انظف من الليل اللي قبلها واجهز حلى وانام واصحى الظهر اجهز للعشاء بالعاده اسوي كفته بصوص الطماطم وصينيه الدجاج الايطاليه او دجاج هندي واذا استوت احطهم بالفرن واسوي سلطه وماحط عليها صوص عشان ماتذبل والعصر اخذ دوش والبس واحط ميك اب واستشور احيان واحيان ارفعه واجهز القهوه احط معها تمر والحلى اللي سويته وبسكوتات او شكولاته والشاي معه شيبس وفشار واذا تقهوينا استاذن واسوي رز ابيض واسباقيتي واذا معهم اطفال اقلي بطاطس واكون طبعا حاطه الصحون اللي بسكب الاكل فيها والملاعق والشوك ع جنب جاهزه وبس اسخن اللي سويته من قبل بالميكروويف واقدمه ٠

نفس الأخوات بس العشاء من يره

ومنكم نستفيد:2thmup:

تسلموووووووون فديتكم

انا عن نفسي احب التجهيز المسبق

قبل العشا بيومين انظف المجلس من الغبرة واجهز اواني الاكل واغطيها بسفرة على طاولة الطعام

فالشتا والاجواء الربيعية اجهز فرشة فالحوش من الصبح بس فالصيف فالمجلس

و الصبح اجهز الحلويات لما بعد العشا سواء كريم كراميل او غيرها من السويتات

والعشا ابلغ الطباخ به اذا كان مفطح او ايدامات

واذا كان باستات او بروستد وهالسوالف فهو عالخدامة فالبيت تسويه

واحيانا نجيبها من قاصرها ونطلب من المطعم

الضيافة اذا كيك او بسبوسة او فطاير نسويه فاللبيت واذا اشياء ثانية مبتكرة وهالسوالف نطلبها جاهزة

الحين كيف التقديم

التمر وبعده القهوة
وتشوكليت وضيافة سويت وقهوة مرة ثانية

وشاي وموالح مثل فطاير او اي شي مالح وممكن بتي فور

وعقب عصير

وعقب اذا عندي مكسرات احطها واصب شاهي

وقهوة للي يحب مع تشوكليت مرة ثانية

وقت العشا ارتب كل حاجة عالطاولة من سلطات وشوربات والطبق الرئيسي والبارد والتمر والماي واجيب لهم العود يتدخنون للي يحب

وانادي الضيوف

بعد ما يغسلون اكون حاطة لهم كلونيا ومناديل

وعلى جنب اكون مجهزة السويت البارد فالغرفة اللي بيقعدون فيها بعد العشا سوى بيرجعون المجلس او بضيفهم بالصالة

واحب اجيب مضيفات بصراحة خبركم احب اقعد واسولف اصلا انا اتعب من ظهري



هذي مشاركتي المتواضعة