كيف احوالكم ؟؟
عساكم طيبون
بما اننا بموسم عروووووووووووس
كم انا مشتاقه للعروووس
هذا سلملكم الله سالفة بعض الحريم الخفيفات في العروس
مدري وش احس به يوم انزل موضوع عروس بالظهر
عمركم شفتوا وحده ماتنكس الا اذا صارت الاغنيه باسمها " شي عجيب "
\
/
\
/
بدايةً تدخل ساره لقاعه الزواج ومعها شروق ونوف
ويجلسون على هذيك الطاوله اللي قريبه من المنصه عشان يشوفون الطق والرقص ويقزون العروس زين
بدا الطق والدنيا رقص ووناسه ...
وبعد كم اغنيه تقول ساره لنوف : نوف روحي اطلبي لنا اغنيه
نوف : في مين "باسم مين" ؟؟؟
ساره : اطلبيها باسم شروق
شروق : قولي لها شوط خاص << شوط خاص يعني ياويل اللي تطب ونتقز معها غير الاهل والاصدقاء
نوف : طيب... وتطمر مثل الغزال عند الطقاقه
لو سمحتي الله يعافيك ابيك تغني لنا شوط خاص
الطقاقه : وين شوطك ؟؟ << يعني فلوسك
نوف : كم ؟؟
الطقاقه : 50 ريال بس
نوف : تبشرين وتطلع الخمسين من شنطتها
الطقاقه تامرين ياعمري وتبدا وبصوت جهوري يفجر الراس : الو الو " شوط خاص شوط خاص " << هذا تنبيه يعني ابن امه لا يرقص
الا ياشيخة الملعب الاياقايد الغزلان
الا ياشيخة الملعب الاياقايد الغزلان
يالاله يالالا لاله يالاله يالالا لاله
ورا ورا تنكس عاشوا
ويردحون نوف وساره والمصونه شروق على شوطهم الخاص " طبعا لابد ان تتضمن الاغنيه اسم اللي ترقص "
وهذي حالتهم
الموهيم ان الطقاقه اخذت من شروق واشكالها كم 50 وطلعت قيمة الطيران والعزبه باكملها
ومن هالمنطلق جت ببالي فكرة اني بعد ما اخلص دراستي بدل ما اقدم على بنوك
اروح اجمع لي كم طار وكم بنت ونوزع البطاقات باسم فرقه wafa-m " ام فيصل " لاحياء الحفلات << "ام فيصل " اسم الشهره
"اذا فيه اقتراحات على الاسم الرجاء ارسال رساله خاصه "
وبلا محاسبه بلاهم بدل ما اتوظف في بنك واخذ راتب نهايه الشهر 8000 او معيده بالجامعه واكرررف ومدري كم بيجيني
اصير طقاقه واخذ بالليله الوحده اقل شي 7000 هذا من غير اشواط المدح اللي بــــ50 ريال للراس
والشغله فيها وناسه وسعة صدر واصيرمن خلالها انمي موهبتي وايضا ادخل البهجه والفرح في نفوس الشعب
والله ذا الطقاقات ياانهم يطلعون بس الله يرزقهم
المشكله موب في الطقاقه اطال الله في عمرها هي هاذي رزقتها
بس المشكله فهناس اللي تطلب اغنيه بخمسيييييييييين او مية ريال عشان بس تقول اسمها بالاغنيه والله احيانا توصل خمسميه << قاطعتن قلبي
ياااالهي ليش بعض الحريم تسذا ؟؟ كم انهن حمقوات
الحين ادفع فلوس عشان بس ارقص على اغنيه باسمي ياشين الخفه بس
ترا ذا الحركه موب عند كل الناس بس اني رحت كذا عرس من عوايل مختلفه وشفت ذا الحركه << مدري وش يحسون به
عموما اللي تبي تنضم لفرقتي تجهز لها طار وترسلي على الخاص
الله يسعدك
بس والله مو بذي السهوله
الشغله لازم يد قويه وصوت حلووووو
وبعيد عنك مهي بعندي
خخخخخخخخخخخخخخخ