حبيبتي مهوورهـ آح’ـنآإ موح’ـآإبين نضغط عليك
وقت مـآإتبين تنزلينه نزليـه
خـذي رآإح’ـتك ي قلبي

شكرا لكم حبيباتي على هالكلمات الحلوه ومتابعتكم لي وتشجيعكم فديتكم تفضلوا اتمنى اكون عند حسن ظنكم
ويعجبكم البارت

الجزء الثالث عشر
****************
*********************
تحدد موعد زواج وليد يوم الخميس ومنال ما تدري هو طلب من أمه وأمها ما يقولون لها كانت منال كل يوم تسأله متى زواجك يقول لها لا تنكدين علينا ما مدانا نتصالح إذا جاء وقته بقولك تونا بدري عليه وما يقولها

يوم الأحد على الغداء :

وليد : إلا يا خالة ما ودكم تسون للعنود حفله بمناسبة زواجها مسكينة ما سوينا لها وش بيقولون أهل العريس والعريس عنا بيقولون بخلاء هم ما قصروا صراحة بالعرس
********************
أم منال : والله يا ولدي أنا ودي بس قلت بسوي لها عزومه صغيره في البيت وخلاص
*****************
وليد : وليه صغيره إذا عشان التكاليف ولا يهمك كلها علي
العنود زي أختي لازم نفرحها
*********************
أم منال : عسا عمرك طويل يا ولدي
**********************
منال : الله يخليك لنا ولا يحرمنا منك
*********************
وليد : وشرايكم نسوي لها الحفلة يوم الخميس
***************
أم وليد : انصدمت كيف يوم الخميس أنت مو تقول زواج خويك يوم الخميس كيف يعني تقطع نفسك نصين
*******************
وليد : لا طبعا بس أنا أقول العزيمة للحريم مو لرجال
يعني نسويها بس حريم بدون رجال
********************
أم وليد : طيب وأنا ودي أروح معك أم خويك أنا اعرفها
وفشيله ما أروح وش بيقولون
*******************
أم منال : خلاص يا ولدي مو لازم
*********************
أم وليد : لا والله يا أختي مو قصدي العنود بنتنا وتستاهل
كل خير بس آنا أقول نخليها يوم ثاني موالا الخميس
******************
منال : غريبة ما قلت لي عن عرس خويك وأنا ما عزموني
************************
وليد : نسيت أقولك وأمي تعرفهم من زمان عشان كذا عزموها لكن البطاقة شخصيه وما عزموك لان عرسهم
على الضيق يعني مختصر ما عزموا كثير
**********************
وليد : بس يمه لا تحملين هم أنا بأخذك الساعة ثمانية
روحي سلمي عليهم وادي الواجب والسواق يرجعك الساعة 11 منال و العنود أكيد بيروحون الكوفيره شوفي بس متى بيخلصون يعني يمديك تروحين وترجعين
*********************
أم وليد : ايوا إذا كذا معليش
****************
منال : طيب يمدينا نحجز الاستراحة
والبوفيه ونعزم الناس
*********************
وليد : انتوى ما عليكم من شيء أنا اليوم العصر أروح
احجز لكم الفندق وهم عليهم كل شيء انتوى بس
بس ما عليكم إلا تعزمون المعازيم وش رأيكم
*********************
أم منال : خلاص إلي تشوفه والله منال ربي يحبها
إلي رزقها بزوج زيك الله يحفظك يا ولدي
**********************
في يوم الخميس الكل كان مشغول منال والعنود عند
الكوفيره وليد بعد مشغول عند الحلاق والجميع كان مشغول
*****************
منال لبست فستانها النيلي وسوت لها الكوافيره تسريحه
أخر موديل ومكياج طلعت خيال وجالسه عند التسريحة تلبس الأكسسورات
وليد : وووووووو ايش الجمال هذا والحلاوة
*****************
منال : استحت تسلم حتى أنت بعد ما شاء الله عليك
اليوم كاشخ كنك عريس
*********************
وليد: ابتسم يعني أروح العرس ما أكشخ ولابس الكشخه لكم
