الساعة الان تشير ال2 ظهرا بتوقيت السعودية في انتظارك يامهورة

نحن في الانتظار
مع مهورة موش حتقدر تغمض عينيك

الحين بحط لكم البارت الجديد وبعدين بشوف ردودكم وارد عليها

وردودكم تسعدني 0000000الماهرات

الجزء الرابع عشر
******************
**********************
وليد : أمس كان زواجي ما بقيتك تتعبين
عشان كذا خليته مع عزيمة العنود عشان
ما يضيق صدرك وهذا أنا رجعت لك
*****************
منال : ايش وش تقول لالا أكيد تمزح صح
*********************
وليد : لا والله ما امزح صدق
*****************
منال : وليه ما قلت لي تخليني كذا
يا غفلين لكم الله
******************
وليد : أنتي عارفه إني بتزوج اليوم أو بكره
بتزوج وهذا شيء إحنا متفقين عليه ورضيتي
فيه ورجعنا سمن على عسل ما كنت
أبي أقولك عشان ما تتعبين خفت عليك وهذا أنا
عندك الحين وكان شيء ما صار
***************
منال : قامت من السرير
****************
وليد : مسكها وين
****************
منال :بروح أصلي
*******************
دخلت وأخذت شور وغيرت ملابسها وصلت
لكن نار شابه في صدرها كان جالس ينتظرها
****************
وليد : تقبل الله
*****************
منال : صارت تروح وتجي ماتدري
وش تسوي
*****************
وليد : منال وشفيك
***************
منال : قصيت علي ضحكت علي
أقولك وين تقول مع أخوياي وأنت
عندها ليه سويت كذا ليه وتبكي
**************
وليد : اهدي يا منال تخيلي لو كنت
قلت لك يا الله بروح لها كان وش بيصير
حالك كيف بتنامين أنا رحمتك من العذاب
هذا جزاتي هذا أنا عندك خلاص
عاد ارحمي نفسك ورحميني كل هذا إلي
سويته عشانك تراني والله حدي تعبان
****************
منال : أكيد تعبان سهران كل الليل
الله يكون بعونك
**************
وليد : سهران أسولف
****************
منال : مسحت دموعها كيف يعني
بس سوالف
******************
وليد : أي والله
**************
منال : وليد بعد تكذب علي
**************
وليد : أقولك والله ما تصدقيني
خلاص عاد سكري هالموضوع
*****************
منال : طيب بسكره بس بسألك سؤال
تكفى جاوبني عليه
****************
وليد : وبعدين ما راح نخلص يعني
تراني طفشت
****************
منال : هدت عشان خاطري بس هالسؤال
****************
وليد : اسألي أخر سؤال وخلاص عاد
***************
منال : بهدوء أعجبتك
****************
وليد : هههههههههه ههههههههه
والله ضحكتيني وأنا مالي نفس
اضحك يعني لو عجبتني بقولك ايوا
أعجبتني وش هالسوال
****************
منال : مين احلي أنا ولاهي
*****************
وليد : وبعدين
****************
منال : طيب وش قلتوا وش تكلمتوا
***************
وليد : أنتي احلي منها بمليون مره
جلسنا نسولف تشرح لي ظروفها
تحزن تحزن تقطع القلب إنسانه
عايشه لغيرها
بس تخدم إخوانها وخواتها وأبوها
ما تفكر في نفسها ابد طول الوقت
تسولف عنهم وأنا جلست اكلمها
كني اكلم واحد خويي ما قدرت حتى أقولها
ولا كلمه حلوه أنربط لساني ولا سألتني
ولا سؤال عنك كأني مو متزوج ما عندها
فضول ابد والصبح بدال ما تزعل وتقول
ما عطاني وجه ما قالي حتى كلمه حلوه
جابت لي الفطور لحد عندي أكلت
وقلت لها بروح وبجيك يوم الاثنين
حسبتها بتزعل تدرين وش قالت
وأنا بعد بروح أسوي لأهلي أكل
ما عندهم احد يسوي لهم أكل
تخيلي أوجعني قلبي معقولة في
ناس كذا ارحميني عاد ترى إلي فيني
مكفيني حرام عليك
*******************
منال كانت جالسه تسمعه وكأنها انتبهت
لنفسها فعلا هي كانت خلاص رضت
بزواجه وما يفرق اليوم أو بكره وتذكرت
كلام العنود يوم قالت لها انك كذا بتخسرينه
بهالتصرفات وخافت انها تحلى بعينه
وتأخذه منها
***********************
منال : أنا أسفه بس انصدمت يوم قلت لي ما
توقعت إن زواجك بيجي بهالسرعه
********************
وليد : تعبان حدي تعبان أبي أنام وتمدد على
السرير بثوبه وشماغه وغطى عيونه بيده
******************
منال : ايش بتنام كذا بثيابك
