اهلا هلا باالعيد ،
فرحه فرحه العيد ومن العايدين ومن الفايزين
، ومن العايدين ومن الفايزين ان شلهايه ترى مبطي اللي يغنن
هالاغنيه مهيب يقولن ان شاء اللهلا يختصرن بالحيييييييل وماغير انشله تسد ..
نسيت
اسلم ياخزياه وياعيباهالله يمسي ويصبح الجميع بالخيرررر والعافيه
وياهلا وكل الهلا والهلا وانواع التراحيب بالكل وبالجميع
خوياتي الصرقوعات ،، مشرفاتنا الغاليات،،
كل عـــــــــــــــام وانتن بخير وعافيه
http://zoor.jeeran.com/كل%20عام%20وانتم%20بخير.gif
<< الكرت مسروووق مع سبق الاصرار والترصد خخخخخخ
وعساكن من عواده على ازين حال وصحه وسلامه
تدرون اني منول يوم كنت صغيرونه ما اعترف بالعيدالا اذا سمعت
الاغاني اللي كتبتها لكن بالمكدمه يعني ماهنا عيد الابكذا الله لايبلانا
وكنا نلبس جديد×جديد
حتى الملابس الداخليه والشراب<< عاد من يبي يشوفهن
اندري
؟؟ لا والله كنت اخلي منير الدبه <<بنت خالتي
تشوف شلحتي و؟؟؟؟؟؟؟ الجدد وهي نفس الشي توريني ههههههههه
ولازم نحط حنا ، ونربط ايدينا كننا بحلبة ملاكمه
، ومايخلوالامر من كم بقس هاك الليله عالطاير .. وياحظ اللي يقوم وعينه مابه وراااااااام
واضح ..نبداء يومنا العيدي بجريش جديدتي يامال الجنه ،، وتجمع الاهل والاحباب
ومعايد وعيديات ،، وكل من جاء من الاهل معه عيديته
احد رز،، واحد جريش ،، واحد باديه قرصان وانعام يالله من فضلك،
طعمها بالدماغ ،
ونأكل عقبها جح
ان تسان بوه خخخخخخخخ نبي نقسم الموضوع كالعاد ه يعني باختصار
يتبعععععععععععععع
.gif)
وعقب العصر نروح نشتري بقروشنا شوي طرطعان وتفيخات ،، وشوي علوك،،
وحلاو بالعود المسمى بالوقت الحالي حلاو مصاص،، وعسكريم،،
وبيرندا وببسي مانشربه ماغير نطيشه من زود البطره ايه معنا قنوووش خخخخخخخ
وباقي القروش نغبيهن لليوم الزهري
واقصد باليوم الزهري ،،،اللي نسوي عزيمه بنات ويلزم الامر قطه ...
ولا ضفي وجهتس ناظرينا وخلي سعابيلتس تقاطر لقعه مانعطيتس شي .
الله اه اه اه ياسلام على عيد منول احس انه الذ واطعم << حشى صار عسكريم
هههههههههههههه لا والله عيد الحين مافيه نكهه
صار مثل الرز ببلا ملح،، ومثل الفول بدون كشنه ،، ومثل الحنيني بدون زبده ،،
ماتسن ما همني الا بطني و الاوكول والاكل والبلعععععع خخخخخخخ
الحين وبالوقت الحاضر نبداء يومنا العيدي في اكل 3 تمرات
وقبل مانروح للمسجد لصلاة العيد وسماع خطبة العيد
واللي يحرص كثير من اخواتنا وعوايلهم من جاليات مختلفه انهن يحضرون
صلاة العيد وسماع الخطبه
لوان بعضهم مايدرون وش يقول الامام!!
لكن حرصوا على تأدية شعائر صلاة العيد وجابوا من يعز عليهم من ربعهم وكلهم
من الجاليات الاسلاميه ما احد غاب حتى بزرانهم
بنسبه اكثر واكثر من عوايل السعوديه وااااخزياه
حتى ان بنات شابات سعوديــــــات يعني عليهن الشرهه العام الماضي بالمسجد
يتسألنا ويقولن:
هم الحين وش يصلون ؟؟؟
<<<< يوم عيد يامال الدوره اللي بدميجتس
يعني وش بيسوون يصلون استسقاء ولا كسوف ؟؟ ولاخسوف << قويه ذي
خسوف بالنهار ههههههههههه
وش اسوي يطلعون الواحد من طوره ..
^
^
^
^
الحين وبالوقت الحاضر عيدنا على كم كيلووووووووووشكلكليطه
وحلقوم ،،وكيك ،، ودلة قهوه تروح و ترمس قهوه يجي
ومع هذا ماتصحصح روسنا مانصدق يذن الظهر نصلي ونناااااااااااااااام
نسيـــــــــــــــت اقولكم اننا بيوم العيد نكتشف اللي بوه سوس بسنونه
ايه قلعته من كثر الحلا ولجة سنونه هناك كم يوم ههههههههههه
وعقب العصر نقوم نتاااااغر من تسبدنا المشتبه وماغير نتشكي
ايه والله بعذر الضعيفه الكرشه
ترى الموضوع مهوب طويل مير الصور طولته يعني
يتبعععععععععععع اخر مره هههههههه