اللى تبى افكار حق الصالون
حطى فيه معروضات(شغلات نسائيه اكسسوارات تنفع للمناسبات ولوتوفرين هداياحق العرايس اكسسوارات للبنات الصغار عطور يعنى شغلات الحريم)
حطى رسوم على الاظافر
كافى وحطى نت
ترى كل هذا يعتمد على نوعية زباينج
انا عندي افكار حلوه واحب اني اصمم ملابس تصاميم خاصه يعني واعرضها بس ماني عارفه كيف ابدى مشروعي
وش رايكم ؟
استأجر لي محل خياطه في مشغل راقي
او ممكن تعطوني افكاركم وتدلوني على اماكن
انا من الشرقيه
نصيحتي لك ابدئي من المنزل خذي غرفه في صممي واعرضي على المحلات
والمشاغل ولو مشا الحال معك استاجر في المشا غل افتحي محل خاص لك
...........................
الي تبغى مشغلها ينجح
السر
انها هي تدرب نفسها وتظل تتدرب
كده الزباين يرتاحو ولا تفقديهم بسفر عامله او تغيرها
لانك الاصل انتو تدربو
وكل ماجاتكم عامله دربوها
رغم اني ما انصحكم
انتي تتعبي فيها يجي غيرك يخربها
لوزاد راتبها200 تركتك لو كنت مولعه لها صوبعك شمع
خلي الخيوط فايدك وحركيهم حسب خبرتك
واكسبي ثقه الزباين لانهم بيجو لك
وعارفين انك مهما تغبرو العاملات انتي الاصل
ارجو اكون افدتكم
( في حكمه فرنسيه
بمعنى لاتفكر بطرقه لو ....
لكن فكر بطريقه كيف....)
.......................
بعد تخرجي من كلية الأقتصاد المنزلي –قسم تفصيل وخياطة ماتعبت نفسي بالبحث عن وظيفة لأني ما راح أحصل شي ؟؟؟؟؟؟
فكرت أفتح مشغل صغير على قد ميزانيتنا وأول خطوة استخرجت سجل تجاري ( باسم تجاري ) وبعدين بديكور المشغل وبعد ما أنتهينا راح زوجي يراجع البلدية عشان الرخصة وهنا بدت المشكلة مع شروط البلدية وشرطهم أنه يكون مشغل خياطة فقط يعني الكوافير ممنوع بالمشاغل والمشكلة أني ما أقدر أغير الديكور حتى ولو شلت كراسي التجميل لأنها مكشوفة, قلت يالله نفتح المشغل وتعبت من كثر ماأدور عن عاملات والحمد لله فتحنا المشغل وكانت بدايته معقولة نوعاً ما.
وبعد سنه غيرت ديكور المشغل>>>> وتغيير الديكور كله لعيون البلدية . ( يا الله خسارة عشان الرخصة )
وحسبت دخل المشغل أول سنه لقيت الخياطة ما توفي معي خلني على الكوافير وبعدها فكرت أني أستقدم عاملات لقيت الشغلة مطولة ......... قلت أنقل كفالة أفضل, صح مكلفه بس أضمن أجربهم فترة طويلة وإلي تعجبني أنقل كفالتها .
وبعد أربع سنوات لا حضت أن طموحي ماوقف عند كذا وفكرت أفتح فرع ثاني في منطقة راقية ومساحة كبيرة بحكم المعناه في المشغل الأول
( وقولوا ما شاء الله تبارك الله )
وأخذ زوجي قرض من البنك وبدينا نبحث عن موقع مناسب والحمد الله وفقني الله بالموقع المناسب وكان أول تفكيري تجهيز الديكور إلي يليق بمقام شروط البلدية وبعد الرخصة عملت الديكور إلى في بالي ونفس المشكلة الأولى دوري على كوافيرات مناسبات للموقع لازم تكون رواتبك عالية حتى يعملوا عندك والحمد لله وفقاً الله .
بداية عمل المشغل الثاني كانت غير متوقعه بالنسبه لي ماديا لأن مصاريفه الشهرية عالية لكثرة العاملات والإيجار والأدوات , فأضطريت أدبر مبلغ أضافي صرفته في أعمال الدعاية والأعلان ( ديون في ديون والله يفرجه وأبي دعواتكم معي ) وبعده الحمد الله بدا يتحرك بشكل حلو .
نصائح للاستفادة
1- إذا تبي الله يبارك لك في رزقك أبعدي عن الأشياء المحرمة مثل ( النمص والحمام المغربي والمساج ) .
