هلا فيكم كثير فرحت بتوقعاتكم الحين بحط لكم الجزء الثالث والرابع وخلينا نشوف توقعاتكم صح اولا

الجزء الثالث
***************
*******************
طرقت منال الباب وشافته جالس على المكتب يشرب شاهي
ودخلت مسرعه وهو كان يشوفها وهي جايه وحطت الورقه
على الطاولة وقالت بعصبيه وجديه تفضل هذه من أمي وعلى طول عطته ظهرها ومشت لكنه قالها :
وليد : تعالي هنا ايش هذا
***************
منال : أخذت نفس وقالت هذا رقم أمي تبيك تكلمها هي قالت لي عن أذنك وعلى طول أعطته ظهرها وكانت بتروح
*********************
وليد : على فكره ملابسك اليوم أعجبتني كثير عقبال ما
شوفك بالحجاب
****************
منال : سمعته وفرحت بكلامه وقالت عن أذنك يا دكتور
****************
اخذ وليد الرقم بعد ما خرجت منال وعلى طول كلم أم منال
*******************
وليد : الو السلام عليكم
***************
الأم : وعليكم السلام مين
*******************
وليد : هلا خالتي كيف حالك أنا وليد
****************
الأم : هلا يا بوي هلا وغلا بالغالي ولد الغالية كيفك يا حبيبي أنا ترى زعلانه عليك ولا تسال عن خالتك ولا تكلمها ولاشيء والله إني مشتاقه لك بالحيل
*******************
وليد : ما عاش ألي يزعلك بس والله مشاغل ولا أنتي
على بالي يعلم الله بغلاتك عندي يا خالتي كيفك والله لك وحشه
*****************
الأم : لا لا ما يرضيني إلا انك تجي يا تتغدا عندنا أو تتعشى أبي أشوفك يا ولدي من زمان عنك
********************
وليد : خلاص بشوف لي يوم و أجيك ولا يهمك يا الغالية
*************
الأم : بكره وش عندك أبيك تجي يا غدا يا عشا اختار
**************
وليد : خلاص اجل بجيكم على العشاء وشرايك تمام كذا راضيه عني
*******************
الأم : ايوا كذا الله يرضى عليك يا ولدي خلاص ننتظرك
بكره حياك الله
***************
بعد ما رجعت منال للبيت
الأم : منال عندي لك مفاجئه
*****************
منال : خير يمهه قولي لي ايش
******************
الأم : السواق إلي أبوكم وعدكم جاء ومن بكره هو إلي بيوديكم
****************
منال : ووووو يا سلام وش هالمفاجئه الحلوة

*******************
الأم : وبكره وليد ولد خالتك بيتعشى عندنا
**************
منال : مين وليد لا مو صدق ليش يمه أكيد أنتي إلي عزمتيه
يعني أنا ما خلص منه في الجامعه يجي في البيت
***************
الأم : وليش ما عزمه ولد أختي وأبي أشوفه من زمان عنه
************
منال : أنا ترى ما راح أتعشى معكم ولا راح
انزل ابد
******************
الأم : على راحتك مو لازم
****************
منال : عن أذنك يمه وطلعت فوق وتمددت على السرير
***************
العنود : خير وش فيك عسى ما شر بعد وليد
*************
منال : ومين غيره أنا خلاص مو قادرة أتحمل تعبت ونفسيتي تعبت مدري وش يبي مني ليته ما جاء أنا كنت مرتاحة قبل يجي جاء وبهذلني لا وأمي بكره عزمته على العشاء هنا عندنا مستحيل اطلع عنده
****************
العنود : هدي الله يهديك لا تسوين في نفسك كذا خلاص أنتي مو مجبورة تطلعين له
****************
منال : تصدقين نفسي ومنى عيني انتقم منه واقهره زي ما هو قاهرني بس مدري كيف
*******************
العنود : ههههه يكفي انك ما تنزلين إذا جاء هذا يقهره كل عمركم كذا أنتي وياه ديك ودجاجه
******************
منال : لا وين أنتي ما شفتيه تغير عن أول ميت درجه أول وحنا صغار كان صحيح يناقرني بس إذا زعلت ما يقدر على زعلي أما الحين و لا همه والله كنه ما يعرفني أحيان اشك انه يذكرني أصلا كويس يا شيخه انه يذكر اسمي
*********************
العنود : هههههه يوه كيف ما يذكرك والله وأنتي تقولين لي
سوالفه أقول هذا هو ما تغير زي يوم كنا أطفال يا زين هذيك الأيام يوم كنا أطفال الدنيا كانت حلوه
*******************
منال : ايو الله يا زينها من أيام
*******************
في اليوم الثاني :

