كلماتنا الشعبيه***

معقوله...32قراءه ولا رد اكيد ان الموضوع ما عجبكم ..سامحوني ....ارجو حذف الموضوع
من جد كنت بكمل بس يوم ما حد رد بوقف .........
...................................................اكادونيا:(:44::06:

أكادووونه ليش حبيبتى تبين الموضوع ينحذف ...........؟؟

بالعكس رووووعه على الأقــــــــــل نفهم لهجات بعض لأن كل ديره لها لهجه معينه...

وأنا ببدأ .......... أنا من الكويت وبالكويت عندنا شغلات يمكن ماهى معروفه في بعض الدول فراح أتكلم عنها........ :

قبســــــــــــه...... : يعنى البومه اللى لادخلت في موضوع تفركش وجها نحس

جب.... : يعنى سك حلجك بعد يعنى فمج وكلمة جب هنديه الأصل.....أفا الدعوه فيها هنود :23:

أكــــــــــو .... : يعنى موجود وأصلها فارسي.....أيــــــــــران شغل عدل.....:o

مــــــــاكو... : يعنى لايوجــــــد خلص ....وبعد أيرانيه..

كــــــــــاهو... : يعنى شوفه وبلهجة البدو عانـــــــــه...وأيرانيه.....

معبوج... : الفلفل الحــــــــــار ... أعتقد هنديه.....:42:

مصبنجى..... : عربجي....

جـــــــــوتى ..... : تكرمون الحذاء ...

قفشــــــــه.... : ملعقه...

يعنى هذي اللى خطر في بالى يمكن بعض البنات يستغربون ليش لهجتنا فيها أيرانى وهندي....؟؟

أهل الكويت كانو قبل أهل بحر وغوص والهند كانت مشهوره بالتجاره هي وفارس عشان جذيه

دخلت في بعض مسمياتنا بعض من لهجاتهم.....

أما حنا يالبدو في الكويت فتلقون أغلب كلامنا نجدى بحكم أن البدو في الكويت والسعوديه كلامهم واحد.....

حبيبتى والله موضوعج حلوووووو أنتى بس عطيه وقت........

ام غلايل عندنا...
.يامرحبا يامرحبا والله يجبر بخاطرك من جد كنت ابقى احذف الموضوع بس عشانك بكمل...


مصبنجي ....يعني عربجي ...ينقالك فسرتيها:22:



............................نكمل

بعض كلمات كبار السن..المتأثرين بأرامكوا..(يعني زوجها او ولدها موضف بأرامكوا)
...الرين......القطار
...تيبل.........طاوله
...سبيتار.....مستشفى
...اوتي .....مكواه
...كنديشن...مكيف
..قلاص......كاس
..كبت........خزانه اودولاب
..وش نلاحظ
:cool: ...اان الكلمات اصلها انغليزيه بس مع لسان معووج صارت بالشكل ....ينقال متاثرين:15: عرب يتكلمون انغليزي بطريقتهم:arb:

السلام عليكم ورحمة الله وبركاته
اكادونيا .... كيفك الحال ؟؟؟
بالعكس تريه يهبل موضوعك وانا اول مشاركه لي
من شفت كلمة شعبيه وانا اطيح على وجهك :eek: (موضوعك هههههههههه)
والله افتخر بكلام ديرتي ديرة اهلي وربعي <<<< دقتها جلسه ناقصها دلة قهوه وتربع :40:
بسم الله وهذا هرجنا عساه يعجبكم ان شاء الله << اهم شي يعجبها ماعليها منكم p:

وهذي نقيطات من الفاظنا <<<< تعطيكم نقطه من البحر
شذاذا....... ايش هذا ؟

منطول....... مرمي يعني مجدوع بالارض

مغتلق ..... ضايق صدره

امحق ....... امممممممم والله مادري كيف اشرحها بس يقولون امحق عليك ... يعني مالت عليك

موَقل ...... يعني على شفا حفرة من النار.... يعني متردد

حويجة..... تصغير حاجه

مقاقة.... امممممممم شلون تنشرح هذي :confused: ..... يعني يقولون ماعندها مقاقه على البزران .... يعني مالها خلق على البزران :04:

دن هنئ ..... وخر عني ... ضف وجهك

حمولة.... يعني قبيلة.. يقولون هذا الولد ولد حمولة يعني ولد قبيلي

طبينة... هذا اسم ريحة النخيل اذا حرقوها ...... والله ريحتها رهيبه

معاضد.... اساور

شحقة....يعني ايش حقه هذا

منجعصه ..... مرتكيه هههههههههههه غريبه شوي صح

في بعد بس اخاف علي مخخكوم

وابيكم تبشروني هو عجبكم كلام ديرتي

سلام

عذارى تصدقين طبينة عندنا هى المره اللى ياخذها الرجال على أم أعياله فرق المعنى خخخخخخخ:23:

أكادوووونه مصبنجى يعنى الولد راعي المشاكل والدجه وماخذ في نفسه مقلب :42:

خل نكمل الموضووووع عاجبنى.............:o

غظاره.....عاد شلون أوصفها هي الطاسه أن شاء الله مفهومه :29:

ميدى....يعنى أنـــــــــا وميدها يعنى هى....

مهايط....يعنى يفاخر وماعنده ماعند جدتى........:23:

مشنص.....مرتفع....

عــــــــانه......شوفه.....

يابالفيت..... يعننى كلش.....

حسك الوبر....يعنى الأبـــــــــل......

يعنى هذا اللى ذكرته الحين ولى عوده أن شاء الله :32: