كويس انك ندمتي ان شاء الله تعوضين في الباقين وترضعينهم طبيعي اعتني بحلمت سدرك في فتره الحمل وذا ولدتي بالسلامه رضعي طبيعي
ولا تسمعين كلام احد وبنسبه لولدك اهتمي بتغذيته تغذيه صحيه خلى كل اكله طبيعي والله يحفظه لك ان شاء الله

خلاص لا تزعلين نفسك عشان شي انتهى ومالك يد فيه.. مثل ماقالت ام ريوف لما يبدا ياكل اهتمي بتغذيته.. ياما ناس رضاعتهم صناعي وصحتهم طيبة ماشاءالله
والمرات الجاية بإذن الله لا تخلينهم يعطونهم رضاعة في المستشفى.. بعض الصغار حساسين مرة ويبون نفس الرضاعة حلمتها بارزة وتدر بسهولة


الله يحفظ لك ولدك ويبارك فيه يارب

اعرف وحده ايام الدوام قالت العيال كانوا يرفضون الام عكس البنات..
انت الان اهتمي فيه .. الله قدر انك ماترضعينه ..لاتشغلين بالك في قالوا و ماقلوا وهم رضعوا طبيعي.. ..اغلب الاطفال يرضعون صناعي وشوفي صحتهم حلوه..الام اذا كانت موطيبهةحليبها مايفيد البيبي كثير لانه غير مدعم

ما راح أزيد همج هم
الحين بما إنه صار له ثلاث أسابيع
تداركي الوضع
إشفطي له من صدرج وعطيه فالمرضعة
وخليه يشبع
وبعدين عطيه صدرج يتمزز عليه
لين يتعود عليه
وفكرة إنه يكره صدرج
مستحيلة
إنتي أمه
أحن قلب عليه
تلاقين حليبج إدراره خفيف وهو مستعيل
انا إختي إخصائية رضاعة طبيعية
والله صدعت راسنا من النصايح
كانت توقف على راسنا بولادتنا
ولا تخلي حد يفكر فالصناعي
مرت علي أيام شفت الويل فيها
وقعدت لي والله ما خلتني أرضع صناعي
كان يطلع دم وويع وحالتي حالة
والبنت كانت ترفض الصدر
حبة حبة لين تعودت
والحمدلله يبت بنتين ساعدتني فيهم
والثالث يبته قبل عرسها بإسبوعين
ما فضت لي ودخلت له الصناعي وهو عمره شهرين
رضعة باليوم
ندمت قد شعر راسي والله

مشكورات كل اللي ردوا... هونتوها علي.... (طينة جنة)ولدي كبر الله يحفظه عمره مهو ثلاث اسابيع....
وبديت اشوف المشاكل اللي بدت تظهر له وماعرف هل انا اخلط الأمور ولا من هالشي...
وعلى اللي حولي اللي ذكرت مواقفهم... حزت في خاطري إنهم ماشجعوني وانا بكرية.... وهم امهات لهم خبرة.... لدرجة اللي قلت لكم عنها من مواقفها كانت تقول خلاص امه ماعندها حليب وانا اسمع واتحطم وكان عندي وانقطع بعدها... جاتني فترة قلت من عينها استغفر الله وبعدها قلت لا اخلي مواقفها تخليني اظن فيها واخذ اثم....
.
اللي راح راح بس الشعور والخوف هو اللي خلاني اكتب
.
بس كلامكم خخفها علي الحمدلله... الله يسعدكم كل اللي ردوا.