صبحكن ومسيكن الله بالخير والمسرات
وشلون الجميع عساكم بخير
ادري انكن تسألون عني و تقولن الا انتي وش اخبارتس ؟
لان هالسوعال يطرح ويصفق نفسه
عاد احب اطمنكن واقولكن اني بخير واززززززقح
وما صرت امشي الا شوي واغررررز،
وببعض الاحيان تفضى البطاريه
وكود يسون لي اشتراك للبطاريه هههههههههههه
وصار بعض الناس من حولي حزبين
حزب ترحمني وودها تشيليني وتززززمني
وهذي الطبقه من المجتمع هم السواقين
اللي يوقفون عند المحلات هذولى وس حليلهم
اذا شافوني اتدربى واتزقلب واتدحرج
ونفسي
يفحححح فح احس انهم ودهم يشقلوني مع سواقي الدلخ الله لايخليني من دلاااااخته ،
بس والله ما ادري عنهم !!
هم ودهم يشقلوني ويزموني ويجدعوني
الظاهر
باقرب حفرة
عاد وش نوع الحفره الله واعلم !!!
بس يمتكن حفرة مندي
شافوا المره مربربه و سمينه ومليانه وبكرشته
شي وشوياتعاد طمعوا بي هههههههههههههه
هذا هو الصنف الاول من اللي حولي
والصنف الثاني وهو صنف اللي يتطنزبي
وهالنوعيه ووووووواجد
بس اكتفي بمثل واحد
هذا الله يسمنكم ولد خالي بثرررر
على بثارة دحومي ابثر منه يعني الله يحلل الحجاج عند ولده
صادفت هاك اليوم مجتمعين باستراحه عاد تخبرون الحامل
اما تسدح
او تبطح او تتنهز
خلق الله خخخخخخخخخخالمهيم جاء ولد خالي ذا يحوس ويدوس بين الحريم وتراه صغير
ولفت انتباهه وضعي وانضجاعي
قام يطالع بي ويبحلق
همن قال لي : هيه هيه<< حتى ما يعرف وش اسمي هو ووجه
انتي الحين حامله؟
قمت انا اطالع بوه واناظره بنظرات كلها شرررر وتخويف
ايه مهوب انا أم تأبط شراً والاقر على الله
لا ودخلت طرف اذاني داخل جخر الاذن تعرفون وشلون ؟
مهوب لازم تعرفون ههههههههههه
كل ذا علشان يدل اني شريره
ماعلينا المهم ورديت عليه وقلت :
لاهذا بزر
اكلته وغصيت بوه ، رح جب لي ماء
علشان اخرطه كل ذا اغديه يتوحش ويخاف ومايصير ملقوووف
وفعلاً عقب هرجي ذا ماشفت الا غباره
امـــا عـــــاد مابقى الا البزران يتطنزون بي <<< الظاهر ما اعجبه شكلي
ما يكفي دحومي يقول انا اقدر اسبق امي هو ووجه هههههههههههه
دحدروووو بس تمسكوووو
عاد اقولكن
اني ماصار بي حيل مثل اول
يالله العفو والعافيه بس ماش هالواحه الكركريه هابلتني
ما خلت بعقلي شي الله يخلف
هو من حينه ما بووووش شي اقصد العقل
ومن عقب ما عرفت الواحه واهلها كل شي بححححح تبخرررر
لاوزود قلعت ضررروس العقل عاد منه العوض وعليه العوض ههههههههه
المراد
تخبرون يوم الانسه جوري تحرجنا وتقول لنا قبل الاختبارت لا احد ينزل موضوع
لين نخلص مختبرين ،هاه
وانا قلت لها إن شاء الله ما تشوفين مني أي موضوع الين ما اجعص واولد
ههههههههههه
وماصرت مثل بعض الناس اللي طنشوا هاه
ونزلوا مواضيع واخذوا بعد طويل العمر لان فعلاً مواضيعهم تستاهل
<< ما تقصد مدوده وموكا وعذيب ابوك يالتحريش ههههههههههه
وبكذا قهروا اللي ماكان موجود هاك الايام بالواحه غاطسين بشي اعظم
<< اما عاد
أي والله يا الانسه جوري وش علينا منكم ؟
وش ذنبنا ننحرم !!
حنا لا دوافير والا افران والا مايكرويف ههههههههه
اجل وش يوسع صدورنا الا الجديد واللي مهوب
مكررر او منقووول او ملاغة الملاغات ههههههههه
<< قلبت على الضعيفه و ما صار لي خاتمه خخخخخخخخخ
بس والله من ناحيتي يا جوجو وفيت وكفيت بوعدي يوم قلت لتس على خشمي
غالي والطلب رخيص
وامتنعت عن تنزيل مواضيع جديده مع إن عندي واااااجد بالمخيخ
لكن إن الله احياني تبون تلقون اللي عندي
<<< وش دعوى ورث هو هههههههه
عاد شوفي يا جوجو انا قلت لتس على خشمي ما انزل موضوع
الا بعد ما اولد
بس بما إن وعدي لتس على خشمي فتشوفين خوشمي ما عاد يتحمل
وانتفخ وورم وانفحج لين صار نصف وجهي خشم ونصفه وجه هههههههههه
فاصل بس هالمره وش اسوي كله من الصوووغ