حبيبتي سالي راح أقولج على موقف صار معاي في نفس اليوم اللي ولدت فيه ..

انا قبل الولاده بيوم كان عندي موعد والدكتوره عملت لي تحفيز لعنق الرحم علشان أولد لأن عندي سكر حمل وآخذ نسولين والبيبي كبير فلازم ما أظل أكثر من جذيه وكان باقي اسبوع على موعد الولاده
وثاني يوم صحيت وانا خايفه وأرجف وأعرق مع انه عندي ما شاء الله عيال من قبل وكنت جدا خايفه وما فيه على لساني الا اني ما بقدر اولد طبيعي والبيبي كيف بطله وانا ما أقدر أتحمل الألم وراح آخذ أبرة الظهر وراح أطلب قيصريه ووو يعني أفكار سوداويه توديني واتجيبني وبعدين تعوذت من ابليس وليش انا جذيه مع اني ولله الحمد من النوع الصبور لأبعد حد... وبعدين قمت وجبت السبحه وظليت طول اليوم وانا استغفر ولما تجيني الطلقه اظل استغفر وما فكيت السبحه من ايدي الا وقت الولاده والحمدلله اتسهلت ولادتي واموري تيسرت ولأول مره ما احتاج لطلق صناعي.. لأني كنت آخذه في كل ولادتي..
فعليكي بالإستغفار وقراءة الأدعيه وآيات الشفاء..

والله يسهل على كل حامل ان شاء الله..

مشاء الله عليك راسووو والف مبروك مجاكي وعقبال متكون ولادتنا مثلك

والله اني اصبر نفسي واقول اني متفائلة وان شاء الله بتكون الولادة سهلة بس بعد ارجع وارتجف كل متذكرت غرفة الولادة رغم ان الغرفة حقت الولادة شي مرتب والممرضات ممتازات وطيوبات لا وحطين موسيقى slow عشان تهدي الاعصاب بس مايمنع الخوف والله يهون طلقنا يارب