حبيت اقول ملاحظة للي ماعندهم النظرة 
اسمها النظرةالشرعية وهي مهمة جدا حتى يصير توافق بين العريسين ليه التشدد وتحريم مااحل الله بحجة التقاليد معقولة متمسكين بالعادات حتى لو غلط على حساب الدين الحمدلله الدين يسر والحلال بين والحرام بين العادات تتغير لكن الدين ثابت 

عاداتنا الام هي تخطب لولدها او عن طريق خواتة ولازم في شوفة لانها مهمة
المهور ماتتعدى35الف
الملكة يسويها العريس ببيت العروس او باستراحة او قاعه حسب ضروفة اذا ماعندة قدرة تنلغي وتصير شي بسيط بالبيت
مافي هدايا مكلفة لأهل العروس ممكن طقم عطور فخم وعود شي بسيط لكن والدي اذا خطب لاخواني يدفع لام
العروس خمسة الألف
العريس بكيفية يبي جيب هدية او لا ماهو شرط ذهب ممكن عطور سأعه فخمة جوال

العرس يبداء10الى 3
واحيانا2ونصف
الرجال عشاهم بدري على12وهم رايحين
أنا من الغربية

انا من الرياض

عاداتنا الام او الاخت تختار العروسة حسب المواصفات والمقاييس اللي طلبها اخوها << حلوة المواصفات والمقاييس حسيت انها سياره ههههه
بعدها يتصلوا على بيت البنت ويقولوا انهم حابين يزورونهم للتعارف وبعضهم يصرح بانه راح يخطب وهو الأكثر وفيه ناس يرسلوا خاطب ويحدد مع اهل العروس موعد وبعضهم يرسل خطاب مكتوب يطلب فيه يد الكريمة لكن هذا نادر وما يحصل الا اذا كانت من عائلة بعيدة جدا

واذا كانت البنت من عائلة قريبة تروح الأم او الاخت او الأب وابنه زيارة عادية ويفاتحوهم ( اللي يحدد في طريقة فتح الموضوع هو مستوى القرابة والميانة )

المهور في عائلتنا للبكر غالبا خمسين الف ومعها طقم وبعضهم سبعين وبعضهم اقل وبعضهم اكثر ما فيه رقم محدد وعيب عندنا نفرض عالعريس رقم معين يجيب اللي يناسبه لكن العرسان غالبا يتبعون السائد وهو الأرقام اللي ذكرتها

طبعا العريس يتحمل السكن والأثاث وحفلة الزواج وفي حالات نادرة يتشاركوا في الحفلة خاصة اذا العائلتين قرايب والعروسة تتكفل بملابسها والذهب ( اذا ما جابه العريس) وتجيب معاها بعض الفضيات وأطقم تقديم القهوة وما شابه ذلك

الملكة غالبا للرجال لكن البعض وبدأ ينتشر هذا يسوون حفل ملكة للنساء ويجوا اهل العريس والعروس وبعضهم يوسعها ويعزم اصدقاء لكن غالبا العائلتين فقط

حفل الزواج يقام حسب رغبة العروسين في فندق او قصر او صالة أو استراحة او عائلي .. عائلتنا غالبا يكون عائلي وقبيلتنا متنوع والغالب في قصور وصالات كبرى.

حفل الزواج يبدأ غالبا ٩ ويمتد حتى الفجر واللي يحب يطلع قبل براحته

لو في يدي الغيت الحفلات كلها وخليته عائلي وبركة

انا قبيلية من مكة
مهورنا عادة من 40 الى 50 الف
شامل لكل شئ ذهب ودبش
الشوفة على حسب البيوت فيه من اقاربي يسمحون وفيه لا
والاغلب بعد الملكة يجي العريس في حفل مصغر في بيت العروسة ويلبسها طقم الشبكة وخلاص
واذا حبوا اهل البنت يسوون شبكة لبنتهم هم يتكلفون بكل شئ من الى
واهل العريس عليهم العشاء فقط
قبل الزواج فيه الغمرة وهذي عادة اندثرت
انا اهلي سوولي غمرة في نفس يوم الزواج في النهار صراحة عادة حلوة وشعوري كان حلو وقت الزفة وانا اشوف اهلي واحبابي حوليني واللي تبكي واللي خانقتها العبرة ههههههههه
المهم لوازم الغمرة من الى على اهل العروسة والغدا من اهل العريس
في الليل الزواج اختصاص اهل العريس طبعا
وانتهى ..

ماعندنا صباحية او مسائية خلاص العروسة تروح بيتها مع زوجها محد يسأل فيهم وبعد يومين الى اربعة خمسة ايام تزور اهلها واهله برفقة زوجها

سبحـــــــــــــــــــــان الله