كل كم يوم تكلمين ام زوجك؟

الأسرة والمجتمع

بسم الله الرحمن الرحيم

السلام عليكم ورحمة الله وبركاته

اخواتي بنات حواء,,عندي سؤال ويمكن يكون حساس شوي بس

معليش اعذروني ,,,كل كم يوم تكلمين ام زوجك سواء كانت بنفس

المنطقة او خارجها وسواء ساكنة بشقة او دور فوقها,,لان صديقتي

متضايقة من ام زوجها تشره عليها كل ماكلمتها تقول وش هالقطاعة

كني من بعيد الناس وهي تقول اني اكلمها كل اسبوع مرة وهي

خارج المنطقة وتقول اذاخليت ولدي يكلم وولدها طبعاأبو سنتين :04:

مايتكلم زين بس ينغم لها بهالحنجرة الذهبية الله يستر عليه

وتسمع امه تقول هات الجوال خلاص تقول خليه يكلمني

ابرك من أمه اللي ماتعرف تدق,,وهي تقول والعهده عالراوي

اني اكلمها احيانا ماترد او مغلق واذا كلمتها احس انها ماتعطيني

وجه :06:وتبي تخلص المكالمة بسرعة’’فقالت صديقتي اعرضي

مشكلتي على الأخوات لعلهم يفيدوني بشي اسويه علشان ارضيها

... فانا واعوذبالله من كلمة انا’’نصحتها انها ماتقطع فيها مهما واجهت

من تجريحات وتواصل الاتصال بها كل يومين وتعطيها من الكلام الحلو

وتقولها انا مشتاقين لك ياليت تجين كل اسبوع عندنا حتى تكسبها

والا وش رايكن يالغاليات

34
8K

يلزم عليك تسجيل الدخول أولًا لكتابة تعليق.

تسجيل دخول

ارنوبة2007
ارنوبة2007
47 مشاهدة ولارد ياحوائيات,,,,,,,,,وكلمة ولو جبر خاطر

فشلتوني بصديقتي تسألني وش صار بالموضوع قلت النت خربان وهو فعلا كان في الليل معلق


مدري شقولها لو سالتني ثانية لاني مادحتن منتدانا والبنات المشاركات لكن انكم فشتلوني:(


الله الله بالردود السنعة اللي توسع الصدر
tear&smile
tear&smile
أزورها مرة في الأسبوع وأحيانا أكثرو طبعا في المناسبات و الأعياد أو المرض بس ولدها دايما أطلب منه يزورها يوميا
ولما يكون فيه سبب أو سؤال أو غيره أكلمها على طول
ونحاول نعزمها و لو في المطعم كل فترة
tear&smile
tear&smile
بالنسبة لصديقتك خليها تبر أم زوجها و تكلمها كل 3 أيام مثلا مو شرط تطول معها يعني كلام طيب وبس
تكسب رضاها و رضا زوجها و ربها
و برأيي شيئ يفرحها إن حماتها حابة تتقرب ليها و تكلمها
و لو كل فترة تعزمها تبيت عندها ليلة أفضل
ارنوبة2007
ارنوبة2007
مشكورة ياقلبي عالمرور ي,,,,,,,,,,صديقتي تقول اني ماعودتها كل يوم بس ماتدري ليش على الرغم من ان

بعض بناتها مايكلمونها الا كل خمسة ايام والخالة كانت تقوله لها من زمان اذاسالتها مرة ولدها عن فلانة فالت قطوع

ماتعرف تشيل التلفون علي ياكافي,

الله يوفقك ويسهل امرك ويرزقك الرزق الحلال والذرية الصالحة البارة بكم
ارنوبة2007
ارنوبة2007
أزورها مرة في الأسبوع وأحيانا أكثرو طبعا في المناسبات و الأعياد أو المرض بس ولدها دايما أطلب منه يزورها يوميا ولما يكون فيه سبب أو سؤال أو غيره أكلمها على طول ونحاول نعزمها و لو في المطعم كل فترة
أزورها مرة في الأسبوع وأحيانا أكثرو طبعا في المناسبات و الأعياد أو المرض بس ولدها دايما أطلب منه...
جزاك الله خير ياعيوني والله يشفي اميمتك ويقومها بالسلامة ويتمم لها بخير ويجعل ماجاها تكفير ذنوب

الدنيا الله يعينا عليها مشغلتنا والا ياليت الواحد منا يحدد له يوم بالاسبوع لزيارة الا قارب ولو عشر دقايق

والسيارة عند الباب بدون تكلف ,,انا طبعا أم زوجي متوفية من سنوات الله يرحمها برحمته ومافي خاطرها

الا الزين علينا الله يتسامح عنا وعنها,,وانتي ياعمري على خير انك تحثين زوجك على زيارة امه وبتلقينه

ان شاءالله في عيالك


وسامحيني ياعمري دبلت تسببدك