سلام الله عليكن يا إماء الله <<<<< ويحكن ألا ترُدُّنَّ السلام على من اقرأكن السلام!!!!!!
والله ان في جعبتي الكثير الكثير بيد أني احترت أي موضوع أطرحه عليكن اليوم!!!!
فكرت مليا هل أطرح كل موضوع على حده<<<<ياليت من يطرحك أنتي
أم أجمع كل مابجعبتي وأطرحه هاهنا بوقت واحد((( هاهاهاهاها)))<<<<هذا المخرج خلف الكواليس يضحك ويقول بخاطره الله ياجرهن عليتس وعلى قرقتس
ثكلتك أمك يامخرج والله إنك لاتستحي وعنادا لك لن أطيل اليوم <<<< الله يجزاه خير كسب فيكن أجر مير واجروه كل ماجي أنزل موضوع يجي يكهكه هنا
المهم عاد خلكن من المسلسلات التاريخية ونجي للجد<<<<يرحم حالك متى صار عندك جد<<<< جد وال عم
<<<<ياشين المصالهعموما ماودي أطول اسم اني ذيك المره استاثمت بكن فلازم أكفر عن ذنبي وبحاول أختصر قد ما أقدر<<<<أقطع ايدي إذا قويتي تختصرين
وعشان ماهذر واجد بخلي الصور تهذر عن ((( عن ليست السيارة كما نقول للبزران اركب عنننن لا لا لا هذي معناها بالنيابة عني يعني حطي يا المتكلم ((عني)) وتصير الكلمة فصحى)))
في مرة من المرات كشتنا بالبر
<<<احلفي فيه أحد يكشت بغير البر<<<<إيه فيه ناس يكشتون بالبراحه اللي عند الهرم وناس يكشتون عند إيكيا حتى الكشتات ماعاد هيب زي أول طلعنا من فجر الله ابطاو أذن الفجر((( بطاو يعني أول ما أذن)) وألقى أمي فوق راسي تقول قومي صلي وجهزي أغراضك للكشته <<<<الله يرحم والديك يمه من متى عندي أغراض وش قالوا لك أختي أم قلوسس وبلشر ومعقم ومدري وش بعد حدي بخاخي وحبوب الحرقان
المهم مالكم بالطويله قمنا وتجهزنا سؤال يبطح نفسه وراه الكشته من الفجر؟؟؟؟؟
أنا أقولكم وراه لأننا بنروح للدهنا والدهناء هي صحراء ذات رمال ذهبيه يكثر بها الطعوس وهي على طريق الرياض الدمام وتبعد عن مدينة الرياض بــ120 كيلو وهي قريبة من منتزه سعد ((بكسر السين واسكان العين)) وأهم مايميزها أنها خاااااااليه لا أوادم فيها على نقيض الثمامه اللي انسي تقضين حاجتك هناك
أقولكم وبما أن الجو بارد قلنا نروح من الفجر عشان لابرد الوقت مسيان نرجع(( مسيان المساء))
ويوم جاء أبوي من الصلاة بدينا نركب عفش البر وهو عبارة عن كرتونين قوارير موية صحة ومنقل وفحم وبرميل موية للتغسيل والوضوء وش بعد ؟؟وش بعد؟؟ إيه تذكرت شبك يوضع بوسطه الدجاج عند الشوي وقدر الدجاج المتبل اللي عقب مامشينا تذكرنا إنه بالفريزر ونكسنا نجيبه ((نكسنا يعني عدنا ورجعنا))
هذي تقريبا الأغراض
وطبعا الأشخاص هم ( أبي الله يخليه لنا، أمي الله لا يحرمنا منه ، أنا الله يريحكم مني ومن قرقي ، أختي العاطلة ، أختي اللي تدرس بالثنوي ، أخوي المراهق أختي البزر بخامس وشغالاتنا وحده اندنوسية والثانية فلبينيه))
وحنا بالطريق طبعا لابد من الوقوف عن بقاله أو سوبر ماركت لإكمال بعض الأغراض
قالت أمي لوالدي ونحن في الطريق:
أمي: عبد الله لاتنسى الخبز
ابي: لايوجد مخبز فاتح هالحزه <<<<تستاهلون أحد يجهم من فجر الله
