السلام عليكم ورحمة الله وبركاته ..
"
"
مرحبا فيكم كل ابوكم
داخله تكفون ابي قهوه وبسولف عليكم شوي
وبقعد كذا لين تخلص دلتي
الله يعينكم علي بس لكن تذكروا انه تكفير ذنوب انشالله
وترى هالموضوع مهب انا اللي كاتبته كله !!
يعني تقدرون تقولون .. مجمعته ..
كلام ومقالات عجبتني ونقلتها !!
وصاير مثل الكوكتيل خخخخ
ان شاء الله تعجبكـــم !!!
حمدلله خلصنا من المقدمه :biggrin:
"
"
ببدا سالفتي بقصه سمعتها وحبيت انقلها لكم ..
كان هناك رجل عابد زاهد أطال الله عمرة فظل عاكفا يعبد الله ليل نهار وعندما قبض الله روحة سأله هل ستدخل الجنه برحمتي أم بعملك؟؟
العابد تراهى ورد بل بعملي..
فامر الله الملائكه ان يضعوا كل عمله في كفه ونعمة البصر في كفه فرجحت نعمة البصر على كل عمله بالدنيا..
فسأله الله تارة أخرى هل ستدخل الجنه برحمتي أم بعملك فقال له العابد : بل برحمتك يا رب العالمين وأدخله الله الجنه برحمته..
.
.
.
.سبحان الله هذا الرجل العابد الذي قضى عمره في عبادة الله
جمييييييييع عمله في الدنيا لايوازي نعمه واحده من نعم الله عليه..
فاين نحن منه
اللهم نور مضاجعنا في التراب.. وثبت ألسنتنا عند السؤال بحسن الجواب.. اللهم أرحمنا إذا انقضت آجالنا.. وانقطعت أعمالنا.. ولبسنا أكفاننا.. وفارقنا منازلنا.. وأختم بالباقيات الصالحات أعمالنا.. اللهم كن معنا في دار البلاء.واعفو عنا وارحمنا.. برحمتك يا بديع السماوات والأرض.. يا ذا الجلال والإكرام.
"
"
فقير وعندي المال الكثير..فقير وملبسي غالي حرير
ويا صاحبي الحافي الفقير..ابنشدك ابسألك وشهو الحصير !!
وابسألك وشلون انا امر وانهي..واذا حكيت قبل انتهي من كلمتي
يقاللي سم ويصير
ولاشكيت من غفلتي طوّل زمنها
يقاللي لاتشتكي .. ماخلقت الشكوى لأمير
وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن..وصاروا اصحابي كثير بس بثمن
والوفاء مابه وفاء الا بثمن..ابسألك ماني فقير ؟؟؟
وياصاحبي ابنشدك لامن جفتني دنيتي..وابتدأ الدرب الطويل اللى ابد ماينتهي
وانتهي العز القديم وماكنت اظنه ينتهي..والموت بدد فرحتي .. وحطوني في قبر ٍ صغير..
وحزنوا علي .. وبكوا هلي وناس من ربعي قليل..وارتاح من وجهي كثير..
وبقيت وحدي في حيرتي مابه احد..لا طال عمرك ولا تحت امرك
ماغير انا وخوف ولحد وحساب قدامي عسير
وقتها ذكرت اني زمان..يوم انه امهلني الزمان
هذا ظلمت .. هذا جرحت .. ياما كذبت..وذنوبي ماتحصي كثير
وقتها الىَ ندمت .. ونفسي كرهت..عرفت ان الله كبير وان الهلاك اصبح اكيد
واني انا مالي رجاء .. ولاهروب من الدجى..من الجحيم الا بأمل عندي وحيد..
ان الله غفـّار ورحيم
ابسألك ياصاحبي عني أنا في وقتها ماني فقير ؟؟؟
.
.