بليل جاء وليد على العشاء ومنال ما نزلت ولا شافها ابد
الأم : يا الله يا جماعه تفضلوا العشاء جاهز
*****************
وجلسوا كلهم إلا منال ما جت
*********************
الأب : وين منال ما هي جايه تتعشى
*****************
العنود : تقول ما تشتهي
*****************
بعد العشاء راح الأب والعنود بقت الأم وليد
****************
الأم : يا ولدي منال تشتكي منك تقول شديد مره معها خف عليها شوي عشان خاطري
****************
وليد : ههههههههه يا خالتي أنتي ما تعرفين منال هي دلوعة
ما تبي احد يقولها شيء تبي على راحتها هذه جامعه مو لعب بس حبيت أكلمك يا خالتي أنا بصراحة مستغرب منكم أنتي وأبوها كيف تسمحون لها تطلع كذا بهالملابس وبدون حجاب ولاشيء معقولة ما خبري فيكم كذا وش غيركم
****************
الأم : يا ولدي عادي إحنا هنا موفي السعودية هنا البنات عادي يطلعون كذا لا تدقق
********************
وليد : استغفر الله وش هالكلام يا خاله أنتي حرمه مصليه وتخافين الله يعني في السعودية في رب يحاسب وهنا لا
ترى أنتي وأبوها محاسبين عليها المفروض ما تسمحون لها
كذا وترى في بنات هنا يروحون ألجامعه بحجابهم ومحد قالهم شيء
*****************
الأم : بصراحة أول ماجينا هنا كانت صغيره وعادي بس يوم بدت تكبر تعبت وأنا أقول لها بس ما ترضى وأبوها عادي عنده فصرت أنا بعد عادي
****************
وليد : لا حول ولا قوة إلا بالله الله يهديكم يا الله أنا استأذن
الحين وشوفكم يوم ثاني
******************
الأم : لا تقاطعنا يا ولدي هذا أنت دليت البيت كل شوي مرنا خلنا نشوفك
**********************
وليد : حاضر يا خالة ولايهمك
*********************
الأم : ألا ما قلت لي أنت وين ساكن
*****************
وليد : ساكن في شقه صغيره حقة عزابيه
****************
الأم : يا قلبي عليك ومين اجل يطبخ لك ويغسل ملابسك
*********************
وليد : الغداء أنا أكل في الجامعه والعشاء مره من هنا ومن هنا والملابس كلها في المغسلة وماشيه الحمد الله لحد ما ربي
يفرجها
*****************
الأم : شد حيلك يا ولدي وتزوج خلاص بعد ما شاء الله عليك
موظف و ما عليك وش ناقصك
*******************
وليد : هههههههه ناقصتني العروس ما عندك لي عروس
يا خاله
**************
الأم : هههههه ألف وحده تتمناك أنت بس اشر
وأنا عندي ها البنتين إن بغيت وحده منهم ما تغلى عليك بس يمكن ما يعجبونك بناتي
*****************
وليد : والله أخاف أنا إلي ما أعجبهم أو مو على هواهم
***********************
الأم : بسم الله عليك وليش ما تعجبهم كلك زين يا ولدي
آنت تعجب بنت السلطان
********************
وليد : الله يسلمك يا خالتي أخليك الحين وأشوفك على خير
******************
منال : اففففف أخير راح ما بقى يروح حسبته بينام عندنا
******************
الأم : و ليش ما نزلتي
****************
منال : لا أعوذ بالله ما بي أشوفه
****************
الأم : والله انه زي العسل حتى قلت له لا وصيك على منال تشتكي منك تقول انك شديد معها قال ألاهي دلوعة
**************
منال : أنا دلوعة إلا هو إلي مفتري إلا وين أبوي ما شفته
****************
الأم : مدري قال بروح مشوار وشوي وبيجي هذا الكلام قبل لا يروح وليد ولحد الحين ما رجع مدري وش فيه كلميه يا بنتي شوفي وش أخباره انشغل بالي عليه