*******************
منال : لا طبعا عليك بالعافية اكشخ بس أقول كنك عريس
بسم الله عليك
*********************
وليد : انتوى متى بترجعون تتأخرون
*********************
منال : والله مدري لما يروحون الناس أكيد بنتأخر
تعرف إحنا أهل العروس
***************
وليد : على راحتكم بس أنا اسأل حتى أنا يمكن أتأخر
اخوياي من زمان ما شفتهم واليوم خميس
***************
منال : على راحتك مدري وش فيني اليوم حاجه
كاتمه على صدري
******************
وليد : بسم الله عليك يا قلبي وش فيك
********************
منال : مدري أعوذ بالله من الشيطان ضايق صدري
الله يستر
*********************
وليد : لا حبيبتي انبسطي وسعي صدرك بس أكيد
لأنك من الصبح وأنتي مشغولة
*****************
منال : ايوا أكيد طيب يا ألله عاد نروح عشان ما نتأخر
عليهم لازم نوصل بدري
********************
راحت منال وأمها للفندق وراح وليد وأمه لبيت العروس الجديدة لأنهم مسوين عرس بسيط في بيتهم
ولحقتهم ريم و ومها خوات وليد
**********************
منال : يمه وش فيهم ما جوا بنات خالتي ريم ومها غريبة
*********************
أم منال : مدري يمكن عند الكوفيره أو يلبسون الحين بيجون
**********************
منال : والله الناس يسالون عنهم الله يهديهم خلني أكلم ريم أشوف و ش فيهم
****************
منال : الو هلا ريم و ينكم تأخرتم
*******************
ريم : ما عندنا احد يجيبنا قلنا بنجي مع أمي
****************
منال : الحين اخلي السواق يجي يأخذكم
****************
ريم : لا لا ما بعد خلصنا معليش شوي وبتجي أمي تأخذنا
*****************
منال : على راحتكم بس الناس يسالون عنكم تفشلت منهم
****************
ريم : قولي لهم شوي وبيجون
*******************
في بيت العروس نسيت أقول لكم اسمها سارا
كان العرس بسيط أمه وأخواته وعمات العروس
وخالتها بعد الزفة دخلت العروس و وليد شقتهم
لان وليد اخذ شقتين في بينهم باب شقه لأهلها
وشقه لوليد وعروسته
******************
وليد : كان مرتبك ومتوتر قالها روحي غيري
ملابسك وأنا بعد بغير ملابسي
**********************
سارة : هزت رأسها ودخلت غيرت ملابسها
وجت
*******************
وليد : خلينا شوي نسولف ودي أتعرف عليك
تعرفين أول مره أشوفك مدري وش فيني أحس
كني أول مره أتزوج
********************
سارا : ابتسمت اسأل وأنا أجاوبك
******************
وليد : قالت لي أمي انك أنتي إلي ربيتي إخوانك
****************
سارا : موكلهم بس عبودي اخوي عمره ثلاث سنوات يوم تموت أمي الله يرحمها عمره خمس شهور وأنا إلي ربيته
الحين هو يقولي ماما و ريهام أختي الحين بثاني ابتدائي
أما الباقي هم كبار شوي بس برضوا أنا إلي اهتم فيهم
وأبوي بعد الله يحفظه من يوم صار ما يمشي
******************
وليد : هو من زمان ما يمشي ولا توه
*****************
سارا : لا من يوم صار له الحادث أمي ماتت
وهو صار ما يمشي
***********************
وليد : طيب انتوى ما عالجتوه
*******************
سارا : إلا وديناه المستشفى لكن قالوا
ما يقدر يمشي
*****************
وليد : طيب عبودي وش بيسوي كيف بينام
اليوم بدونك
*********************
سارا : لا نايم الحين الوقت هذا يكون بسابع نومه
ما يقوم إلا الصبح
