الماهرات :

شكرا لكل الي نورو موضوعي بردودهم الحلوه الحين بحط لكم البارت الجديد اتمنى ينال على اعجابكم الثامن عشر ************ **************** وليد : السلام عليكم **************** أم وليد : وعليكم السلام وينك اليوم تاخرت *************** وليد : والله عزمني خويي وحلف علي اتغداء عنده ماقدرت اقوله شيء وش اخبار منال اليوم *************** أم وليد : ياعمري عليها والله تكسرالخاطر العشاء الي امس طلعته لها الشغاله اليوم نزلته زي ماهو صارلها يومين ماطلعت من غرفتها والله ماشفنها حرام عليك ياولدي ترى هي فيها الي مكفيها انا اعرفك اذا صرت معصب ماتدري وش تسوي اكيد انك بهذلتها ***************** وليد : يابعد عمري عليها والله إني جرحتها وقهرتها بعد بس وش اسوي نرفزتني بتصرفها والله اذا عصبت ماحس بنفسي صحيح الغضب من الشيطان اعوذ بالله منه عن اذنك يمه بروح اشوفها ******************* وطلع وليد الغرفه فتح الباب لقاها نايمه جلس يشوفها وكان واضح عليها انها تعبانه وانها مانامت طول الليل لانها ماحست فيه يوم دخل راح غير ملابسه وجاء عندها لقى دفتر وقلم وفيه كتابات وشخبطات كان واضح انها كانت تكتب قبل تنام اخذ الدفتر وقراء الي كتبته ليه انت علي قاسي !! كفايه تشعل النيران بقلبي وتجرح احساسي حسبتك اعز انسان هديتك اعذب الالحان تحابينا تسامرنا تزاعلنا وتراضينا الا هالمره تراك غلطان طعنت القلب وخليته يعاني نزف والم وحرمان وذوقته العذاب الوان ******************* ورسمت رسوم كثيره قلب مجروح وعين تدمع ( ياليت قلبي شفاف والي فيه ينشاف عشان تعرف كيف احبك) ****************** احبك لو علي تقسى والقلب يهوى وقلبي لهواك مرسى ************** ******************* سكر الدفتر وجلس عندها ابعد شعرها عن وجهها وجلس يشوفها كانت نايمه موحاسه فيه ابد قال : احبك حب لوعرفه الحب كان تمنى هو يكون حبيبي غطاها ونزل تحت أم وليد : وليد انا وخالتك بنروح السوق مع السواق ترى يمكن نتاخر شوي تبي شي قبل نروح ******************* وليد : لايمه ابي سلامتك **************** وجلس وليد يشوف التلفزيون بعد نص ساعه قامت منال شافت الدفتر على الكمدينه وعرفت إن وليد جاء قامت واخذت شور وغيرت ملابسها وتعطرت ومشطت شعرها وحاسه انها مره تعبانه لانها ما أكلت شيء ومن السهر والارهاق يا دوب قادره تمشي نزلت الدرج وتشوفه جالس على الكنب يقلب بالرموت كنترول نزلت وتحس الدنيا تدور فيها وقفت مكانها موقادره تتحرك ***************** وليد : التفت عليها وعرف انها تعبانه جاء عندها هلا والله تعالي وكان بيمسك يدها عشان تمشي بس هي قعدت على الدرج منال : موقادره امشي تعبانه *************** وليد : يابعد عمري سلامتك تعالي وشالها وجاء بيحطها على كنب الي في الصاله ************** منال : يوه وليد لا نزلني لاتجي خالتي ******************* وليد : نزلها على الكنب وقال لاتخافين امي وخالتي موفي البيت راحوا السوق ليه يابوي تسوين كذا في نفسك ****************** منال : وش سويت عشان تعبانه يعني الواحد مايتعب ******************* وليد : لامو كذا لانك ماتكلين مسويه اضراب ***************** منال : لا من قالك ما أكل الا اكلت بس راسي يعورني شوي **************** وليد : تحسبين يعني عشان إني هناك مدري عن اخبارك انا مكلمهم من هناك وسالت عنك وانا الي قلت لهم يطلعون لك الاكل وادري بعد انك ما أكلتي منه شيء ****************** منال : يعني مسوي يهمك امري ******************* وليد : وليه ما يهمني انا صحيح يمكن زودتها شوي بس جد عصبتيني ******************* منال : حطت راسها على الكنب ما اقدر اتكلم ******************* وليد : اكيد من الجوع بروح اخليهم يجيبون لك اكل ******************* منال : لالا ما أبي مالي نفس ************** وليد : كيف يعني بتموتين كذا تتعبين زياده ************** منال : ياليتني اموت عشان ترتاح من همي انت بس صعبانه انا عليك وش الفايده مني ولاشيء منكده عليك ومطفشتك ومقدر اجيب لك عيال ولامني أي فايده احس إني حمل ثقيل عليك انت الحين صار لك حيات جديده