السلام عليكم
اهلا ليت نايت وجميع البنات
اكمل لكم
طبعا هو ما شافني الا يوم الدخلة المهم يقول او ما شفتك تذكرت وحدة يوم كنت صغير بالحديقة الي بحارتنا كانت مع مجموعة بنات وكانت مميزة عنهن بالملابس
المهم ذكر لي القصة واتذكر انا على طول هذاك الموقف انا يوم كنت صغيرة كنت انا البكر وابوي وامي يعني صغار وكان ابوي راعي سفريات لبريطانيا وفرنسا ولبنان وسوريا ومصر وغيرها من الدول المهم كان يجيب لي فساتين وبناطيل وبدل من هالدول وكان ذوقة اكثر من ممتاز وكان لبسي مميز بالنسبة لبنات مدينتنا لانه اهلي ساكنين بمدينة صغيرة قريبة من الرياض وبنات الجيران ثيابهن عادية الزم وغيرة الي كان عبارة عن خياط وكان ما فية محلات خياطة لا كانت وحدة من حريم الجيران هي الي تخيط تبون تقولون هذي تكشخ علينا :27: والله هذا الصدق المهم
البنات تعرفون دائما يتلزقون بالي مميزه عنهن والكل يخدمها وكأنها هي رئيسة المجموعة شفتو وشلون بالطفولة كنت مسيطرة على الجميع المهم
مرة قالن لي خلينا نروح للحديقةالي بالحارة الثانية مو بحارتنا ونلعب بالالعاب عاد من كثر الالعاب ما كان في الحديقة الا مرجية وزحليطة وهذيك اللعبة الي تدور يعني يركبون فيها وواحد منهم يدور بها العادية لا يروح فكركم بعيد تحسبونها الي بالكهرب
المهم هو يقول لي انه رايح يلعب اخوانه الصغار :04: وعيال اخته الي جاية تزورهم من الرياض ويقول يوم شفت هالبنت بديت اترزز لها وبديت اكشخ نفسي :arb: وابين لها اني ولد حليوة ولا اتفوت تقريبا هو بسادس ابتدائي وانا بالصف الرابع او الثالث ابتدائي المهم تجيكم السالفة انا على طول تذكرت الموقف مع اني والله طول عمري ما اذكر هذاك الموقف بس مدري وشلون ذكرتة
قلت له ايه تذكرت حتى انك كنت ما تلعب كنت تدور باللعبة علشان البزران :04: الي معك قال لي ايه
قلت ومن كثر ما انت تبي تبين انك قوي وتقدر تدفهم كنت تحاول تدفهم بسرعة وطحت على الارض وتلطخت بالطين الي حول اللعبة وبعدين ضفيت المبزرة :04: الي معك ورحت قال لي هذاك ما نسيتي شئ وكنت فعلا منتبه لي ومعجبك
قلت لا والله بس تذكرت لانك يوم طحت رحمتك وقلت الله يعينه يبي يروح لامه وتهاوش علية لانه وسخ ثيابة
شفتو وشلون طلع فيه قصة حب بيننا من يوم مرحلة الابتدائي ومع هذا ما كنا ندري
هاه وش رايكم بقصتي
على فكرة ترى الان بنات مدينتي صارن ماشاء الله عليهن كشختهن احسن مني صرت انا الي خربوطة بينهم
من جيت لامريكا وانا ما اعرف شئ عن الموضة:06:
المهم اذا اعجبكم الموضوع ممكن اقول لكم قصة زواج اخوي وشلون انها من مرحلة الابتدائي بعد بس من غير ما ندري
سلام للجميع

صدى الصمت روووووووووووووووووووووووووعة
الله يسعدك
وبنستنى القصة الثانية على ار من الجمر

بس حبيت اعرف كيف كان شعور زوجك لما عرف انك هديك البنت!:26:

السلام عليكم
اهلين رُسل
انا ابي اجاوب على سؤالك ولكن القصة حقت اخوي وزوجتة راح اكتبها لكم بعدين اذا صار معي وقت
بالنسبة لشعوره هو يقول لي انه عمره ما فكر فيها ابدا ولكن اول ما شافني تذكر الموقف وانا بعد ماكنت اذكر الموقف لكن يوم قاله لي تذكرت الموقف تماما وكأنه حصل أمس
وتصدقين عاد على اننا لنا تسع سنوات متزوجين الا اني ما سألتة عن شعورة بذيك اللحظة
بس الحمد لله الي وفقنا وجمع ما بيننا والله يوفق الجميع المتزوجات والغير متزوجات
السلام عليكم

الله يسعد كل المتزوجات ويرزقنا .....
ادعولي عشان اكتبهالكم...:26:

ههههههههههههههههههه

قصصكم بنااااات تجننن والله حلللوووة

<<<< جالسه تقراء وتضحك

بس انشاء الله لين يجي النصيب (((المستحيل ))) تكثر الرومانسيه