كل وحده تكتب المواقع السياحيه في بلدها&&&&&&&&&&

السلام عليكم بنات حواء كيفكم؟
ان شاء الله بخير والله اشتقت لكم كثير وخصوصا
أم تابط شرا
تعرفون الا جازه طويله وكل وحده تبي تسافر هذا اذا ماسافرت.
وحبيت
اليوم نسوي دليل سياحي لكل دوله ومدينه حتى لو قريه مشاركه في عالم حواء
وهمتكم يابنات .
بالنسبه لي انا من الرياض عشان كذا بقولكم ايش المناطق السياحيه بالرياض
عشان ماتوهون اذا شرفتونا اخواتي بزياره.
نبداء بالمناطق الترفيهيه:
عندكم الثمامه مليانه منتزهات . مثل فانتزي لاند رهيبه مره وفيها عروض كلاب البحر
وقرية الثمامه
والبحيره ومنتزه الياسمين وبحيرة اللوتس وأماكن كثيره كلها متسدحه على شارع الثمامه طبي وتنقي .
عندكم مدينه الحكير لاند وستار ستي ومنتزه المرسى كلها صف واحد .
هذا غير المدن الترفيهيه مثل : الخيمه. الروضه . الحكير. البراجون.للاطفال ,تولان وغيرها كثير.
نجي للاسواق مثل:الاندلس .العلياء مول والعثيم مول والعروبه بلازا.والعقاريه والموسى وغيرهم كثير وكلها بضائع ماركات وع الموضه.
اذا تبين الا سواق الرخيصه بالرياض عندك وشيقر ( الديره ) وعندك التعمير وحلة القصمان.
وفيه مراكز صغيره مثل الهرم والشامل وبي لس وفيه غيرهم كثير.


وألحين اكيد جعتم وتبون مصعم تاكلون خخخخخخخخخخخ
عندكم مطاعم عالميه مثل كودو وهرفي وماكدونالدز وهارديز وغيرهم .
واذا مليتي منهم عندك الطازج في طريق الامير عبد الله مره اسعاره حلوه وأكله حلو.
وفيه ماريز وفيه الرنوه وفيه يامال الشام والبطريق وغيرهم كثير .

اتمنى افدت كل من حب يزور الرياض في هذي الاجازه وياليت يابنات
تساعدونا في ذكر المناطق السياحيه في بلادكم .
وعلى فكره أنا ابسوي جوله على الطائف والباحه وابها والسوده وياليت بنات عسير يشاركون وغيرهم عشان نسهل الرحلات على كل سائح.

ولا تنسون الدول الشقيقه نبي منهم دليل سياحي.

تكفون لا تفشلوني .