2-لا تقطعي رزق صاحبات المشاغل بإغراء الكوافيرات برواتب مغريه ( لأنه قطع الأعناق ولا قطع الأرزاق )
3- تجنبي وضع الصور الكبيرة على الحائط .
4- نجاح المشغل بنجاح أختيارك للإدارية .
5- أهم شي وسعي صدرك من ناحية مشاكل العاملات لأنها ماراح تنتهي .
6- لا تبخلي على المشغل بالأدوات الراقية .
7-أهتمي بنظافة وتعطير المشغل .
8- ( خبي قرشك الأبيض ليومك الأسود ) استفيدي من المواسم وخبي لك قرشين لأيام الركود صدقيني راح تحتاجينها .
ما انصحك تاخذين قرض لان المشغل يشتغل بعد سنه من افتتاحه يا دوب تكونين لك زباين
اذا عندك احد من الاهل يسلفك المبلغ افضل لك عشان بيصبر عليك موزي البنوك
....................
المشغل عوامل نجاحه ثلاثه : 1- العماله الممتازه
2- الموقع الجيد
3- الصبر
يعني مارح تنجحين من اول سنه اصبري شوي
..............................
وكمان انصح اي وحده تتعلم شغل مشغلها عشان ما تتحكم فيك العامله زوديني او بسافر وكل المشاغل الي اعرفها وناجحه صاحبت المحل هي الي تشتغل فيها وعارفه شغلها زين
................................
والمجال ايلي تعبني من جد الخياطه استخرجت فيز وما حصلت استقدام عليهم
ولما حاولت استقدم بدون مكتب اسمعوا الشروط ايلي تنطلب الخياطه تبغى منك تجيب كل عايلتها وتتحملي مصاريفهم
بطلنا فكرة استقدام وقلنا نشوف من الداخل احسن طبعا في البدايه جتني كم وحده بس مافيه التزام والخياطه في عدم
صبرنا وقلت خلاص احاول مع السعوديات المبتدأت بصراحه وجتني وحده وهي دارسه وتصمم بس ينقصها الخبره بس فجأه تتصل علي وتقولي مع السلامه اخوي مو راضي اكمل
قلتلها يابنت وشغل الناس قالت تصرفي وارسليلي الراتب !!!!
وحصلتلي بهذله مايعلم فيها الا ربنا
وبعد فتره رزقني الله بوحده دارسه وسعوديه بس والله خياطتها حلوووووووه وكانت اخلاق مرررررره ارتحت معها مرررررررره وكانت تاخذ بالنسبه وسوت سمعه حلوه بس وجلست معي سنه بس جاتها وظيفة تدريس واعتذرت مني
بعدها جتني خياطه بس من المقيمين خياطتها جنان ومشت معي زي الحلاوه بس لما جا وقت الصيف الأخت بدأت تتأخر والشغل تقصه وماتخيطه رغم انها سريعه في الأخير بدأت ترجع الزبائن الى ان اكتشفت انها ماسكه اكثر من مشغل وتحول الزباين لبيتها !!!
قلت لها اختي مع السلامه
رجعت ادور استقدام من جديد ومالقيت كل المكاتب مانستقدم خياطات روحي احسن بنفسك هذي اجابتهم !!
طبعا لا تفهموا ان هذا تحطيم مني بالعكس الخير موجود والطيبات موجودات فكل مكان بس علينا بالصبر والأستعانه بالله انا اعتبر اني كل هالمده اخذ تجارب ودروس لأني انا مالي معين الى الله لا اخوان لا اقارب اعتمد على نفسي بكل شي
اكبر مشكله تواجه اي وحده مبتدأه بمشروع جديد لما مايكون عندها اي معلومات في مجال التجاره والله ينضحك عليها كثير اذا مافيه احد تقدر تساله وتستشيره وتثق فيه الى ان تفهم الأشياء كيف ماشيه حواليها وان مافيه عقود عمل رسميه الزاميه بين الطرفين
...............................
اولا لازم كل بنت منكم... تحط في بالها خطة عمل تحددها لنفسها... والي تبي تضمن النجاح... تتخصص في مجال واحد فقط.. خصوصا في البداية.. ولاتغركم ارباح غيركم.. يعني مب عشان موسم اعراس او اعياد تركضون عشان تفتحون كوافير وانتوا عندكم مشغل خياطة... لا ركزوا في الخياطة.. وان شالله بتضاعفون الربح ... بدل ما يتشتت جهدكم بين المكياج والكوافير والخياطة..وتطلعون من المولد بلا حمص.. ولا حتى فول
في اول مشروعج لازم تحددين نشاطج.. و تركزين على فئة معينة يعني اطفال ... كبار ... بنات جامعه ... طالبات مدارس ...وغيرهم.. هذا بيساعدج انج تتميزين..
