كل ما يخص زينة المراة لزوجها..........(موضوع مفتوح)

ما كانش العشم برضو يابنات حواء

ما حدش بيرد عليه ليه؟؟؟

يالله مستنياكو يا حلوين

هلاااااااااااااا بالحلوين وأصحاب المواضيع الحلوة
والله انك صادقة ... محتاجين التجديد لذا الرجال
ولأنفسنا بعد (: مع التجديد تحسين بالسعادة يللااااا مين يبدأ

مرحبا خواتي.........
شورايكم ابتدي في الموضوع........ (على فكره موضوع وايد مهم)
الوحده في شكلها ولنفسها تحب اتغير فما بالكم للزوج.
ندش في الموضوع:
- بالنسبه للبس........ انا افضل الوحده تنوع في لبسها وما تتقيد في شئ واحد........ مثلا مره قميص نوم قطن ومره حرير وممكن وقت النهار البس جلابيه خفيفه وحلوه......... وبالليل انوع بين قمصان النوم والبجايم وغيرها......
- بالنسبه لمعطرات الجسم انا افضل الوحده تاخذ مجموعه متكامله مكونه من ( العطر - كريم للجسم - الشور جل ) من العطور المعروفه......... وشوفي الريحه كيف تثبت.
وطبعا ما تتقيدين بعطر تكررينه كل يوم بالعكس كل يوم لازم تكون ريحتك غير.......
- بالنسبه للمكياج ........ انا افضل الخفيف للبيت بس بشرط التنويع في الالوان. يعنى اليوم جلوس وردى مع كحل خفيف... ومره روج مشمشي فاتح مع ماسكرا........ وممكن تثقلين المكياج في المساء وانت وشطارتك..
والله يسعد المتزوجات...

باالبيت اغير مره شورتات ومره قمصان شانيل قصيره ومره تنانير قصيره ومره بناطلين على حسب ذوقي بهذاك اليوم اش بلبس
والماكياج احط الشدو نفس اللبس يعني الماكياج ناعم جدا بس لازم احط لمسه خفيفه من الشدو فوق العين نفس اللبس واحدد حواجبي واحط تحتهم لمعه ماتحت الحاجب والروج لازم فوقه جلوس

اما العطر استخدم عطر(التوت والفراوله عطر بريحتين ) عند نكتار

الكريم (كريم باالفراوله اخذته من عند ماكياجي)

وماخذه مجموعه شباشب اشكال والوان وفيهن البسهم في البيت


الشعر:
مره اسشوره واخليه قطعه وحده اذا لابسه شورت
ومره احط شباصه من ورا اذا كنت لابسه تنوره قصيره
اما اذا لابسه بنطلون اربطه واخلي خصلتين من الغره
واحيانا ابخ لمعه فوق الشعر
واحيانا الفلفه باالفير من الجذور للأطراف


الحلاوه باالشهر مره

واظافيري طويله لأن زوجي يحب شكل اليدين باالأظافر اطليهم باالمناكير الفرنسي أو أغطيهم بأبيض واهتم بأخذ حبوب كالسيوم علشان تصير اظافري قويه وشكلها حلو ولاتتكسر بسرعه

باالأضافه للأكل نوع من انواع تدليل الزوج
اتفنن بتقديم الأكل مره على الطراز الحديث ومره يكون شعبي مثل:مكرونه عاديه اكواع أو قرصان أوسليق
ومره على الطراز الحديث مثل:صينية خضار أو مكرونه باالبشاميل أوربيان مقلي مع الشوربه ....الخ من طبخات اخذها من المنتدى

ولاتنسون الأبتسامه الجميله

والسواليف الشيقه

والحمام يكون نظيف وريحته جذابه

والغرفه مرتبه وريحتها بخور أو شغلو الأبجوره الفواحه والغرفه تكون مظلمه

أثناء نوم زوجك اغلقي الهاتف سواء تليفون البيت أو الجوالات علشان يطول باالنوم وتصير اعصابه مرتاحه

طبعا للكشخه وقت النوم امسحي مسحه وحده من الشدو اللي بنفس لون القميص وخلاص يتغير الماكياج وزيدي الروج اشوي أو اختاري لون مناسب مع قميصك اما الكحل يصير حاطته من زمان

والعطر يصير اقوى من اللي حاطته طول يومك اللي هو باالتوت والفراوله اختاري عطر(اليزابيث آردن) رائع وهادي وجذاب للنوم ومريح لحاسة الشم

هياتم موضوع عسل
بس شسالفه انتوا عرايس(تو متزوجين ولا شنو)
يعنى المراة تحط مكياج عند زوجها طول حياتها؟واربعه وعشرين ساعه ولا حزة تحط ووقت ثانى لا؟
بس الموضوع شى وجميل جدا ونبى نسمع مشاركة الاخوات حتى نستفيد:24: