مير ماركب معها الا رائعه وذيكوو >> تعرفون بعد زماله اشراف مايبون يفشلونها هع هع ( قلوبه احس ودك تسطريني بس مايخالف داريه انه حلالي )
ومشى الموكب تقولون طابور مدرسه .. اول شئ أمومة مسويه هي الدليله يعني (من جنبها طبعا وبغت توصلنا للدهناء).. وبعدها سيارة شموخ وقلوبه تنتع بالونيت ..
بعد انزلووو تووووونا ريضين