كللللللللللللللللللللللللللللك م تدخلون وتشاركون شي يخص كل البنات والحريم

بنات كيفكم يارب تكونون طيبين 00
امانه بنات كل وحدة تقرا الموضوع ترد حتى لو كلمتين 00

الموضوع وما فيه اني قبل الدورة بعشرة ايام مو اقل تجيني حالة كآآبه ياساتر فظيعه

اصير كاره زوجي موووووووووت بالذات هو واصير اتنرفز من عيالي وما اتحملهم ومو بس كدا انا اصلا اكره المطبخ عاد في ذي الفترة

ما اقدر ادخله الا جررررر 00ويابنات انا اجتماعيه مررررررررره واحب الناس وما احب آكل واشرب لوحدي وزوجي يموووووووووت بالوحدة

حتى الاكل ما يآكل معانا الا في النادر لانه حريص على جسمه فاصير انا مقدر لا اكل ولا اعيش خصوصي بدي الفترة

عاد في غيرها بضغط على نفسي وامشي والناس زي منتو عارفين ماعادو فاضين لحد كل واحد مشغول بنفسه

مع اني لمن بطلع انسى شويا لكن طلعاتي قلييييييييييله لانه ما يحب يطلعنا كثير لا واصلا صرت ما احب نطلع لحالنا من الطفش

والله يمر عليا ايام ينشف فمي من قلة الكلام عاد قولو لحواء الصمت من دهب الا من عذاب مقدر :icon33: احب اسولف واهرج واشوف الناس وخصوصي

في الفترة دي اللي كلمتكم عنها 00

طبعا حوستكم ومنتو عارفين ايش ابغى منكم 00

ابغاكم تحسون فيا وفي حالي واهم شي تسمعوني 00

واحس ان فيه ناس حولي يمه بموت وحده 00

تاني شي ابغا كل وحده تقول متى تبدى تبدأ معاها اعراض الكآبه قبل الدورة انا اشوف انعشرة ايام هلاك يعني الشهر كله كم يوم لمن تعيشي

عشرة نكد واسبوع دورة ويالله تخلصي منها توك تفيقي وانا لمن افيق :D

افتكر مصايبي وتصرفاتي مع زوجي وعيالي واندم واتحسف واحاول اعوض

بس ما يمديني الا ورجعنا لما قبل الدورة :(

معقوله عاد

فيا ليت كل وحده تقول ايش تسوي في دي الفترة عشان تتغلب على مشاعرها وعصبيتها وايش الحل لكآبة ماقبل الدورة

وكيف تسوي لمن تكوني وحدك وما عندك احد تهرجي معاه ولا تفرفشي معاه ولا تلفون ولا نا س

واعتقد الفراغ له دور 00

هيا عاد لا تكسلون عن الكتابة ولا تقصرون عن النصيحه وقولي حل وحلول من تجاركم 00