كل ماتنخطب بنت تجيني غصه

السلام عليكم ..

والله ماعرف من وين ابدا ، انا قبل هالمره كتبت موضوع وقلت انه تفكيري بس بالزواج ، واغلبكم قالولي اني صغيره ، بس وش اسوي اذا المجتمع اللي حولـي كذا ، ماشااءالله البنت تخلص ثنوي على طول تتزوج ..
 وانا يابنات تعبت من نظرات امي ، تحسسني اني وصلت سن مستحيل اتزوج فيه مع اني 18 سنه ، والحين تبيني احظر معها زواجات ، هي ماقالت لي عشان تنخطبي بس انا فههمتها ، يعني تخيلو اذا كنت جالسه مع قريباتي طبعا اغلبهم مخطوبات ، اذا جابو سيره فلانه انخطبت يطالعون فيني يشوفون شعوري ، كرهت طاري الخطوبه وطاري الزواج لانه مو كل شي بالدنيا ، صارو اذا جابو هالسيره اسولف مع بنات المتوسط لين يقفلو الموضوع .. انا الحمدلله مو ناقصني شي بس فيه اللي احلا مني لو جينا للصراحه عشان كذا ينخطبو ، لدرجه صرت والله اعرف اني بعد فتره بسمع خطبه فلانه .. 

يمكن اغلبكم يقول لاتتاثري وانتي لساتك صغيره وكذا ، بقولكم ماقدر م اتاثر خصوصا اللي حولي كلهم متزوجات ومخطوبات ومرتاحين الله يسعدهم ، يعني مااقدر م اتاثر ، مع اني راضيه بنصيبي بس ودي امي تفرح وتريحني من نغزاتها هي ماتقصد بس اتاثر وربي اذا سالتني فلانه اللي انخطبت سنه كم او فلانه اللي تزوجت من اكبر انتي ولا هي ، يعني احسها شايله همهي من الحين ، 
بنات بليز والله دموعي بعيني اللي ماعندها كلمه طيبه تسكت افضل .. 

ومعليش ع الاطاله 🌹