كل حاجة معقدة في حياتي و مش عارفة اعمل ايه

ابويا الله يرحمه كان مطلق قبل ما يتجوز ماما و مخلف بنت طبعا اختي.،،مم وانا صغيرة الاحظ بابا دايما يزعق لماما و يضربها و يشتمها و يشتمني كمان قدام اختي و يتعمد يهيني انا و ماما قدامها من غير سبب و الاحظ نظرات الشماتة في عنيها دايما ،،ماما كانت ساكتة و بتسكتني بالعافية مكنتش بتعرف ترد ،،و كان كل شوية يهدد ماما بالطلاق لاسباب تافهة المهم كمان عمتي كان برضه متسلطة علينا و بابا ساكت ، بقت هي كمان تهيني انا و ماما قدام العيلة كلها عادي من غير اي سبب و ممكن تلفقلنا اي تهمة عشان تبرر اللي بتعمله و ماما تسكت و تسكيتني، و خلت بابا يقطع صلة رحمنا باخوالي و خالاتي نهائي،
فضلنا علي الحال ده عشرين سنة ،،من عمري لغاية ما بابا مات و للاسف قبل بابا ما يموت باشهر قليلة ادي لعمتي كل مستندات ملكيته لاراضي و عقارات وارثها و كمان مبلغ سيولة اكتر من ١٠٠٠٠٠ طبعا مكنش عايزنا نورث بالرغممن ان احنا اللي كنا بنخدمه في مرضه،، عمتي اولادها يوم الميتة طردونا انا و ماما من شقة بابا و ما اخدناش حاجة من الورث،،لان الورق و الفلوس معاها،،،ماما جاتلها ازمة نفسية حادة ،،،للاسف انا مكنتش اعرف فجأة بعد ما بابا مات و اللي حصل من عمتي بقت معاملتها سيئة للكل البواب و الجيران حتي موظف البنك او المدير في الشغل في التامينات في كل حتة،،و بقت تتهم اي حد بالسرقة بدون دليل و بقت عصبية جدا بتفاهة ،،،الناس كرهتها و نفرت منها.،متتخيلوش مدي الاحراج اللي كنت يبقي فيه مع اني حاصلة علي شهادة جامعية راقية،،،اتطورت الامور و عمتي عرفت مكانا و سلطت علينا الجيران اللي اتخانقت ماما معاهم وضربوني انا و هي اكتر من خمس مرات و عملت فيهم محاضر لانهم رجالة و ستات بيتهجموا علينا في بيتنا و يضربونا و يسرقونا و احنا ملناش حد و لا حد بيحوش عننا و الناس خدت عني فكرة وحشة اني بعمل محاضر بس اضطريت و الله عشان امنع الناس من ضربنا انا و ماما كل شوية و سلطت علينا ناس يشوهوا سمعتنا. و كمان خلت اختي ترفع علينا قضية انها مخدتش حقها في ورث ابويا منا.،مع العلم ان احنا كمان مورثناش بس عمتي هي اللي معاها الورق و الفلوس،،،انا كرهت حياتي و مش عارفة اعمل ايه،،لا زواج و لا عمل ،،،و مشاكل من كل ناحية،،،قاعدة مع ماما لوحدي في البيت براعيها ،،ساعات احس انها غلبانة و ساعات احس انها السبب في كل سوء حصلي بخناقاتها مع كل الناس لان في ناس ممكن تكون ظلمتهم و بيترد فيا و مش قادرة اقعد معاها بس هي ملهاش حد غيري
انا مش عارفة مين الظالم و مين المظلوم؟و مش عارفة اعمل ايه،،،؟؟؟