يعني مثلا.. لو عندج مشغل للخياطة... حطي في بالج مجال معين مثلا ملابس الولادة للام والبيبي...
ممكن تسوين أطقم كاملة... او بس قمصان نوم لاستقبال الضيوف.. او قمصان نوم للبيت وتكون مميزة ماتتعب الام في الرضاعه... وانصحج تروحين المحلات الكبيرة وتشوفين الجديد عندهم وتحاولين تسوين شي قريب منه..
يعني اختي لما ولدت..عملت قميص نوم لولادتها يجنن وموديله رااااقي... المرة الي خذته من عندها قالت انه تقليد لقميص نوم في محل وايد راقي عندنا ... وكان بنص السعر او يمكن اقل..
وانا شخصيا افضل ان الوحدة تحط خيارات جدام الزبونة.. يعني في زباين عندهم خير ومستعدين يدفعون اي مبلغ... لازم تلقى الشي اللي يعجبها عندج... مثل ما الزبونة المتوسطة الحال تحصل طلبها... والي على قد حالها... بس لازم تفرقين في النوعية يعني ماتحطين الاسعار عشوائي.. ولا القميص يكون واحد وباسعار مختلفة حسب شكل كل زبونة لا... هذا غش و خداع..واتقوا الله في هالنقطة بالذات..
بس تقدرين تستخدمين اقمشة غالية للي تقدر تدفع.. واقمشة رخيصة للي ماعندها..
طبعا بعد ما ينجح مشروعج.. وتكون الخياطة تمكنت من شغلتها.. تقدرين تتوسعين.. وتكبرين نشاطج.. بس اهم شي يا بنات التركيزززززززززز..
وفكري في كل مرحلة في وقتها... وتاخذج الاحلام بعيد.. لانها ممكن تخرب واقعج ومستقبلج
في نفس الوقت حطي لنفسج خطة عمل عامة... يعني بحلول الاربع سنوات بفتح فرع ثاني.. او بكبر نشاطي... وانتي حسب امكانياتج حطي اهداف قريبة ممكن تحقيقها..
وتقدرين بعد تاخذين ورقة وقلم.. وتقولين عقب عشرين سنة بتكون عندي امبراطورية ازياء... وماركة خاصة فيني <<<< يحق لج تشطحين قد ماتبين ... لانه حلم عام وبعيد ... واذا اتبعتي شروط النجاح ان شالله بتوصلين.. بس تحري الرزق الحلال.. عشان الله يوفقج..
الطرق الغربية المعروفة للتسويق ما تناسبنا... او خلنا نقول اغلبها ما يناسبنا... مثل وجود مندوبة تعرف الناس عن المنتجات... الاجانب عادي عندهم بيطقون باب كل بيت ويدرعمون ... بس احنا طبعا مستحيل..
وبعد كل وحدة تحس ان السوق فيه نقص معين ياليت تذكره..
مثلا ما عدنا نلاقي ملابس محتشمة تناسب مجتمعنا ..كل الموجود لبس غربي جاهز...وموديلات بايخة... مب على ذوقنا.. فممكن صاحبات المشاغل يوفرون هالنوعية من الملابس.. او يجهزون موديلات تتفصل حسب الطلب.. بس تكون جاهزة... وبعيدة عن التقليد.. يعني مب ياخذون من المسلسلات ويقلدونهم و يعرضونهم... لانبي شي جديد..
او حتى توفر المقاسات اللي ماتكون متوفرة عادة في الاسواق... اعرف وحدة عندها مشغل في البيت ... اسعارها نااااااااااااار لكنها ناجحة لانها توفر الموديلات بكل السايزات... وخامتهم تكون حلوة وكشخة..
وحتى المكياج... احيانا المعازيم في الاعراس مايعرفون يحطون مكياج لكن لان الاسعار مبالغ فيها.. فما يتميكجون في الصالونات.. ممكن البنات يوفرون مكياج اسمه مكياج العزايم.. ويكون ارخص من الاعراس.. او مكياج عشا... او مكياج زيارة...
...................................