******************
وليد : ما رد عليها ما هو قادر يتكلم
*****************
منال :عرفت انه مره واصل حده أخذت هي
شماغه وعلقته وجابت له بجامه وقالت قوم
يا بيبي البس هذا عشان تنام على راحتك
*********************
وليد : قام وغير ملابسه ورجع تمدد على
السرير وحط المخده على وجهه
********************
منال : خلاص أنا بروح وأخليك تنام وخرجت
من الغرفه وسكرت الباب
******************
وليد : أول ما راحت منال صار يبكي ما كان
يبيها تشوفه وهو يبكي سارا كانت صعبانه
عليه وحاس انه مقصر في حقها ومنال مو
عارف كيف يخليها تعرف أنها كل شيء بحياته
****************
منال نزلت عند أمها في الغرفة
منال : كنتي عارفه كل هالمده وما قلتي لي صح
***************
أم منال : وش أقولك أقول زوجك بيعرس عليك
ليش هي بشارة ما يطاوعني قلبي واصلا أنتي
كنتي عارفه انه بيعرس وراضيه صح أولا
إحنا فكيناك من العذاب
****************
منال : بس حطيتوني على الأمر
الواقع و فاجئتوني
*****************
أم منال : يا بنتي إلي سواه زوجك محد
يسويه سوى عزومت العنود بيوم عرسه
ما في رجال يسوي كذا كان قال خلاص
هي راضيه وكيفها انبسط أنا وما علي منها
بس خاف على زعلك وما بغاك تتعذبين
صحيح صعب عليك بس خلاص إلي صار
صار حافظي على زوجك لايطفش منك
وتعضين أصابعك ندم والله لو تلفين العالم
ما تلاقين زيه حاولي يا بنتي تصبرين
وتفكرين بعقل ترى إلي تسوينه ما راح
ينفعك هذا بدال ما تتشكرين منه أمس
شفتي كيف الحفلة كانت كأنها عرس
والله بيض الله وجه لو أبوك الله يرحمه
عايش ما سوى كذا وراحت وخلتها
****************
منال : والله صحيح كلامك يمه وليد ما
في زيه
******************
يوم الاثنين
وليد : كلم سارا وهو في الجامعة الو هلا سارا
*******************
سارا : هلا وليد كيفك
***************
وليد : بخير الله يسلمك أنتي الساعة 4 العصر
تطلعين من الدوام صح
************
سارا : ايوا صح
******************
وليد : خلاص اجل روحي البيت وشوفي اهلك
و عبودي وبوسي لي إياه وأنا بعد المغرب
بجي أخذك ونطلع نتمشى ونتعشى ونغير جو
وشرايك
********************
سارا : بفرح والله يا ليت خلاص انتظرك
********************
وليد : خلاص اتفقنا يا الله السلام عليكم
******************
في البيت جاء وليد وقعد مع منال وأهله لحد
ما أذن المغرب راح وغير ملابسه
**************
دخلت عليه منال وقالت أنت بتروح
************
وليد : ايوا بروح أصلي
***************
منال : وبعدين تروح عندها
***************
وليد : أيوا اليوم يومها تبين اوديك عند
العنود
****************
منال : لا اليوم خواتك بيجون والعنود
هي بتجي
****************
وليد : طيب كويس تسلي معهم لحد
ماجي بكره وأسليك أنا وسلم على رأسها
يا الله السلام عليك
****************
منال : طيب اسمع وشفيك مستعجل كذا
****************
وليد : بروح المسجد أخاف تفوتني الصلاة
**************
منال : طيب لا تتأخر علي تكفى
***************
وليد : مراح أتأخر الصباح بروح الجامعة
وهي بتروح الدوام بس بخلص بجيك على
طول
*****************
منال : اصبر طيب بتشتاق لي ولا لا
*******************
وليد : أنا اشتاق لك وأنا معاك كيف
وأنا بعيد عنك يا الله عاد خليني
أروح
****************
منال : روح يا نظر عيني تروح وترجع
لي بسلامه
********************
وليد : ههههههههه إلي يسمعك يقول بسافر
يا الله باي وراح وسكر الباب
********************
منال : يا ليتني اقدر أروح معك
******************
سارا كانت لابسه و مستعدة
وليد : الو هلا سارا يا الله انزلي أنا عند
الباب
******************
نزلت سارا كانت لابسه عبايه واسعة
على الراس وقفازات إلي تنلبس في اليد
وشربات ونقاب ومو مبين منها شيء
*************
وليد : مره عجبه لبسها وحشمتها
****************
سارا : السلام عليكم عسى ما تأخرت
عليك
****************
وليد : وين ودك نروح
*****************
سارا : إلي تبي أنا والله من زمان ما تمشيت
