الله يسعدكم وحده وحده.... طمنتوني الحمدلله 💋

في امور ماهي بيدنا يااختي
يعني انا ولدي رفضني وبشده من لما كان بالاربعين زعلت كثير ولكن ما استسلمت بسهوله جبت الحلمه اللي تتركب على الصدر احجام وجربت وعملت كل شي مافي فايده بعدين برضو ما استسلمت ظليت اشفط له واعطيه لحد ما جف الحليب تماما.
وانا ماكنت ابي ارضعه صناعي ولكن مولود بحجم صغير وكله يبكي وكنت اتابع وزنه مع دكتور وكان وزنه يقل كل موعد فالطبيب قالي ما يصير يااختي شكله ما يشبع وكان كله يبكي من بديت اعطيه الصناعي بدا يشبع وينام وما كنت كمان اعطيه مويه ابوي قالي بس قطري بفمه والحمدلله
خويتي مثلا كانت تاخذ حبوب وماتقدر ترضع ولا رضعه وحده وبسم ولدها هذا اصح اولادها واحسن صحه.
احيانا تكون الظروف اقوى من الام ولكن مو مهم الطريقه المهم الطفل يتغذى علشان ما ينزل السكر حقه والجماعه اللي نصحوك وضعهم يختلف عن وضعك اطفالهم ما رفضوهم ولا رفضو المكس مثلاا فلا تعتبريهم ضروك لانك كيف بترضعيه وهو مايبي. كان الحل الوحيد اذا رافض تماما هو الشفط.
انا ولدي جته زي العين كنت ارضعه عادي وجاوني ناس يزورني وانا كنت استقبلهم بالمجلس وانام وابدل وكل شي بغرفتي في بيت اهلي. فالحرمه جتني داخل الا تقولي يووو للان يرضع اي ميت عليك امه والله مارجع رضع مني ابد ابد يبكي بكي ما يبيني.

طبيعي لاتهوجسين .. فيه اطفال مايرضون يرضعون.. من اول ماينولدون.. اهتمي بصحته ولاتقراين كثير وتوسوسين لنفسك.

انا زيك في ولدي الأول وزعلت عليه ونفس الكلام اللي سمعتيه قالولي هو انا ايش كانت غلطتي الرضاعة لما كنت اعطيه كانت فتحتها واسعة والمفروض تكون ضيقة انتبهي لدي النقطة المرة الجايةعشان كدة فضلها عليا يرضع من غير مايتعب 😁لكنالحمدلله عوضت في ولدي الثاني الله يحفظ لك ولدك لاتشيلي هم ياقلبي

الرضاعة الطبيعية مهمه صح ، بس هو رزق واللي كاتبه يصير لا يأنبك ضميرك ، انتي ام معطاءة وتحبين ولدك سواء رضعتيه طبيعي ولا صناعي اعطيه اكل يقوي مناعته مثل الحمضيات والبروكلي والطماطم والبطاطس ... وان شاء الله بيكبر شوي وتقوى مناعته ... واذا مرض واضطريتي تعطينه مضاد عطيه لبن وزبادي لمدة شهر كامل لانه المضاد يقتل البكتيريا النافعه والضارة واللبن والزبادي مليان بكتيريا نافعه .. اذا مايحب الزبادي حطي فاكهة معاه ..
الله يحفظ لك ولدك من كل شي ويخليه لك