اللى تبى افكار حق الصالون
حطى فيه معروضات(شغلات نسائيه اكسسوارات تنفع للمناسبات ولوتوفرين هداياحق...
حطى فيه معروضات(شغلات نسائيه اكسسوارات تنفع للمناسبات ولوتوفرين هداياحق العرايس اكسسوارات للبنات الصغار عطور يعنى شغلات الحريم)
حطى رسوم على الاظافر
كافى وحطى نت
ترى كل هذا يعتمد على نوعية زباينج
انا عندي افكار حلوه واحب اني اصمم ملابس تصاميم خاصه يعني واعرضها بس ماني عارفه كيف ابدى مشروعي
وش رايكم ؟
استأجر لي محل خياطه في مشغل راقي
او ممكن تعطوني افكاركم وتدلوني على اماكن
انا من الشرقيه
نصيحتي لك ابدئي من المنزل خذي غرفه في صممي واعرضي على المحلات
والمشاغل ولو مشا الحال معك استاجر في المشا غل افتحي محل خاص لك
...........................
الي تبغى مشغلها ينجح
السر
انها هي تدرب نفسها وتظل تتدرب
كده الزباين يرتاحو ولا تفقديهم بسفر عامله او تغيرها
لانك الاصل انتو تدربو
وكل ماجاتكم عامله دربوها
رغم اني ما انصحكم
انتي تتعبي فيها يجي غيرك يخربها
لوزاد راتبها200 تركتك لو كنت مولعه لها صوبعك شمع
خلي الخيوط فايدك وحركيهم حسب خبرتك
واكسبي ثقه الزباين لانهم بيجو لك
وعارفين انك مهما تغبرو العاملات انتي الاصل
ارجو اكون افدتكم
( في حكمه فرنسيه
بمعنى لاتفكر بطرقه لو ....
لكن فكر بطريقه كيف....)
.......................
بعد تخرجي من كلية الأقتصاد المنزلي –قسم تفصيل وخياطة ماتعبت نفسي بالبحث عن وظيفة لأني ما راح أحصل شي ؟؟؟؟؟؟
فكرت أفتح مشغل صغير على قد ميزانيتنا وأول خطوة استخرجت سجل تجاري ( باسم تجاري ) وبعدين بديكور المشغل وبعد ما أنتهينا راح زوجي يراجع البلدية عشان الرخصة وهنا بدت المشكلة مع شروط البلدية وشرطهم أنه يكون مشغل خياطة فقط يعني الكوافير ممنوع بالمشاغل والمشكلة أني ما أقدر أغير الديكور حتى ولو شلت كراسي التجميل لأنها مكشوفة, قلت يالله نفتح المشغل وتعبت من كثر ماأدور عن عاملات والحمد لله فتحنا المشغل وكانت بدايته معقولة نوعاً ما.
وبعد سنه غيرت ديكور المشغل>>>> وتغيير الديكور كله لعيون البلدية . ( يا الله خسارة عشان الرخصة )
وحسبت دخل المشغل أول سنه لقيت الخياطة ما توفي معي خلني على الكوافير وبعدها فكرت أني أستقدم عاملات لقيت الشغلة مطولة ......... قلت أنقل كفالة أفضل, صح مكلفه بس أضمن أجربهم فترة طويلة وإلي تعجبني أنقل كفالتها .
وبعد أربع سنوات لا حضت أن طموحي ماوقف عند كذا وفكرت أفتح فرع ثاني في منطقة راقية ومساحة كبيرة بحكم المعناه في المشغل الأول
( وقولوا ما شاء الله تبارك الله )
وأخذ زوجي قرض من البنك وبدينا نبحث عن موقع مناسب والحمد الله وفقني الله بالموقع المناسب وكان أول تفكيري تجهيز الديكور إلي يليق بمقام شروط البلدية وبعد الرخصة عملت الديكور إلى في بالي ونفس المشكلة الأولى دوري على كوافيرات مناسبات للموقع لازم تكون رواتبك عالية حتى يعملوا عندك والحمد لله وفقاً الله .
بداية عمل المشغل الثاني كانت غير متوقعه بالنسبه لي ماديا لأن مصاريفه الشهرية عالية لكثرة العاملات والإيجار والأدوات , فأضطريت أدبر مبلغ أضافي صرفته في أعمال الدعاية والأعلان ( ديون في ديون والله يفرجه وأبي دعواتكم معي ) وبعده الحمد الله بدا يتحرك بشكل حلو .