ما اذكر متى حتى أخر مره فأي مكان حلو
******************
وليد : طيب بس قبل لا نروح أبي نروح
محل ودي اشتري هدايا لخوانك
كنت بشتري لهم بس ما عرفت وش
يحبون قلت أنتي اختاري لهم أحسن
*****************
سارا : تسلم ما يحتاج لا تكلف على نفسك
****************
وليد : لا تقولين كذا يا الله بس نروح
*********************
و أخذها محل كبير وخلاها تختار لهم كلهم
و في الوقت إلي كانت هي تختار لهم
اخذ هو ساعتين من غير ما تشوفه وقال
لرجال يحط كل وحده بكيس
*******************
وليد : ها وش اخترتي
******************
سارا : ما عرفت وش اخذ الأسعار هنا نار
*****************
وليد : وأنتي وش عليك من الأسعار أنا
إلي بدفع اختاري لهم إلي يعجبهم وما عليك
من الأسعار
*******************
سارا : طيب
*****************
بعد ما خلصوا راحوا البحر
وأعطاها الساعة
وليد : هذي لك ما اخترتي شيء قلت
أنا اختار لك بس يا رب ذوقي يعجبك
**************
سارا : لي أنا أكيد تعجبني تعرف إن
هذي أول مره احد يعطيني هديه
**************
وليد : معقولة كل عمرك
*****************
سارا : معقولة اسمع عنها الهدية وما قد
شفتها ما تتخيل كيف فرحتي فيها
الله يعطيك العافية
*****************
وتمشوا فيه وهم يسولفون كان
يكلمها عن الجامعة وهي تكلمه عن
شقلها وأخذتهم السوالف ومشوا مسافة
******************
وليد : أحس إني جوعان أنتي ما جعتي
****************
سارا : إلا جعت مره بعد
*********************
وليد : يا اااه السيارة بعيده مشينا مسافة طويلة
الله يعين يبغالنا نرجع كل هالمسافه
ليتها هي تجي عندنا خخخخخ
***************
سارا : بس والله وناسه مره أنا مبسوطة
*****************
وليد : يا رب دوم
******************
سارا : أقولك شيء وما تزعل
*****************
وليد : قولي مراح ازعل
**************
سارا :قبل الزواج كنت خايفه مره منك
خفت تكون قاسي أو تحرمني من
أهلي قلت هذا متزوج وأمك قالت لي
انك تحب زوجتك كثير قلت أكيد
مراح يهتم فيني والله كنت ادعي انك
تطلع تخاف الله فيني وما تعاملني معامله
قاسيه والحمد الله ربي استجاب لدعاي
لكن طلعت ما شاء الله عليك مره طيب
وحنون وقلبك كبير
**************
وليد : حزن عليها وقال الله يقدرني
وأسعدك
*****************
وراحوا المطعم راحوا المطعم الصيني
أول ما جابوا لهم الأكل وسمعت صوت
الصحن يقول تششششش
****************
سارا : ههههه ليش الصحن يقول كذا
**************
وليد : هههههه عشان الصحن حار كان
في الفرن إذا حطهعليه الأكل يقول كذا
بس ذوقيه رهيب
أنا دايما أحب أكل منه دايما أجي أنا و
كان بيقول أنا و منال نسى نفسه لكنه
أنا وأهلي
***************
سارا : ايوا أنا ذقته في الدوام جابوا البنات
بس بدون هذا الصحن
**************
وليد : تتوقعين عبودي نايم إذا رجعنا
أو يكون صاحي
*****************
سارا : شافت الساعة لا الحين أكيد نام
يا فديته
****************
وليد : خسارا كان ودي أشوفه
*****************
سارا : إن شاء الله بتشوفه أنا عندي
صورته في الجوال بوريك
هذا هو
****************
وليد : يا حليله ما شاء الله عليه
يهبل
*****************
سارا : أخذت الجوال وباسته يا حبي له
هالولد أموت فيه روحي والله فيه
*******************
وليد : الله يخليكم لبعض
*****************
وبعد ما تعشوا رجعوا البيت وبكذا يكون انتهى هذا البارت
أتمنى يكون نال على إعجابكم وردودكم تسعدني

بهالباااارت قههههرتني منووول
گل ششي تبي تععرفهـ
وكسر ت خااطري ساارووون
لما قاالت هذي اول هدديهـ

ما عنديي توقععات بسس
لييه يققعد مع منوول ثلااث ايام
ومع ساارون يوووم

يالله يامهوره من حلات البارت ماحسيت بنفسي الا في نهايته منال الله يكون في عونها من كثر الاندماج شبت في قلبي حريقه الله الله لا يحطنا فها الموقف ووليد ما قصر لحد الحين ومدامه اعجب في حشمتها وعطف على ضروفها اتوقع بعدين يحبها ووووويييياحر قلبي عليك يا منوله