يعني لا فقــير مرتاح ولا غني مرتــاح ..!! الله يعييييين
"
"
عن أبى هريرة رضي الله عنه أن رسول الله صلي الله عليه وسلم قال : ""إن الله عز وجل يقول لعبده يوم القيامة وهو يحاسبه "ياابن ادم جعت ولم تطعمني قال كيف اطعمك وانت رب العالمين؟! اما علمت ان عبدي فلان بن فلان جاع فمااطعمته اما انك لو اطعمته وجدت ذلك عندي..
ياابن ادم ضمئت ولم تسقني قال كيف اسقيك وانت رب العالمين؟!! قال اما علمت ان عبدي فلان بن فلان ضمئ فما اسقيته اما انك لو اسقيته وجدت ذلك عندي..
يابن ادم مرضت فلم تعدني قال كيف اعودك وانت رب العالمين ؟!!قال اما علمت ان عبدي فلان ابن فلان مرض فما عدته اما انك لو عدته لوجدتني عنده..
قال سبحانه وجدتني عنده ولم ييقل تجده عندي ..
فعن رسول الله صلى الله عليه وسلم ( من عاد مريضاً لم يزل فى خُرفة الجنة حتي يرجع )
"
"
يموت الشجر واقف وظل الشجر ما مات&&&رياح الدهر تصرخ وهي تجرح جنوبـه
لك الله شجر للموت ما ترخي الهامـات&&&بقت وقفتك يـا رافـع الـراس مهيوبـه
شموخ الشجر عبره لمن يفهم الشـارات&&&والإنسان في غفلـه والأيـام محسوبـه
أرد النظر لاشك يـا نظرتـي هيهـات&&&أبستوعب العبـره بالأشجـار مكتوبـه
*خالد الفيصل*
"
"
"
الحـــــــــــلا .. :biggrin:
بنخليكم تحلون شوي مع هالسالفه عن حرب الضراير !!
في قديم الزمان وسالف الظهر والاون كان هناك واحد والواحد سبحانه في عالي سماه
هذا الرجل عزوبي وما عنده احد . ويمون على وحدة من جماعته في نفس الحاره ، والحرمه هذي
متزوجه وزوجها متزوج عليها وحده ثانيه << ابو التفصيل ياشيخه
كانت الاولى هي الي من جماعة العزوبي يعني تقرب له ومن وقت لوقت ترسل له
عشا او غدا وبيوم جا لعندها هالعزوبي وقال:
يا ام فلان اليوم عازمن لي رجاجيل من الديرة ولا اعرف اطبخ الذبيحه . طالبتس تطبخينها.
ردت عليه : والله ودي بس عندي شغل !
قال لها : اكنس واغسل عنتس بس بيضي وجهي عند جماعتي .
- ماانت عارف لشغلي صعععععب
- افا عليتس يام فلان مالتس الا الي يرضيتس بس وش هالشغل ؟
- لي جارتن ربي باليني فيها ومسكنها زوجي قبال بيتي ولا صار هالصبح
طلعنا السطح وكل وحده تقول وش جاب لها زوجها وش حط لها ، قايلتن لك صعععب
طق الرجال صدره وقال هاتي بس عباتس ولا يهمتس والله لا اطيرها من البيت كله
- بتعرف الصوت انه صوت رجل
- اقولتس ما عليتس روحي سوي الغدا بس
لبس الرجل عباية الحرمه وهي راحت تسوي الغدا.
طلع للسطح ولان سطوح اول قصيره مره فكانوا الحريم يلبسون عبايات .