نصائح للاستفادة
1- إذا تبي الله يبارك لك في رزقك أبعدي عن الأشياء المحرمة مثل ( النمص والحمام المغربي والمساج ) .
2-لا تقطعي رزق صاحبات المشاغل بإغراء الكوافيرات برواتب مغريه ( لأنه قطع الأعناق ولا قطع الأرزاق )
3- تجنبي وضع الصور الكبيرة على الحائط .
4- نجاح المشغل بنجاح أختيارك للإدارية .
5- أهم شي وسعي صدرك من ناحية مشاكل العاملات لأنها ماراح تنتهي .
6- لا تبخلي على المشغل بالأدوات الراقية .
7-أهتمي بنظافة وتعطير المشغل .
8- ( خبي قرشك الأبيض ليومك الأسود ) استفيدي من المواسم وخبي لك قرشين لأيام الركود صدقيني راح تحتاجينها .
ما انصحك تاخذين قرض لان المشغل يشتغل بعد سنه من افتتاحه يا دوب تكونين لك زباين
اذا عندك احد من الاهل يسلفك المبلغ افضل لك عشان بيصبر عليك موزي البنوك
....................
المشغل عوامل نجاحه ثلاثه : 1- العماله الممتازه
2- الموقع الجيد
3- الصبر
يعني مارح تنجحين من اول سنه اصبري شوي
..............................
وكمان انصح اي وحده تتعلم شغل مشغلها عشان ما تتحكم فيك العامله زوديني او بسافر وكل المشاغل الي اعرفها وناجحه صاحبت المحل هي الي تشتغل فيها وعارفه شغلها زين
................................
والمجال ايلي تعبني من جد الخياطه استخرجت فيز وما حصلت استقدام عليهم
ولما حاولت استقدم بدون مكتب اسمعوا الشروط ايلي تنطلب الخياطه تبغى منك تجيب كل عايلتها وتتحملي مصاريفهم
بطلنا فكرة استقدام وقلنا نشوف من الداخل احسن طبعا في البدايه جتني كم وحده بس مافيه التزام والخياطه في عدم
صبرنا وقلت خلاص احاول مع السعوديات المبتدأت بصراحه وجتني وحده وهي دارسه وتصمم بس ينقصها الخبره بس فجأه تتصل علي وتقولي مع السلامه اخوي مو راضي اكمل
قلتلها يابنت وشغل الناس قالت تصرفي وارسليلي الراتب !!!!
وحصلتلي بهذله مايعلم فيها الا ربنا
وبعد فتره رزقني الله بوحده دارسه وسعوديه بس والله خياطتها حلوووووووه وكانت اخلاق مرررررره ارتحت معها مرررررررره وكانت تاخذ بالنسبه وسوت سمعه حلوه بس وجلست معي سنه بس جاتها وظيفة تدريس واعتذرت مني
بعدها جتني خياطه بس من المقيمين خياطتها جنان ومشت معي زي الحلاوه بس لما جا وقت الصيف الأخت بدأت تتأخر والشغل تقصه وماتخيطه رغم انها سريعه في الأخير بدأت ترجع الزبائن الى ان اكتشفت انها ماسكه اكثر من مشغل وتحول الزباين لبيتها !!!
قلت لها اختي مع السلامه
رجعت ادور استقدام من جديد ومالقيت كل المكاتب مانستقدم خياطات روحي احسن بنفسك هذي اجابتهم !!
طبعا لا تفهموا ان هذا تحطيم مني بالعكس الخير موجود والطيبات موجودات فكل مكان بس علينا بالصبر والأستعانه بالله انا اعتبر اني كل هالمده اخذ تجارب ودروس لأني انا مالي معين الى الله لا اخوان لا اقارب اعتمد على نفسي بكل شي
اكبر مشكله تواجه اي وحده مبتدأه بمشروع جديد لما مايكون عندها اي معلومات في مجال التجاره والله ينضحك عليها كثير اذا مافيه احد تقدر تساله وتستشيره وتثق فيه الى ان تفهم الأشياء كيف ماشيه حواليها وان مافيه عقود عمل رسميه الزاميه بين الطرفين
...............................