الحين بحط لكم البارت الرابع 000000الماهرات

الجزء الرابع
****************
*******************
منال : طيب الحين اكلمه وكلمته على موبايله لكنه مارد عليها
ماما ما يرد مدري و شفيه
*****************
الأم : والله مدري وش فيه الله يستر
فجئه دق موبايل الأم عرفت إن الأب صار له حادث ونقلوه للمستشفى وعلى طول راحو له هناك
********************
الأم : سلامتك يا الغالي ما تشوف شر
****************
الأب : الله يسلمك بس لو صار لي شيء وش بتسوين
أنتي والبنات من بينتبه لكم ويحافظ عليكم ويرعاكم
******************
الأم : يوه وش هالكلام إن شاء الله تقوم لنا بالسلامة
ومحد بيزوج بناتك غيرك تكفى لا تقول كذا
****************
الأب : أنا حاس إني تعبان مره ونهايتي قربت
بس أنا خايف عليكم
****************
منال والعنود :صاروا يبكون بصوت عالي ويقولون
لالا بعد الشر يبه لا تقول كذا الله لا يحرمنا منك
*******************
الأب : بسرعة كلمي وليد خليه يجي الحين أبيه ضروري
*******************
الأم : حاضر بس أنت هدي حالك إن شاء الله ما فيك إلا العافية الدكتور يقول انك بخير وكل الفحوص سليمة الحمد الله لا تخاف يا أبن الحلال
******************
الأب : أقولك كلميه أبيه يجي الحين أنا حاس إني بموت
*******************
الأم : خلاص الحين بكلمه
وكلمت الأم وليد وعلى طول جاهم في المستشفى
*****************
وليد : سلامات يا عمي ما تشوف شر
*****************
الأب : الله يسلمك يا ولدي وليد خالتك وبناتها من بعدي مالهم إلا الله ثم أنت لا تخليهم حلفتك بالله هم في بلد مو بلدهم وأنا خايف عليهم من بعدي لا يتبهذلون وليد طلبتك يا وليد
*******************
وليد : عمي لا تقول هالكلام إن شاء الله انك بتقوم بالسلامة
وخالتي وبناتها بعيوني لا تحمل همهم
******************
الأب : يا بنات اطلعوا برى شوي خلوني اكلمه
*******************
وبعد ما طلعوا البنات قاله :
الأب : يا ولدي أنت مو غريب العنود هذي أخر سنه لها في الجامعه أنا أقول لو يعني تتزوجها أنت أولى فيها من غيرك
بنت خالتك وعشان محد يقدر يتكلم من الناس وتقدر تدخل وتخرج عليهم عادي وتأخذ بالك منهم وش قلت يا ولدي
****************
وليد : اممممممم بصراحة أنت فاجأتني العنود طبعا ما في زيها أخلاق وألف واحد يتمناها بس يا عمي القلب وما يهوى
أنا ما بي العنود أنا بصراحة أبي وحده ثانيه
*****************
الأب : وحده ثانيه مين أنا اعرفها
**************
وليد : أنا آبي منال يا عمي
***************
الأب : منال بس منال توها صغيره وتدرس ؟؟
****************
وليد : أوعدك يا عمي أني أخليها تكمل تعليمها وإذا تبي تكمل
أنا مستعد انتظرها لحد ما تخلص
************************
الأب : لالا إذا تبيها تزوجها وخلها تكمل دراستها عندك
بس لا وصيك عليها هي وأختها وخالتك تكفى يا وليد
*******************
وليد : لا توصيني يا عمي هم في عيوني بس المشكلة يمكن منال ما ترضى
******************
الأب : لا و ليش ما ترضى وين بتلقى أحسن منك
روح يا ولدي نادهم وأنا بقولها
********************
الأب : منال يا حبيبتي تعالي عندي
******************
منال : نعم يبه أمرني
****************
الأب : يا بنتي أبي اطلب منك طلب بس عشان خاطري
لا تقولين لا هذا أخر طلب أطلبك إياه
****************
منال : اطلب عيوني أعطيك إياها يبه
*****************
الأب : وليد خطبك مني وأنا وافقت عشان خاطري يا بنتي وافقي خليني أطمن عليكم
****************
منال : أنصدمت وما عرفت وش تقول وبعد سكوت قالت ليه يبه كذا أنت غصبته ليش ترخصني كذا
*********************
الأب : لا يا بنتي ما عاش إلي يرخصك والله مو أنا إلي قلت له هو طلبك مني وعدني يخليك تكملين دراستك وش قلتي لا ترديني أول مره وأخر مره اطلب منك طلب
******************
منال : تبكي وتبكي لا تقول كذا تعيش وتطلب مني ميت طلب وأنا أنفذه خلاص إلي تشوفه وتبكي
******************
الأب : الله يطمن قلبك زي ما طمنتي قلبي يا بنتي
*****************
وفعلا كان إحساس الأب في محله كان هذا أخر يوم له حزنت الأم وبناتها عليه حزن شديد وبعد شهر من وفاته