وزوجه تقدر تجيب لك ****************** وليد : حط يده على فمها اششششش وش شتقولين انتي انتي حب عمري ماعرفت الحب الامعاك ولادق قلبي لغيرك انتي وناستي وهناي انتي فرحتي بدونك انا زي السمك من غير ماي لاتقولين كذا مره ثانيه إنتي هم الهم مايجيني الابدونك إن صار فيك شيءاموت انا قبلك ياعسى عيني ماتبكيك ياعسى يومي قبل يومك قولي امين ************** منال : لا بسم الله عليك بعد الشر ************* وليد : وقف ويسوي نفسه معصب يالله عاد بروح اخليهم يحطون لك الاكل ترى إن ما أكلتي ياويلك مني تسمعين ولاما تسمعين لاتخليني اعصب ***************** منال : ببتسامه اسمع لاتكفى لاتعصب *************** راح وجاب لها الاكل وقال يالله كوليه كله ما أبي اشوف شيء في الصحن ***************** منال :يعني تقلدني يوم كنت ما تأكل وقلت لك كذا صح ****************** وليد : ايوا صحيح بس يالله بسرعه لاتكثرين كلام ترى ببتدي احسب لك من الواحد للعشره ***************** منال : طيب خلاص باكل وصارت تاكل ***************** وهو يسولف معها ردت روح منال فيها بعد ما أكلت وبعد الي قاله لها وهو كان مره مبسوط وهو يشوفها تمزح وتسولف معه عادي زي من اول ********************* وليد : تعرفين افكر اشتري مزرعه من زمان ودي فيها بس مالقيت على مزاجي لكن من كم يوم عرض علي واحد مزرعه بسعر مره حلو لانه بيسافر برى وبس يبي يبيعها فقلت له بشوفها اذا عجبتني بشتريها ****************** منال : ووووو ياليت انا من زمان ودي كنت اقول للوالد الله يرحمه اشتر لنا مزرعه يقول لا اشتري في بلد موبلدي يوم كنا هناك واقوله وشفيها كل العالم يسون كذا يقول اذا رحنا السعوديه نشتري الله يرحمه بس كنا دايما نأجر هناك وكنت مره انبسط خيل وسباحه وحركات يازينها من ايام ******************** وليد : صحيح تعرفين تركبين خيل صدق ولابس كلام ****************** منال : لا والله اعرف كنت اتنافس انا والعنود ودايما اغلبها ****************** وليد : بس انا ماتقدرين تغلبيني ******************* منال : الا اقدر جرب وشوف ******************** وليد : تدرين إني كنت هناك اطلع الاول في سباق الخيل ******************** منال : تكفى وليد اشتريها والله اموت انا في المزرعه ******************** وليد : وانا اموت فيك حاضر ولايهمك بروح اشوفها اذا زينه بشتريها ووريني كيف تغلبيني ******************* في اليوم الثاني راح وليد مع الرجال يشوف المزرعه وتفرج عليها كانت رووعه ومكلف عليها ديكوراتها مره حلوه وفيها بركه كبيره واسطبل وفيها ثلاث خيول ومزروعه بالكامل وماتحتاج لتعديلات فتفق مع صاحبها وشراها ************* وليد : يمه باركي لي شريت مزرعه *************** أم وليد : ماشاء الله مبروك ياولدي ************** منال : الله يبارك فيك يمه الاسبوع الجاي وشرايكم نطلع كلنا احنا وخواتي وعيالهم والعنود نروح لها عشان تشوفنها ********************** أم وليد : خلاص والله ياليت بقولهم من الحين عشان يجهزون حالهم بيفرحون كثير الله يعطيك العافيه ياولدي ******************** وفي يوم اخذ وليد ابو سارا لدكتور الي ذكروه له وسوى له الفحوصات الازمه والأشعه وقرر انه يسوي له عملية في الظهر نسبة نجاحها كبيره مره ******************** وحجز ت سارا عند المشغل الي قالها عليه وليد وراحت عندهم في اليوم الي حددوه لها وبكذا انتهى البارت اليوم اتمنى يكون اعجبكم وردودكم تسعدني 00000الماهرات

شكرا لكل الي نورو موضوعي بردودهم الحلوه الحين بحط لكم البارت الجديد اتمنى ينال على اعجابكم ...

دنيآ الاملْ~ :

ي مهوووووووووووووووووووووووووورررة يااا ام الابداااااع راح تدوووخخييننناا ابداااااااااااااااااااااااااااااااااعع واتوقع ماا راح يستانسونن بالمزرعه وساارا تطلع ملكة جمال وابو ساره اممم ما ادريي تتسلممممممممميين يالغااللليهه ابدااع يوم الثلاثاء الجاي راح انقطع عن المنتدى وراح اشتاق لك وللقصتك يا مهورة جننتيينا بقصصك الروووعه :)

ي مهوووووووووووووووووووووووووورررة يااا ام الابداااااع راح تدوووخخييننناا ...