امي : ليس لازم مخبز لماذا لا تقف عند بقالة او سوبر ماركتن او أي شيئ من هذا القبيل
ابي :حسنا حسنا يامرأه لاتكثري القرق ...لكن هل يوجد على دربنا شيء مماقرقتيه قبل قليل
أمي نعم يوجد العزيزية بنده<<<<طبعا أمي أبخص بالمحلات من كثر الهوذله <<<<سامحين يمه اغتبتك
وفعلا وقف أبوي عند بنده اللي بشارع خريص <<<<أعذرون لعدم إرفاقي صور لحد الآن وذلك لأني شبه نايمه العيون مازالت مغمصه مابعد فتحت (( مغمصه ماخوذه من كلمة غمص وهو مايتجمع في زاوية العين وغالبا مايظهر بعد النوم وأحيانا يدل على أن العين متعبه))
نزل أبي وقال لأمي انزلي معي ونزلوا وأنا اللي مايردن إلا عربية بنده
طبعا مايصير أخليهم ينزلون لحالهم لازم انزل معهم أخاف مايدلون يرجعون<<<زود على انتس قاعدتن على قلوبهم ناشبتن لهم ماتخلينهم ياخذون راحتهمواتجهنا مباشرة إلى مكان بيع الخبز وبدينا نعبي هالعربيه من هالخبز كننا بنقعد أسبوع موب ((مسيان بنرجع))<<<سبق تفسيرها
بس هالمرة حسبنا حساب البعارين لاللي تتغزينا مثل ذيك المره <<<راجعي الموضوع اللي قبل السابق (( بعارين آخر زمن))
نرجع للموضوع بعد ما ملينا العربيه بالخبز التفت يمنة ويسره وابترمت ((يعني استدرت)) لم أجد لا أمي ولا أبي أي ن ذهب الشيبان ياترى ؟؟؟؟
بدأت أمتر أسياب بنده بحثا عنهما طبعا بنده كله بكبره مابه أحد إلا حنا هذا أزين شي بهوذلة الفجرية
وبعد البحث والتحري وجدتهما ولكن كل واحدن بشنق(( شنق يعني بجهه موب شنق صدام))) وش قصة صدام الله يغفر له ويرحمه صاير يقلط بمواضيعتس<<<<نواكب العصر<<<<مايمديكم على نواكب
قلت مادامهم متفرقين آخذ راحتي وأعبي العربيه من اللي يحبه قلبي طبعا وشو اللي يحبه قلبي ((( ببسي )) طبعا أبوي من أشد المعارضين للببسي بس معليش يبه كشته بلا ببسي مانتفع
وطبعا لابد من الحلويات لزوم القهوه جايتكم الصور بس موب هالحين
رحت لم الشيبان وحطوا اللي بيدينهم بالعربيه وتوجهنا لصندوق المحاسبة
وبدأنا نضع الأغراض واحدا تلو الآخر لحظته كنت أحس المحاسب ((طبعا سعودي
)) يقول يالله صباح خير وش هاللي جاهمين علينا من فجر اللهقام أبوي حط له كيس الحبحر عشان يحاسبه (( الحبحر هو الفلفل الحار لزوم الكبسه )) وقاله أبوي ذس ون كيلو<<<أحلى يابابا ترطن انجليزي (يعني هذا واحد كيلو)<<< يحسبه أجنبي
قام السعودي قال هااااااااااااااااه <<<<يثبت انه سعودي
قال ابوي واحد كيلو <<< حسيت بفشيلته أبوي ياكثرها تصير
قاله المحاسب من الشرقيه أنتم؟؟
قال أبوي لا من الدمام<<<<يبه يازينك ساكت<<<<<الله يسامحن اغتبت أبيي<<<<شكلك ناويه العايلة كله
جاء دور حساب الببسي قلت يبه خلهن أنا بحاسب
قال حطيهن بس وانتي ساكته<<<< الله يهديك يبه فشلتن
قدام السعودي بس معليش يبه تمون شكلك تغار عليالمهم الطامة الكبرى وش صار؟؟؟
قال المحاسب: الحساب 190 ريال
قال ابوي هاااااااااااااااااه <<<والله عارفين انك سعودي يبه
قال المحاسب 190 رياااااااااااال
قام ابوي يطلع فلوسه من جيبه اللي فوق وقال...
