تقول:جاهم ذاك اليوم خطيبها بعد الظهر وكانت توها قايمة من النوم..في عطلة نهاية الأسبوع.. ما أمداها تفك ريقها.. ألا هو موجود خلصت بسرعة بسرعة وماشبعت من النوم طبعآ.
المهم..جلس عندهم ولما جاء وقت الغداء كل أهلها قامو يتغدون.. فقال لها خطيبها تعالي تغدي معانا قالت لا أنا شبعانه توني فاطرة قال لها:عشان خاطري تعالي قالت: والله خاطرك على عيني وراسي بس مافيه مكان للأكل مو قادرة: لأني شبعانة(وهي كانت جوعانة بس من كثر الخجل لو تذبحها ماكلت قدامه).
المهم..جاء وقت العصر واستأذن زوجها من أهلها أنه بياخذها ويروحون محلات الأثاث ويختارون أثاث شقتهم.. وافقو الأهل وطلعت البنت معاه وهي ميتة من الجوع.. جاء بينزلها بكافي شوب.. قالت له: لا ما أقدر أشرب كافي.. قال يابنت الناس تحلين على الأقل.. قالت لا والله قبل ما نطلع كنت شاربه كافي ومحلية بالبيت.
لف فيها ولف ولف(والبنت ميتة من الجوع وزادت زيادة).. في محلات الأثاث وهي مو قادرة تتحرك وتكابر ماتبي تاكل قدامه.. يوم ماقدرت تمسك نفسها قالت له ياليت نرجع البيت لأني مصدعة.. قال لها أبي أعزمك على العشا برا قالت: لا واللي يعافيك مافيه محل للعشاء شبعااااااانه.
رجعوا البيت ألا أمها مسوية لهم عشاء وكانت بتطلع.. حطت له العشاء وماكان في البيت ألا هي وهو بس..قال لها تخليني أتعشى الحالي؟؟ تعالي تعشي معاي..قالت له لا توني متعشيه.. قال أشلون توك وأنتي طول الوقت معاي؟؟
انحرجت ضحكت وقالت له الظاهر اليوم كثرت من الأكل لما قمت والشيز كيك حليت زيادة عن اللزوم أحس أني ما أقدر آكل أكثر من كذا.. مد يده لها بيأكلها من يده قالت لااااا والله ما أقدر أصر عليها وقال لها: عشان خاطري قالت ماااا أقدر قال بس هذي اللقمة علشان خاطري بس هذي.. قالت ودي بس أحس أني بارجع من كثر ما انا شبعانة والله ودي.
عذرها هو قال لها: لهالدرجة شبعانة؟؟ قالت وأكثر من كذا بعد ..المهم.. خلص من العشاء غسل يده وقال لها حبيبتي استأذن أنا الحين لازم أمشي قالت له: عادي حبيبي حياك الله خلينا نشوفك.. الرجل استغرب انها مالزمت عليه يقعد(قام يطالعها وعيونه تطلع وترجع).
المهم.. مشت معاه ألين ماطلع من عند الباب.. من كثر الجوع ماقفلت الباب وراحت تركض على صينية العشاء وهي بالمطبخ وقامت تأكل بشرااااااااهة وهي واقفة ما قدرت تقعد .. في هذا الوقت خطيبها ناسي مفتاح السيارة فرجع ودخل بياخذ مفتاحه وهو قريبها ولد عمها.. فحب يسلم عليها ويقول: هلا أنا رجعت باخذ مفتاح السيارة سمع صوت بالمطبخ دخل عليها.. وهي من كثر الجوع ماحست انه وراها.. جلس وراها ومكتف يدينه وألا لفتة واقف مبتسم ويطالع لها بعين.. ياااااااااالله هي أصلآ خجولة وتخيلو شافها وهي كذا قال لها: ليه كذبت علي وقلتيلي أنك شبعانه؟؟كل هذا جوع؟؟
البنت بغى يغمى عليها من الأحراج.
هههههههههههههههه هههههههههههههههه:biggthump
@أم جوري@ @am_gory_59
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
كان لازم يدخل المطبخ