كــــــــوكــــــــــــتــــــ ــــيــــــــــــــل

الله يعينك ويقويكي
حالا الأخوات يوافونك بالأفكاااار الجميلة
ومبارك الأفراح

اختي دبدوب الحب ما ادري اذا كنت راح افيدج بس بالنسبة لافكار الكروت شوفي رابط الاخت رومي لكروت 2005 وما راح اتصدقين انه شغل يدوي بس بالنهاية النتائج راح تطلع روعه وراح تكون من ابداعج انتي


اما بالنسبة للعطور فخليني معاج حبة حبة انشاء الله نطلع بفكرة ترضيج

هل تبين تجمعين العطور كلها مع بعض


" خليني اقولج ما في شي تروح موظته المهم اشلون نستغله )

اذا كانت الاجابة نعم ... خذي قطعة من البلاستك المقوى بشكل دائري او مربع ( اللي انتي تفضلينه
وجيبي شرايط ملونة بألوان زاهية تبع الورق وقصيها على شكل الأوراق المقطعة واللي تم وضع اكثر من موضوع في طريقة تنفيذها ونثري حبات من اللوي عليها وبعدين زيني العطور بالشرايط واللولي


الفكرة الثانية : نجيب قاعدة انغطيها بورد من الشرايط واللولي والكريستال المنسق ... وانجيب قفص نحط فيه شمعه وونبتة بالقاعدة ( عن طريق سلك حامل الثياب ) ونغطي السلك بالورود والشرائط ... ونحط العطور وانزينها بالكروشيه على شكل ثياب ( تلبيسة لكل عطر )

انشاء الله اكون افدتج ولو بشكل خفيف وعطيتج فكرة او وصلتج لفكرة


وعلى فكرة ممكن نستبدل الورود بأصداف البحر المرشوشة بالجليتر او اوراق الشجر الصفراء المتناثرة مع اي لمسة جماليه تبرزها سواء كان الجليتر او الخرز الملون او الرمال الملونة .



اما بالنسبة للكلمة التي تحتاجينها شوز فيمكنكي كتابة الكلمة بالكمبيوتر واختيار الخطوط النافعة للاستنسل والخطوط الأجنبية معظمها تصلح لهذا الشأن

اما الكتيب الفني فمواضع عالم حواء كثيرة ... اطبعيلها كذا موضوع مثل

غرز الكروشيه لام عزيزان
غرز التطريز

اجزاء مكينة الخياطة لام عزيزان

طريقة تزيين كتب التحضير والملفات والكتب المدرسية من الاقمشة الزائدة

طرق الاستفادة من الكتب القديمة للاخت رقية

طرق الاستغال الاصداف البحرية لام عزيزان

طرق استغال الاقمشة الاضافية في عمل دواسات لبنت مفيد


وانشاء الله اذا قدرت راح اجيب روابطهم

ويارب ما اكون ثقلت عليج
الفكرة الثانية

مشكورة اختى على ردج

والله يبارك فيج يارب

هلا وغلا بخلود

شخبارج نورتينى

تصدقين عندى شغلات وايد بس العروس متحلفه فينى تبى فناتق مااحد مسويها غيرها

وانا خقيت منها:(

بجوف رابط الكروت وانااثق بذوقكم اكيد ان شاءالله بيكون شئ:)

ام العطور انا مسويه الشكل النهائى مالهم وشكلها حيل روعه بس انا قصدت ان كل غرشه بروحها ماابى تكون مثل مااهى ابى اسوى عليها فناتق وعلب العود والبخور والبرفانات

بس تصدقين شكل فكرة القفص رووووعه بس لو عندج صورة لها لوتدزينها حقى اكون شاكرة لج بس بحطها حق اكسسوارات او الساعات مالتها موالعطور

والاصداف العرض مال الذهب مالها كله بحرى واصداف وشغلات حداق

مشكورة يالغاليه

تعبتج حيل وياى

افا عليج منوقال انج ثجيله على

افا بس انتى راعية الموضوع كله

اختج

هههههههههههه دبدوب الحب لو كان عندي صورة للقفص جان حطيتها لكن هذه فكرة طرت في بالي

بس خليني ادورلج شي مشابه


وعلى فكرة وحدة من البنات في سوم سوت سفرة العجم وهي فكرة تتضمن مجموعة من الأفكار


هذا الموضوع لقيتة في الديكور

http://forum.hawaaworld.com/showthread.php?threadid=37679
بخصوص تزينات الشمع بس انا عجبتني فكرة ان ينحط مثلا العطر على الشمعدان بدل الشموع

وشوفي القفص لو زيناه بقماش ستن او شيفون احمر لون مناسب مع الغرفة ونضع فيه العطور البخور وتخيلي معي اذا كان هناك مثل الصحن بالوسط يوضع على شكل مبخر مثلا ...




وشوفي الصورة الأخيرة بعد في هذا الموضوع
http://forum.hawaaworld.com/showthread.php?threadid=31930


وشوفي الصورة الاولى من هذا الموضوع

http://forum.hawaaworld.com/showthread.php?threadid=41331

واذا في افكار جات راح ابلغج فيها اول بأول