مشكورات يا حلوات وما قصرتو على مشاركتكن اللي بالفعل تعتبر بجد قيمة....

يعني معظمكن يتفق على إن الطريقة الغلط في الصبغ, وكثرة الصبغ هي السبب في دمار الشعر...

والقص ( وخاصة اللي يحشونه حش (فدوة عنونك قهرتيني) سبب في إن الشعر ما يطول بسرعه, وبعد شكله كلش ما يتحرك من مكانه).. الأوليين شيقولون, وخاصه إن هم كانوا يعتبرون الشعر الطويل هو الجمال, والقصير ماله حلاة , فلما االوحده تقص شعرهه قبل ويتم مده وما يطول, يقولون لهه إن شعرج زعل!!! هذا كلام النسوان الكبار..

بعدين قلة الإهتمام بالشعر و خاصة المصبوغ, مثل ما خبرتنه إختنه ريفال, هذا من شأنه إنعدام الشعر...

وسوء التغذيه, وهذا عدو الشعر, يعني الوحده لااااااااازم تهتم بأكلهه, وشربهه, وإحنا ألحين بالصيف, فلازم نحاسب بالأكل و الشرب أكثر و أكثر...والعمليات (الله يكفينه الشر) والنفسية..ووووو...تلعب لعب بالشعر, وطبعاً الجسم كله, بس الظاهر هو الشعر و البشره.... فحطو بالكن يا بنات ولا تعتبرونهه مسألة سهلة,, وخاصة إذا صار الشي فجأة, يعني في خلل في الجسم...

ويعطيكن ألف ألف عافية يا بنات....

مافي تجارب ثانيه يا حلوات...لأني أنا بعد بذكر لكن مأساتي, وبإذن الله إشلون عالجتهه, والحمد لله والشكر شعري راضيه عنه ألحين مليون بالميه...

يالله نبي مشاركات...وفيكن الخير و البركه...

الغلطه الوحيده المدمره هي صبغ الشعر بالاسود :icon33: :icon33: :icon33: :icon33:

هلا بضحى الإسلام, وشكراً على مشاركتج...

حبيبتي... إنتي إستخدمتي أي صبغه ؟؟ وأول مره تصبغين؟؟؟

المشكلة انه شعري يوم اخترب كنت في ذيك الفترة ما أستعمل مواد كيماوية أو أصباغ
حتى السشوار كنت ما أسشور شعري إلى في العيد ولو في مناسبة
يعني عدد المرات اللي كنت أسشور فيها شعري خلال السنة = 5-6 مرات فقط


إلا الآن
أنا ما أصبغ شعري
بس صرت تقريبا يوميا أسشور في الكشة:bkh:

والله مع انه اختي يوم تلعب رياضة وتعرق شعرها ينعم زيادة
مب أنا يا حسرة :3_2_21v:

إختي جمانه, إنتي ليش ما تستخدمين شغلات ثانية علشان تسبط الشعر بدل السشوار اللي راح يحرق شعرج؟؟!!

إشرايج وكت ما تروحين للرياضه إنج تسبطين شعرج بكريم بالمرز, ومن هالشركه جابو أشياء كثيره, أنا أول أمس رحت الصيدليه و إستخفيت على منتجات هالشركه....

أنا مثلج , ما أسشور شعري إلا بالمناسبات, والله إن الشعر يعيش و يستانس, وطول السنه , والحمد لله, أهتم فيه...وإذا بروح مكان مفتوح مثل البر أو البحر, أغسل شعري, وهو للحين رطب, أحط في راحة يدي كريم بالمرز و سيرم اللي يسبط الشعر , و أفركه بشعري, وبعدين أربطه بأستيكه وألف على شعري إشارب ملون و أعمله كعكه بالإشارب, ومن جدام يا أحط ربطه أو كليبات...والله إن الشعر يطلع إشحلوه,وسابط وما يغربلني, وإذا ما عندي بالمرز أستخدم زيت إيفا بنفس الطريقة...وإنتي جذيه بنفس الوكت تغذين شعرج, ومن أرجع البيت و أفكه أشوفه لامع و مو ناشف وللحين فيه رطوبه...ما شاء الله تبارك الرحمن

جربي طريقتي و إن شاء الله تنفعج...