اولا لازم كل بنت منكم... تحط في بالها خطة عمل تحددها لنفسها... والي تبي تضمن النجاح... تتخصص في مجال واحد فقط.. خصوصا في البداية.. ولاتغركم ارباح غيركم.. يعني مب عشان موسم اعراس او اعياد تركضون عشان تفتحون كوافير وانتوا عندكم مشغل خياطة... لا ركزوا في الخياطة.. وان شالله بتضاعفون الربح ... بدل ما يتشتت جهدكم بين المكياج والكوافير والخياطة..وتطلعون من المولد بلا حمص.. ولا حتى فول
في اول مشروعج لازم تحددين نشاطج.. و تركزين على فئة معينة يعني اطفال ... كبار ... بنات جامعه ... طالبات مدارس ...وغيرهم.. هذا بيساعدج انج تتميزين..
يعني مثلا.. لو عندج مشغل للخياطة... حطي في بالج مجال معين مثلا ملابس الولادة للام والبيبي...
ممكن تسوين أطقم كاملة... او بس قمصان نوم لاستقبال الضيوف.. او قمصان نوم للبيت وتكون مميزة ماتتعب الام في الرضاعه... وانصحج تروحين المحلات الكبيرة وتشوفين الجديد عندهم وتحاولين تسوين شي قريب منه..
يعني اختي لما ولدت..عملت قميص نوم لولادتها يجنن وموديله رااااقي... المرة الي خذته من عندها قالت انه تقليد لقميص نوم في محل وايد راقي عندنا ... وكان بنص السعر او يمكن اقل..
وانا شخصيا افضل ان الوحدة تحط خيارات جدام الزبونة.. يعني في زباين عندهم خير ومستعدين يدفعون اي مبلغ... لازم تلقى الشي اللي يعجبها عندج... مثل ما الزبونة المتوسطة الحال تحصل طلبها... والي على قد حالها... بس لازم تفرقين في النوعية يعني ماتحطين الاسعار عشوائي.. ولا القميص يكون واحد وباسعار مختلفة حسب شكل كل زبونة لا... هذا غش و خداع..واتقوا الله في هالنقطة بالذات..
بس تقدرين تستخدمين اقمشة غالية للي تقدر تدفع.. واقمشة رخيصة للي ماعندها..
طبعا بعد ما ينجح مشروعج.. وتكون الخياطة تمكنت من شغلتها.. تقدرين تتوسعين.. وتكبرين نشاطج.. بس اهم شي يا بنات التركيزززززززززز..
وفكري في كل مرحلة في وقتها... وتاخذج الاحلام بعيد.. لانها ممكن تخرب واقعج ومستقبلج
في نفس الوقت حطي لنفسج خطة عمل عامة... يعني بحلول الاربع سنوات بفتح فرع ثاني.. او بكبر نشاطي... وانتي حسب امكانياتج حطي اهداف قريبة ممكن تحقيقها..
وتقدرين بعد تاخذين ورقة وقلم.. وتقولين عقب عشرين سنة بتكون عندي امبراطورية ازياء... وماركة خاصة فيني <<<< يحق لج تشطحين قد ماتبين ... لانه حلم عام وبعيد ... واذا اتبعتي شروط النجاح ان شالله بتوصلين.. بس تحري الرزق الحلال.. عشان الله يوفقج..
الطرق الغربية المعروفة للتسويق ما تناسبنا... او خلنا نقول اغلبها ما يناسبنا... مثل وجود مندوبة تعرف الناس عن المنتجات... الاجانب عادي عندهم بيطقون باب كل بيت ويدرعمون ... بس احنا طبعا مستحيل..
وبعد كل وحدة تحس ان السوق فيه نقص معين ياليت تذكره..
مثلا ما عدنا نلاقي ملابس محتشمة تناسب مجتمعنا ..كل الموجود لبس غربي جاهز...وموديلات بايخة... مب على ذوقنا.. فممكن صاحبات المشاغل يوفرون هالنوعية من الملابس.. او يجهزون موديلات تتفصل حسب الطلب.. بس تكون جاهزة... وبعيدة عن التقليد.. يعني مب ياخذون من المسلسلات ويقلدونهم و يعرضونهم... لانبي شي جديد..
او حتى توفر المقاسات اللي ماتكون متوفرة عادة في الاسواق... اعرف وحدة عندها مشغل في البيت ... اسعارها نااااااااااااار لكنها ناجحة لانها توفر الموديلات بكل السايزات... وخامتهم تكون حلوة وكشخة..
وحتى المكياج... احيانا المعازيم في الاعراس مايعرفون يحطون مكياج لكن لان الاسعار مبالغ فيها.. فما يتميكجون في الصالونات.. ممكن البنات يوفرون مكياج اسمه مكياج العزايم.. ويكون ارخص من الاعراس.. او مكياج عشا... او مكياج زيارة...
...................................