****************
وليد : يا خالتي حرام إلي تسوينه في نفسك خلاص هو راح الله يرحمه والبركة فيك شدي حيلك يا خالتي وتعوذي من الشيطان واطلبي له الرحمة البنات مساكين وش ذنبهم هونيها يا خالتي وتهون
******************
الأم : الله يرحمه من يصدق انه راح كذا بغمضة عين وخلانا أنا صعبان علي هالبنات من لهم عقبه كيف بيعيشن وهم في بلد مو بلدهم
*****************
وليد : افا يا خالتي وأنا وين رحت أنا مو ولدك بعد لا تهتمين
من شيء بس تخلصين من الحداد أنا بطلب نقلي لسعودية وأخذك أنتي والبنات ونروح هناك وش لنا هنا
بلدنا أولا فينا ولا تنسين بعد أنا الحين مو بس ولد أختك
وبصير زوج بنتك ولا غير توا رأيكم
******************
الأم : يوه لا طبعا وحنا وين بنلاقي أحسن منك
******************
وليد : اممممم مدري الحين الوقت مناسب أولا بس مدري يا خالتي تبون الملكة بعد ما تخلصين من الحداد آو في هالفتره على راحتكم أنا بس اسأل عشان أجهز نفسي واستعد
*****************
الأم : لا والله يا ليت نسرع فيها والزواج نخليه بعد ما أخلص
من الحداد وشرايك نخليه الأسبوع الجاي هذه كانت رغبت أبوها
*******************
وليد : خلاص الأسبوع الجاي زين عشان بعد أمي يمديها تجي تحضر ملكتي كل يوم تسالني متى
******************
الأم : هههههه هههههه يا حبيلها أختي ودها تفرح فيك
الله يوفقكم ويسعدكم و شوف عيالكم يا رب
*******************
وليد : اللهم أمين الله يسلمك يا خالتي بس مدري العروس
يناسبها الموعد أولا
****************
الأم : ما عليك منها أنا بقولها أصلا أحنا مو عازمين احد
بس أحنا وآمك ما في احد ابد يعني ما عندها عذر
والزواج عاد بعد شهور تستعد براحتها
********************
بعد ما راح راحت الأم وقالت لمنال
الأم : منال استعدي ترى الأسبوع الجاي ملكتك على وليد
من شوي كان عندي واتفقت معه على كذا
*****************
منال : الأسبوع الجاي هو قال ولا بعد أنتي
قصبتيه زي ما قصبه الله يرحمه على الزواج مني
***************
الأم : من قال أصلا إن أبوك قصبه هو طلبك منه ماسمعتي
الله يرحمه يقول كذا
*******************
منال : وهي تبكي كيف ما قصبه وهو قدامنا طلبه وقال خله يجي ضروري وطلب منا إن إحنا نطلع من الغرفة وبعدها قال خطبني كيف ما قصبه إلا تلاقينه أحرجه وما قدر يقول شيء
*******************
الأم : لو كان فعلا هو إلي قصبه كان خلاه يتزوج العنود
مو أنتي الصغيرة طيب حتى لو هو فعلا إلي قصبه كان سكت وما تكلم عن الملكة لحد ما أخلص حداد بس هو إلي
سألني متى تبونها و قلت له الأسبوع الجاي فرح وقال
بحجز لامي وحسيت انه لولا انه شافني حزينه ولا كان باس راسي من الفرحة يا بنتي حرام عليك لا تنكدين على نفسك وفرحي وتهني الأسبوع الجاي ملكتك المفروض تفرحين
***************
منال : يا ليت أبوي كان عايش ويفرح فيني ويا ليت وليد فعلا هو إلي طلبني بنفسه عشان افرح أحس إنكم رميتوني عليه كنه متفضل علي
********************
وفي نفس الوقت كان وليد يكلم أمه
وليد : هلا يمه عندي لك بشارة
******************
الأم : خير بشرني
*****************
وليد : الأسبوع الجاي ملكتي خالتي قالت لي وجيت أبشرك
********************
ألام : ألف مبروك يا ولدي عاد مو تنسى تحجز لي
*******************
وليد : لا يمه معقولة أنساك أنا اليوم بروح وحجز لك ماني مصدق يمه أخير منال بتصير زوجتي والله فرحان أحس الدنيا ما هي وسعتني من الفرح لا تنسين تبشرين خواتي وجدتي قولي لهم وليد بيتزوج منال
*******************
ألام : يا بعد عمري يا ولدي لهدرجه فرحان
***************

انتهى الجزء أتمنى يكون نال على إعجابكم ويا ترى ايش
بيصير في الملكة فرحت وليد بتم أو توم وجيري لازال على
حاله والعراك لازال مستمر خلوني أشوف توقعاتكم
وردودكم كثير تسعدني 00000000الماهرات

وااااااااو يجنننننننن البارت

بس حزنت على ابوها ماكان ودي يموت و ربي اقرىو دموعي نزلت

مرررره حلوووووووه

الله يستر لا ان شاء الله تعدي الملكه على خيييييير خخخخخخخ مررره مندمجه معهم

يالله جزء مرة رائع الله يهنيهم واحس انو المعارك بتستمر لانها حاسة انو مغصوب عليها لكن هويحبها

منوووره مهوره =)

قصصصصه ولآ اروعع ، وآصصلي ابدآعكك ، وبنتظآركك بكرآ ،

<~ رآح اغغيب عنكممم فترةة الأخختبآرآت ، ادععولي =)