المهم جت الضره وصارت تقول شفتي ابو فلان البارح جاب لي حلق ذهب
الرجل ما رد . وسوى حركة بيدينه مثل قولة حره مدري كيف اسويها بس افهموها
الي زي طقة الاصبع بس بدون صوت (الابهام والسبابه)
دايم نسويها وحنا صغار <<ما عرفت تشرحها وبلشت :redface:
طبعا الضره احتارت اكيد شي احسن ، قامت قالت : ابو فلان اليوم ما طلع من عندي الا يوم
اضحت الشمس << مدري كذا والا لا بس موب مشكله عنكم ما فهمتوا
طبعا الاخ ما رد سوى نفس الحركه الي قبل
استشاطت الضره وقالت: ابو فلان امس يوم ذاق الجريش قال تذكرت جريش امي
الرجل ما رد بس سوى الحركة الانفه الذكر (اذا احد ما فهمها موب لازم )
نزل الرجل قامت قالت له قريبته : قايلتن لك الشغله صعبه ما انت عارفن لها
قال لها : روحي شوفي جارتس بالشارع ( من حر ما تونس مسطت من السطح )
انتقلت الضره لمسكن ثاني لانها ما تحملت
"
"
ترى حلاتك لاحملت لصاحبك كلمة عتاب
ان مانطقت بها بوجهه ماتذمه بظهره
ياحلو هالبيت..وياحلونا لو نطبقه..
كان لانشوف احد شايل على الثاني..ولا الحش هو فاكهة كل مجلس
"
"
* قالت فتاة محجبه لشاعر حداثي : (شعرك غامض ولايعجبني) قال لها: ( وشعرك شين ولايعجبني ) قالت : وكيف رايت شعري وانا محجبه؟
قال :وكيف رأيتي شعري وهو (غامض)
يعجبني حجر لها :biggrin:
"
"
الحين باعلمكم السناعه ..
طرقة عمل كابتشينو سريعه.. << حدك خخخخخخ
فنجان ماء .. فنجانين نسكافيه .. فنجانين سكر ..
طريقة التحضير :
نخلط المقادير بالخلاط اليدوي حتى تتكون كريمه ثقيله ... ثم يوضع المتكون في علبه في الثلاجه ... وعند الاستعمال نأخذ مقدار ملعقه ونضعها في كوب الكابتشينو .. ونصب عليها الحليب الساخن المضاف اليه سكر .
ووبس ..!!<< تكلفتي
"
"
شدتني نثريه ل(ضيف) في احدى المنتديات بعنوان عندما نخفي مشاعرنا
كانت احدى سطورها..
لله هذا الكائن الراقي الرقيق
" الإنسـان "
كيف يجهَدُ في إخفاء مشاعره
فتفضحهما أجمل وأحب فاضحتين إليه
" عينــاهـ "
واعجبني تعقيبه على احد الردود..
حتما
لا يعلم مافي القلوب إلا الله
لذا
لانحكم إلا بالظاهر من قول أو فعل
لكني أزعم
أن العيون
كل
العيون لاتكذب
مهما حاول أصحابها عسفها
لتخالف الحقائق
مثال..طفل ارتكب خطا
وعند شكايته من أقرانه
استطاع بمهارته أن يوحي بنظرات عينيه
بانه بريء
( نظرات مشدوهة وربما دمعة تترقرق )
وربما استعان بتعابير وجهه
الأرجح
أن نصدقه للمرة الأولى
باستصحاب البراءة
وأنه لا يقوى على أن يتقن فن الخداع
ثم
تكرر الموقف
وتكرر الدور منه وربما بمبالغة أكبر
كونها التهمة ثانية
وعند التحقق
تبين
لنـــا كذبه
لانخبره بما اكتشفنا
لكن على الأرجح
سنصدق ( فورا ) تهمته الثالثه
ونكـذ ّبــه
لو
واجـَهنا بخداعه الأول
و
سنواجهه بسابقته التي اكتشفنا
( الثانية )
عندها فقط سنرى ملامح الهزيمة في عينيه
مغلفة بابتسامة المكر
الطفولية
كيف توصلنا لهذه الحقيقة ؟ :
بقراءة عينيه قراءة صحيحة
وكون القراءة اختلفت
أو تأخرت نتائجها
ذلك
لأن صاحبها حاول واستطاع ولو لمرة
أن يمرر علينا ( التدليس ) في معاني لغتها
رووووعه !!
"
"