السلام عليكم ورحمة الله وبركاته
بنات أنا ما كملت حتى سنتين من زواجي وزوجي أكبر مني بكثير يعني تقريباً 20 سنة والكل يقول فرق العمر يخلي الزوج يدلل زوجته لكن زوجي عكس الناس .. يدللني باللي يعجبه ويذلني باللي ما يعجبه
مليون مرة زعلت ورحت بيت أهلي وأدري إن هذا غلط لكن ماقدر أتحمل عصبيته ولسانه الطويل وإهاناته بدون سبب !!! وفوق هذا متقاعد ولا يطلع من البيت يعني نكد وهم وغم 24 ساعة
زوجي يقرب لنا من جهة أبوي فدايماً أبوي يكلمه على أساس إنهم أهل أكثر من إنه والد زوجته بس عشان ما يحسس زوجي إنه مقصر أو إنه يعطيه أقل من قدره خصوصاً إنه مو صغير بس مافي فايدة واليوم خلاص وصلت حدي وكلمت أبوي وقلتله تعال إخذني وفعلاً دخل عندنا وكلم زوجي بس ما طلعنا بنتيجة وخذيت بنتي معاي ورحنا
اليوم كل المشكلة عن الفلوس ..
شايل إيده من مصروفي خير شر وكل حجته إني موظفة !! وأنا الصراحة ألوم أهلي لأنهم ربونا نتنازل عن حقوقنا عشان المركب يمشي وما يدرون إن احنا قاعدين ننزل من قدرنا بدال ما نرفعه .. تعود إني أصرف على نفسي وعلى بنتي وعلى طلعاتي مع أهلي كلها من راتبي ولا فكر يوم يقول تحتاجين شي ؟ تبين فلوس ؟ الموضوع عنده منتهي طول ما أنا عندي راتب .. وأكرر إني أنا الغلطانة لاني ما حطيت حدود من بداية زواجنا وخليته ماخذ زوجه ابلاش !!!!!!!!
اليوم قلتله تعطيني مصروف لي ولبنتك وللبيت لأني وصلت لمرحلة أجوع فيها ما ألقى أكل ! يقولي إنتي بلغيني قبلها وأنا أشتري .. لو أقوله صحيح يجيبلي لكن وبعدين ؟ كل الناس ثلاجتها مليانة إلا أنا آكل كل وجبة بوقتها وتنتهي ولازم أبلغه شنو ودي آكل للوجبة اللي بعدها عشان يجيبلي !!! حتى التوست والجبن يجيبه الصبح وبالليل ما ألاقيه يقولي وزعته على الفقرا لأنه بيخترب وإنتي مخليته ما تاكلينه !! في أحد ياكل كيس توست كامل بيوم ؟؟؟؟ محسرني الله لا يحسرنا
وأقولكم يا بنات إنه مو بخيل .. هو حريص الله يهداه وعايش بروحه طول عمره ومو متعود يتكفل بأحد ! أدري شي غريب لكن لحد الحين يشوف نفسه عزوبي وينسى واجباته ناحتي وحقوقي كزوجه حتى راتبه مالي منه شي لا أنا ولا بنته إلا للطوارئ على قولته وغير جذي بالنسبه له كله إسراف وتبذير حتى ملابس العيد أقوله ودي عن خاطري تقولي يا فلانه خذي فلوس اشتريلج ملابس للعيد ما أشوف إلا عيونه صارت @@ يقولي العيد لليهال ليش أعطيج ؟!!! يا سلام
كأنه حالف ما يعطيني وإذا عطاني ذلني كل يوم يقول تذكرين يوم عطيتج وشريتي كذا وكذا ..
أبوي اليوم تفاهم معاه وقاله هذا حقها الشرعي لو تمشي لها مصروف رمزي إسمك تصرف عليها بس ما رد لنا كلمه وعصب كأني داخله على طمع مو زوجته وقلت لأهلي بظل عندكم لو مهما طال الوقت لأن وجوده بحياتي مثل عدمه ماني مستفيده منه كزوج .. لا يودي ولا يجيب ولا يصرف ولا حتى يسولف ويضحك مثل خلق الله ! حياتي معاه نكد ومخاسير على ظهري أنا
أبي منكم يا بنات نصايح لأني والله مليت وأحس إني لازم أحط قوانين جديده بحياتي مع زوجي وإذا مو عاجبه بلاها من عيشه
ونصيحه لكل وحده متزوجه أو داخله على زواج .. لا تقولين أنا زوجه سنعه ما أطلب ! أغلب الأزواج بيتعود ويشوف نفسه مو مقصر ومحد بياكلها غيرج ولا تتوقعين إنه بيقدر وبيذكرها لج ويقول زوجتي والنعم فيها بالعكس بيقول إنه معيشج أحسن عيشه وإنج ما تطلبين منه لأنه موفر لج كل شي وما عليج قاصر !!
انتبهوا لا تفرطون بحقوقكم يا حريم
بشه المنفشه @bshh_almnfshh
عضوة فعالة
يلزم عليك تسجيل الدخول أولًا لكتابة تعليق.
جدة مملكتي
•
الله يفرج همك
eqa3
•
ونصيحه لكل وحده متزوجه أو داخله على زواج .. لا تقولين أنا زوجه سنعه ما أطلب ! أغلب الأزواج بيتعود ويشوف نفسه مو مقصر ومحد بياكلها غيرج ولا تتوقعين إنه بيقدر وبيذكرها لج ويقول زوجتي والنعم فيها بالعكس بيقول إنه معيشج أحسن عيشه وإنج ما تطلبين منه لأنه موفر لج كل شي وما عليج قاصر !!
انتبهوا لا تفرطون بحقوقكم يا حريم
معاك حق 100 %
وامي دايما تقول الرجال اذا ماحس انه عنده بيت يصرف عليه يروح يدور بيت ثاني يصرف عليه ( يتزوج ) .
انتبهوا لا تفرطون بحقوقكم يا حريم
معاك حق 100 %
وامي دايما تقول الرجال اذا ماحس انه عنده بيت يصرف عليه يروح يدور بيت ثاني يصرف عليه ( يتزوج ) .
eqa3 :
ونصيحه لكل وحده متزوجه أو داخله على زواج .. لا تقولين أنا زوجه سنعه ما أطلب ! أغلب الأزواج بيتعود ويشوف نفسه مو مقصر ومحد بياكلها غيرج ولا تتوقعين إنه بيقدر وبيذكرها لج ويقول زوجتي والنعم فيها بالعكس بيقول إنه معيشج أحسن عيشه وإنج ما تطلبين منه لأنه موفر لج كل شي وما عليج قاصر !! انتبهوا لا تفرطون بحقوقكم يا حريم معاك حق 100 % وامي دايما تقول الرجال اذا ماحس انه عنده بيت يصرف عليه يروح يدور بيت ثاني يصرف عليه ( يتزوج ) .ونصيحه لكل وحده متزوجه أو داخله على زواج .. لا تقولين أنا زوجه سنعه ما أطلب ! أغلب الأزواج بيتعود...
كلام صحيح 100%
الصفحة الأخيرة