الماهرات :

الحين بنزل لكم البارت قبل الاخيراتمنى يعجبكم وشكرا لكل الحلوات الي ردوا على موضوعي ونوروه الجزء التسع عشر وما قبل الاخير ************** ******************* وحجز ت سارا عند المشغل الي قالها عليه وليد وراحت عندهم في اليوم الي حددوه لها وحددوا لها ايام تجي فيها سوا لها تنظيف بشره بالاعشاب والكريمات وحمام المغربي وتقشير بشره وشالوا السواد الي تحت العين وأهتموا فيها اهتمام كامل وقصوا شعرها على طوله قصه اعطته جمال وشكل وصبغوا لها لون فاتح وحطوا لها خصل اشقرغير شكلها تمام وسوا لها استشواروبدكير ومنكيروحطوا لها مكياج ناعم يناسبها طلع جمالها وصار شكلها كانها وحده ثانيه وختارت من عندهم ملابس تناسبها وتبين جمال جسمها وغير عن الي كانت تلبسها عنده قبل والوانها زاهيه وبعد ماخلصت حست إن نفسيتها صارت احسن بكثير وراحت البيت في اليوم الي بيجي فيه وليد ************** وليد : وووووووو سارا مومعقوله اش الشياكه هذي ***************** سارا : استحت تسلم والله لو ما الله ثم انت كان ماصرت كذا مدري وش اقولك الله يعطيك العافيه ويسعدك زي ما انت اسعدتني وغيرت حياتي ********************** وليد : تسلمين على هالدعوات الحلوه قولي لي عمي مستعد للعمليه ترى بعد يومين العمليه ***************** سارا : والله مستعد وفرحان ويدعي لك مسكين نفسه ومنى عينه يمشي بس انا خايفه عليه مره وقلبي مومطمن العمليه بالظهر يعني خطيره الله يستر حتى البنات الي معاي بالدوام يقولون ابوك كبيروما راح يستحمل ******************** وليد : لا تخافين الدكتور طمني ويقول انها موخطيره صديقاتك مودكتورات ماعليك من كلامهم مسكين يعني عاجبتك حالته كذا يكسرالخاطر بعدين ترى عمي ماهو كبير مره شباب ما شاء الله عليه ترى اقوله انك تقولين عنه كبيرأخليه يزعل عليك ********************* سارا : ههههههه ههههه لااعرفك ماتسويها ********************** بعد يومين دخل ابوسارا لغرفة العمليات *********** سارا : تبكي احس قلبي بيوقف بموت من الخوف ******************** وليد : يابنت الحلال ماعليه الا العافيه انتي بس ادعي له إن شاء الله بيقوم بالسلامه ********************* سارا : طيب وش فيهم تاخروا كذا ******************** وليد : هذي موعمليه سهله لازم يتاخرون خلاص عاد هدي حالك وشرايك اوديك البيت ترتاحين من الصبح وانتي ما أرتحتي وبس يخلصون اطمنك عليه ******************* سارا : لاتكفى ياوليد مقد ر اروح ادري تعبتك معاي بس مقدر اروح واخليه **************** وجلسوا ينتظرون مده بعدها طلع من غرفة العمليات وسال وليد الدكتور عن النتيجه ****************** الدكتور: مبروك العمليه نجحت الحمدالله ************** وليد : الله يبارك فيك يعني الحين يقدر يمشي عادي **************** الدكتور : ايوا يقدر يمشي بس لازم يسوي في البدايه علاج طبيعي لازم يجي كل يوم يسوي العلاج ***************** وليد : فرح كثير الله يعطيك العافيه يا دكتور وراح عند ساراوبشرها ماكانت مصدقه ولا خطر في بالها إن ابوها بيرجع زي من اول يمشي ***************** بعد ماقام ابو سارا من العمليه أبوسارا : وليد ياولدي والله لساني عاجز عن شكرك انا كنت قبل العمليه كني ميت ورديت فيي روحي الله يحفظك ويرزقك بالذريه الصالحه وتذوق برهم يارب ****************** وليد : تسلم ياعمي الشكر لله انا ماسويت شيء بس اهم شيء ياعمي العلاج الطبيعي الدكتور يقول لازم كل يوم وان شاء الله تقوم بسلامه ******************** وليد : وشفيك ساكته ما تكلمتي ولاكلمه ***************** سارا : انا موقادره اتكلم الله يعطيك لحد ما يرضيك يا وليد على كل الي تسويه لنا انت نادر وجودك في هالزمن *************** ورجع وليد البيت عند منال تعبان من الصبح وهو في المستشفى منال : بشر وش صار على ابو سارا ************** وليد : الحمدالله نجحت العمليه والله يامنال لوتشوفين فرحتهم ماتصدقين مساكين يكسرون الخاطر حزنت عليهم ************** منال : الحمدالله مساكين الله يرحم حالهم وانت صراحه ماقصرت معهم بيض الله وجهك ******************* وليد : يعني احاول اعوضها شوي مسكينه صراحه مومقصره معي بنت الحلال بشيء ماتدري اش تسوي عشان ترضيني وانا احاول اعدل بينكم ماابي ربي يعاقبني بذنبها لكن قلبي اه منه بس موعلى كيفي القلب وما يهوى ***************** منال : الحمدالله يا ربي إن قلبك مو على كيفك ولا كان طلعتني منه من زمان ****************** وليد : ياسلام وش داراك إن قلبي معاك ****************** منال : انا اعرف مايحتاج احد يقولي ****************** وليد : يازين الواثقات انتي مستعده للمزرعه بعد بكره استعدي للهزيمه ****************** منال : مستعده بقوه بس للفوز مو للهزيمه وبكره تشوف **************** وفي يوم الخميس اجتمعت العايله كلها عشان يروحون للمزرعه وليد راح عند سارا يوم الاربعاء لانه يوم الخميس بيروح معهم واستعد الجميع لروحه جهزوا الاكل واغراض الشوي وملابس السباحه وكل شيء وراحت معهم ريم ومها خوات وليد والعنود **************** جلسوا الحريم مع بعض والاطفال والرجال في الجهه الثانيه وليد وازواج خواته وزوج العنود ************** ريم : ماشاء الله المزرعه تجنن ماتوقعتها كذا ياليت كل اسبوعين ثلاثه نطلع لها **************** أم وليد : ايوالله صراحه مره حلوه احسن من حقتنا الاولى الي كانت عندنا وبعناها هذيك ماكنها مزرعه حتى الاطفال مره مبسوطين **************** ريم : طيب يالله خلونا نبدءبالشوي يبغالنا كميه يالله يمدينا نخلص من يساعدني ********************** منال : انا تبلت لكم اللحم والدجاج عاد الشاوي عليكم اخاف تلزق فيني ريحة الشوي بعد شوي بركب خيل مع وليد اذا خلصت بساعدكم ***************** مها : خلاص انا بساعدك بشوي الله يهنيكم يامنول لواقول لزوجي بركب معك خيل مافي امل يوافق *************** وجلسوا يشون ريم ومها والعنود وام منال وام وليد يتفرجون عليهم *************** العنود : اعوذ بالله وشفيها ريحت اللحمه كذا ريحتها غريبه ********************* ريم : بالعكس ريحتها جنان حتى التتبيله حقتها مره حلوه ********************* العنود : مدري انا مدري وشفيني هاليومين موطايقه اللحم حتى عندنا في البيت نفس الشيء ******************* أم وليد : شكلك حامل يالعنود يمكنن تتوحمين ******************* العنود : والله مدري ياخاله بس فعلا تلوع كبدي من ريحت اللحمه ********************* أم منال : انتبهي يابنتي على نفسك واوعي اليوم تركبين حصان ولاتسبحين في البركه لحد ما نتاكد ****************** العنود : يوه لايمه تكفين انا ابي اسبح في