انا تزوجت ابن خالتى وكان يحبنى من اربع سنوات قبل الزواج وخجلان يطلبنى لانه كان يدرس وانا بعد كنت بمتوسط لين الله فك عقدته واتكلم
وبعدين خطبنا شهرين واتزوجناوحبيته كثيـــــــــــــــــــــــــــــــــــــــــــــــــــــــــــــر واموت فيه
الله يخليه ليه
لانه فعلا ونعم الزوج والاخ والصديق والحبيب والاب والابن
الله يجعل كل عروس تحصل سعاده مثلى وتفهم مع زوجها وشريك عمرها

هلا :41:

أنا عضوة يديدة في المنتدى وبصراحة عجبني هالموضوع وااايد وحبيت أشارككم :55:

بس أول شئ أحب أشكر أختي كاتبة الموضوع nightlight :02:

أنا إنخطبت عن حب متبادل بيني وبين خطيبي :24: :24: .... وبصراحة ما يقربلي بس الصدفة هي اللي جمعتنا :27: وإحنا ألحين قاعدين نجهز لزواجنا :26:

إدعوووولي الله يتمملي على خير :39:

وعقبال كل البنات :26:

تحياتي :24:

السلام عليكم
اكيد الوحدة بنتخطب اكثر من مرة الى ان يصير النصيب
قصتي شوي طويلة بس حبيت اذكر لكم ادق تفاصيلها علشان تعرفون انه الواحد ما يأخذ الا نصيبه
كنت بثالث متوسط واخته بثالث ثانوي وكانت بمدرسة غير مدرستنا بس جت تزور مدرستنا واعجبت فيني ايام الاعجاب وجلست مدة من غير ما ادري عنها
وبعدين قالت لبنات خالها انها معجبه فيني لانهن كانن معي بنفس الفصل ولاني كنت ما احب قصص الاعجاب الي كانت بتلك الفترة قلت انا ممكن اقبل بها على انها صديقة مو معجبه لانه تعرفون المعجبات وشلون تصير الوحدة تنظر للاخرى كانه من جنس غير جنسها على صغر سني الا اني كنت عاقل جدا والحمد لله ويرجع الفضل بهذا لوالدي الله يحفظة الي ويخلي امي الغالية يشاورني بكل صغيرة وكبيرة بالبيت
المهم وصارت الصداقة بيننا لمدة كبيرة جدا يمكن لمدة خمس سنوات وتزوجت ومع هذا ما انقطعنا عن بعض
المهم كانت هي الاكبر من الاكبر من زوجي يعني هي ثم واحد من اخوانه ثم زوجي
وكانت دائما تقول لي ابي اخطبك لاخوي فلان تقصد الاصغر منها على طول وانا ارد عليها واقول اذا بتتكلمين بهالموضوع ترى ابي اروح واخليك وهكذا
الى ان تخرجت ودرست لمدة سنتين وبعدين نمت فليله وحلمت بحلم انه كأنه فية ورقة بيضاء ويكتب بهاجملة بسم الله الرحمن الرحيم بخط جميل وكل مرة تقلب فيها الورقة وتكتب الجملة مرة ثانيه وهكذا عدة مرات الا في مرة من المرات ساح الحبر وبسرعة حرك الوقة واعاد كتابة الجملة مرة ثانيه وكنت ما اشوف الا الا وراق واليد الي تكتب وكان احساسي بالحلم ان اليد لرجل واسمه احمد
المهم في الصباح وانا بالمدرسة قالت لي صديقتي انها بتتزوج وانه اسم زوجها احمد فقلت لها عن الحلم الي حلمتة فاصرت اني افسرة لانه كانت تحسب انه ممكن يكون يعطيها دافع لزواجها المهم انا كلمت المفسر وفسر لي الحلم وقال ان الحلم لي انا وليس لزميلتي وانه سوف اتزوج واحد محمود الذكر بين الناس وطبعا صديقتي تزوجت من زوجها الي اسمه احمد
وبعد شهرين منمن تفسيرالحلم نمت فترة الظهر واحلم بان صديقتي الي هي اخت زوجي تكلمني وانه تخطبني لاخوها الصغير الي هو زوجي الان
وبعد ما صحيت من النوم الا وهي تتصل على العصر وتقول لي عن اخوها وانه معيد وراح يدرس بامريكا وانا كنت مجنونة دراسة وقلت لها انه المفروض يكون الكلام مع اهلي مو معي انا وتمت الخطبة والزوج والحمد لله
ولو تتذكرون في بداية كلامي انه كانت تبيني للاكبر منه بس انا كنت مدري ليه احتقر هذاك واكره سماع اسمه بعد واحس اني كنت ارحم زوجي واشفق عليه من كلامها عن اخوانها
المهم بالنسبة لزوجي هو ما خطب غيري ولا حتى فكر بغيري يقول انهم كانو يعرضون عليه اسماء كثيرة وعلى طول يقول لهم لا ما ابيها الا اسمي يقول قلت شوفو عن هذي وتزوجنا والحمد لله قبل اخوه الكبير بسنه لانه ما توفق على طول كل ما خطب من ناس ردوه طبعا زوجي ملتزم والا اخوه لا
وتصدقون عاد انه اكره اخوه وزوجة اخوه وعيال اخوه والله ما ادري ليه مهما حاولت اني ابين غير هذا ما اقدر
احس اني ما استلطفهم
المهم الله يخلي لي ابوعيالي ويوفق الجميع المتزوجات والغير متزوجات يرزقهم بالازواج الصالحين وخواتي واخواني وعيالي بعد من الان افكر بتزويجهم وهم ما بعد دخلو الابتدائي
ما عليش طولت عليكم
بس اذا اعجبكم كملت لكم عن يوم شافني وش قال لي وكيف كان الموضوع له جذور من ايام الطفولة

ياااااااي على الرومانسية...... موضوعك رائع

انا شافتني امه وعجبتها ...
وجا:arb: وشافني بعدها وطارعقله:32:
وتزوجت بعد الخطبة ب3 شهور

اشكر الجميع على المشاركه بدون استثناء
صدى الصمت اكملي نحن بالانتظااااار