*********************
و جلسو يسولفون ويتعرفون على بعض كانت
سارا طيبه مره وعلى نياتها وليد كانت كاسره
خاطره بظروفها الصعبة لا كن ما كانت ابد
عاجبته جلسوا يتكلون لحد ما جت الساعة
2ونص دق جوال وليد كانت منال
******************
وليد : عرف أنها منال عن إذنك شوي هذول الأهل
وراح الصالة وكلمها
*****************
منال : الو هلا وليد وينك تأخرت
******************
وليد : هلا حبيبتي انتوى جيتوا
****************
منال : ايوا جينا من شوي أحس إني بموت
من التعب تكفى لا تتأخر
****************
وليد : نامي يا قلبي أنا شوي بتأخر
***************
منال : خلاص اجل بنام أشوف بكره
مو قادره افتح عيوني من التعب
*******************
نامت منال وليد نام عند سارا وفي الصبح
قام وليد ودور سارا ما لقها دورها في كل غرفه
عرف أنها راحت عند أهلها دخل اخذ شور
وأول ما خلص لقى سارة مجهزه الفطور
وجايبته
****************
وليد :و ين كنتي
***************
سارا : رحت عند أهلي أشوف عبودي
أكلني قلبي عليه وأنت نايم ما حبيت
اصحيه
*****************
وليد : وش أخباره
***************
سارا : قلت له بروح الشغل ههههه
*************
وليد : ههههههه حرام كان جبتيه يفطر معنا
**************
سارا : يوه لا ما يصير هو عادي متعود عشان
أنا كل يوم أروح الدوام تعال خلنا نفطر
*****************
وليد : ليه تعبتي نفسك توك عروس
****************
سارا : عادي أنا متعودة وبعدين تعبك راحة
*******************
وليد : بعد ما خلص من الفطور جلس
يكلمها لحد مآذن وقال لها أنا بروح أصلي
الجمعة وأنتي روحي عشان تشوفين اهلك
وعبودي وبجي يوم الاثنين إن شاء الله
****************
سارا : طيب أشوفك على خير عشان بعد
أروح أسوي لهم الغداء ما عندهم احد
يسوي لهم
*****************
وليد : لالا اليوم غداكم علي بصلي وأجيب
لكم الغداء وأنا بروح أنتي اليوم عندك أجازه
***************
سارا : الله يعطيك العافية
****************
ورجع وليد البيت عند منال دخل الغرفة
لقها نايمه
**************
وليد : منال قومي حبيبتي قومي عشان
تصلين الظهر
*****************
منال : قامت بكسل ياااااه والله كنت تعبانه
وشافت السرير جهة وليد مرتب كأنه
ما نام عليه قالت له أنت وين نمت
ما نمت هنا
******************
وليد : لا ما نمت هنا
********************
منال : وين اجل نمت
******************
وليد : أمس كان زواجي ما بقيتك تتعبين
عشان كذا خليته مع عزيمة العنود عشان
ما يضيق صدرك وهذا أنا رجعت لك
*****************
انتهى البارت أتمنى انه ينال على إعجابكم
وردودكم تسعدني 0000000الماهرات

يااااي جناااااااان الله يسعدك يااارب بس تكفـــــــين تكفييين طووووووليها شووووووي احسهااا مرررةةة قصيرررةةة وماعااد فيني صبر ودي انها تخلص بسررررعة متشوقه لنهاايتها مرره بس بليزززززز طوووليها علشان خاطررري يااحلى مهوررررةةةة

ابدعتي بهالباررت :)

يوم قالها ولييد



احس انها انصصدمت صدمةٍ مهي طبيعييه !!

تصدقيين حبيت سارا

شكلها حليله وما تغار

واحس اخر شي تبي تصير هي ومنال صديقات

اما وليد والله يا هو ظبط الخطه زييين

البارت الجااي يحممس

داخله من الجوال وارد عليك

تبين تعرفين ليش

اقري توقيعي:(

الله يعطيك العافيه ياعسل

حلوووووووو البارت مرررره

ننتظرك يالغلا