تدرون وش قال؟!؟؟!!؟!<<< يقالي بحمسكن عاد تحمسن لاتفشلنن
قال ابوي للمحاسب تصدق إننا داخلين نبي خبز بسسسسسسسسسس<<<ياعمري ابيي مالقى احد يشكي له غير هالمحاسب
قال المحاسب كل الناس يدخلون يبون شي معين ويشترون بنده كله<<<<<يواسي ابوي يعني تراك منتيب أول واحد تكون ضحيه للفسقه
بس أشوا مافشلنا أبوي خفت يكاسر بس ماسواها أشوا طلع ابوي فاهم
وطلعنا وأنا وأمي ميتين من الضحك على هالموقف
وركبنا السيارة ومن ركبنا لين وصلنا وطاري 190 مافقدناه
يوم وصلنا الدهناء نزلنا وفرشنا الفرشه وعلى طول..................مايبي لها تفكير بلعنا اللي يتقهوا واللي يفطر واللي يشرب عصير واللي يشرب شاهي تقل رايحين عشان نبلع بعد زين صبرنا لين تفرش الفرشه
يوجد بقيه<<<ياملحي وأنا مؤدبه
زبدة الموضوع ياوخياتي الببسي اللي شريناه طبعا بنقعبه مع الغداء ((نقعبه يعني نشربه)) وعلى كذا بيحترررررر صحيح ان الجو بارد بس حلاة الببسي يصير شبه ثالج والا إذا صار حار ماينفع ابد يصير يقرص على الفاضي
طبعا وبما اني ماحب أقف عاجزة أمام الصعاب قلت لازم أسوي شي
وقبل أن أبدأ بالتفكير خطرت ببالي فكرة <<<حتى الفكرة ملت منتس وتبيتس تخلصين
تدرون وش سويت عشان الببسي يحتفظ بالبروده ولا يحتر؟؟؟؟؟؟؟؟؟؟؟؟؟؟؟
إليكم الطريقه بالصور المدعومه بالشرح (( مايمديكم على الفصحى)))<<<< لعل اتريله تتدعمتس وتريحنا منتس
(1)
طبعا الرسم لابد أن يكون بطرف السبابة والا العملية كله بتفشل
(2)
شمري ليس رجل من قبيلة شمّر <<<< تحية كبيرة لأهل شمر (( وجه يصفق ويصفر))
(3)
التلييص :هنا يعني جيبي ماء وبللي جوانب الحفرة حتى لايتساقط الرمل الناشف فيضيع تعبك هباء منثورا بين قوسين بربسي بالماء وبربسي يعني مطرسي
(4)
ترى السفن هذا المحرم حق الببسيات
(5)
اتسذحي: يعني كبي التراب على الببسي
ويأتي الطفل القصمنجي مسرعا يبكي ويقول لأمه يماااه يمااااه شوفي فلان يتسذح علي تراب يعني كب علي تراب<<أتوقع وصل المعنى
(6)
تفطر قلبي عليك ياببسي بس والله من زود حبك وعشان نتمع بعدين سوا
(7)
لم أجد رمزا ولا وعلامة تناسب مقامك أيها الببسي إلا أن أرسم قلبي
تبحلي: يعني تبلشين ماتدرين وين انتي دافنته بوه
(8)
هنا سوف تتعلمين درسا في الصبر موب تصبرين دقيقتين همن تطلعينهن لا يبي لك تصبرين فوق 3 ساعات
<<<صراحه خلصن علاقاتنا ولو تدري عني الشغالة كان ورتن شغلي
هااااااااااااااااانت لم يبقى إلا القليل