البركه جايبه ملابس ومستعده **************** أم منال : اسمعي الكلام وبلاهبال مولازم تسبحين اليوم لحد متتاكدين السباحه يمديك عليها بعدين ******************** بعد ما تغدوا وخلصوا جلست منال تلعب مع بنت ريم الصغيره منال : يالبي قلبها تددن بنتك الله يحفظها ماشاء الله علها ماتعطيني اياها ************* ريم : تبينها خذيها والله تطلع لك قرون مزعجه لاتخليني انام ولا اقعد الله يصلحها ***************** منال : الله يخليها لك قولي الحمدالله والله إني اتمنى إن يكون عندي زيها من يصدق إني انا ما اقدر اجيب عيال والله كل عمري اموت في الاطفال بس عاد وش اسوي هذا قضاء الله ******************** ريم : يابت الحلال ما تدرين وين الخيره فيه وبعدين خليها هي تحمل وتولد وتربي وانتي لك الدلع والدلال **************** منال : الحمدالله على كل حال *************** وليد كلم منال على الجوال وليد : يا الله حبيبتي وينك انا عند الخيل **************** منال : طيب بغير ملابسي وبجيك ****************** راحت منال ولبست بنطلون ابيض جينز وجكيت اسود وبوت طويل لركبه لونه اسود وكب وصار شكلها كانها فارسه وراحت عنده ****************** وليد : وووو ادوخ انا ************** منال : ههههههه يا الله تراني متحمسه عشان افوز عليك *************** وليد : هههههه والله واثقه من نفسها هالبنت طيب يالله اختاري لك واحد ************* منال : تفرجت عليهم وأختارت الابيض ياالله هذا جنان يهبل ابي هذا ***************** وليد : طيب وانا باخذ هذا البني ************* وكل واحد منهم ركب حصانه وبدئوا السباق في البدايه سبقت منال وليد منال : ههههههههه شفت قلت لك انا محد يقدر يهزمي **************** وليد : الشاطر الي يضحك في الاخير ياحلوه **************** وخلاها وليد لحد ماوصلوا قبل النهايه بشوي وانطلق بسرعه وفازعليها *************** وليد : شفتي موقلت لك انتي موقدي انا ترى بس كنت مهدي ابيك تتطمنين *************** منال : تصرخ لا لا ماصدق انك فزت علي والله قهر بس انت ضحكت علي اخذت الحصان السريع وعطيتني البطيء ************** وليد : ههههههه الحين موانتي الي اخترتيه بنفسك بس خلاص احنا فيها خذي حصاني وعطيني حصانك وخلينا نرجع من جديد بس إن فزت هالمره تعترفين بهزيمتك *************** منال : طيب خلاص اتفقنا **************** ومره ثانيه فاز عليها وليد وليد : هههههههههه ههههه يا ألله اعترفي بسرعه إني هزمتك ******************* منال : مقهوره وشوي بتبكي لاماصدق والله قهر اول مره احد ي وصارت تضرب الحصان بيدها من غير ما تقصد وانطلق فيها الحصان من غير ماتمسكه وصار يجري فيها وهي تصرخ تحاول تسيطر عليه موقادره وليد صار يلحقها لكن موقادر وفجئه عند السور وقف الحصان على رجلين وطاحت منال على راسها في الارض وماصارت تتحرك *************** وليد : نزل عندها وصار يقول منال منال وانفجع يوم شاف الدم ما يدري من وين طلع الدم وعلى طول كلم الاسعاف وجوا اخذوها ****************** ياترى ايش صار في منال وش بيصيرلها هي وسارا وحده منهم بتبقى مع وليد من هي والثانيه وايش بيكون مصيرها اتمنى يكون البارت اعجبكم وردودكم تسعدني 0000الماهرات

الحين بنزل لكم البارت قبل الاخيراتمنى يعجبكم وشكرا لكل الحلوات الي ردوا على موضوعي ...