ياليت تكتبون المدينه والمستشفي واذا فيه دكتوره ياليت

استمتع لما اقال قصص ولاده بس اخاف بنفس الووقت

الله يسسسهل يارب

أنا طبعا بكريه .... ما اعرف شئ عن الولادة ... في رمضان صليت الفجر وقاعده استهبل على أخواتي وأقولهم اذا جاتني الولادة صحووووني ...... وحده محششه
المهم نمت يمكن ساعه واصحى على الم خفيف وارجع أنام وشوي واصحى الين الساعه سبعه وأدق على زوجي وطيران عالمستشفى كشفت طلع مفتوح 2 سم ...طلعت من المستشفى على مسؤوليتي رحت البيت امشي شوي وأنام شوي .. الين الساعه ثلاثة العصر وارجع. المستشفى مره ثانيه وحبسوني عندهم وكل شوي يجون يكشفون ويطلع مره واحد سم ومره 2سم ...لما جاء العشاء انفكت مئويه الرأس وبعدها اعطوني طلق صناعي ... وبرضو نفس الشئ الرحم مفتوح بس 2سم ... ويشتد الألم وأشوف انواع العذاب ... دقيت على زوجي اخاصمه أقوله بغى عمليه وهو مسكين يقولي خلاص دحين اكلم الدكتور ...طلع ابو الشباب بس يبغى يسكتني لانه لما قررو للعمليه جلس يترجى الدكتور يقول حاولو تكون ولاده طبيعيه ... بعدها الحمد لله تمت العملين بنجاح وجبت أحلى علاوي بالدنيا ... الله يصلحه ويجعله من عباده الصالحين ويرزقنا بره

انا ببنتي عطوني طلق صناعي لأني عديت التاسع ف

بدو يعطوني تحميلات من الصبح الساعهق ٦ وكان فاتح وأحد سم.
و الظهر. قالوا ٢والعصر قالوا ٣ونص وحذت إبرة الظهر وخمدت طبعا كان برمضانن
ً
وبعد الفطور جاو فكوا المويه قالوا ٦سم ودخل علي دكتور مصري حسبي الله عليه خرعني قالي ححولك قيصري لان نبضات الجنين ضعيفه طبعا رفضت ،،،،، قالي بعصبيه ونفسه بخشمه انتي مش عايزه صحة الجنين .... قلت حرام جالسه من الصبح تحملت الكشفية والطلق وأخذت ابره وبالنهاية قيصري !!! طبعا طلع عني واتصلت علا زوجي قلت ألحقني بيولدوني قيصري ... قال طيب بكلم لك >>>>طبعا كلم زميلته بالعمل يشتغلون بنفس المستشفى وهي مصريه الله يجزاها كل خير ،،،

المهم جاتني وقلت لها تكفين مابي قيصري قالت لي ماتخافيش الحين أكلم لك الدكتور ...

وجاء ها الدكتور النذل وقامت تتكلم معاه بصوت واطي ما اسمعهم وهو حط يده بمخابيه ويناظر بالأرض >>>قاعد يفكر ..،،!!

وهو منزل راسه قال لاء خلاص داء وضع الجنين طبيعي >>>>حسبي الله عليه حتا ماشاف جهاز النبض طلع كلامه خرطي بس يبي يسوي قيصري ع مزاجه ،،،

وطبعا ذلف والمصرية تطمني وشكرتها ..،

وبعدها بساعه حسيت با الم بالحوض يعني خلاص ولاده <<إبرة الظهر تخليك تحسين بالم بالمنطقة اللي تحت عشان تدفعين طبعا الدكتور خلاها مابنجها الا علا خفيف عشان أحس بالدفع >>>الله يجزاه خير

وبعدها جهزوا كل شي وارفعوا رجليني علا الحدايد ويالله سوي سم سم براز وادفع وأقوم اهف بيدي اقول لهم حر حر >>>وحده رايقه ،،، لان مع الدفع أحس بصبصب عرق هههههه

وبعدها قلت جيبوا جفت >>>قالوا شنوو،،،!! قلت لاء لاء ماقول شي ...>>خفت منهم هههه

قالوا مايحتاج جفت سوي دفع بس >>>مدري شلون فهموا علي هذه

والمهم بعدها مع التشجيع طلعت بنتي حبيبتي هههه

طبعا ولادتي كانت بالحرس ،،، واللي ولدوني ممرضات ،،، طبعا ماكنت أحس با الم كانت ولاده ممتعه بفضل الله ثم إبرة الظهر ،،،


دعواتكم لي بالولادة الطبيعية السهلة الميسرة ... طبعا ماراح استخدم إبرة الظهر أبي أجرب الولاده علا أصولها نياهاهاهاهاهاي !!!

مع السلامه طولت عليكم

انا راح اكتب لكم اخرولاده لي او اول ولد اجيبه   انا طبعاً من دخلت الثامن كان الرحم مفتوح عندي 3سم الين رمضان دخلت التاسع في النصف من رمضان وانفتح الرحم عندي 4سم اوتعبت حيل لان الجنين ضاقط على الرحم احس كأنه شيء ابيطلع مني اوفي اخررمضان قبل العيدابيومين تنومت اوكان الرحم فاتح 4اونصف اويوم العيدجاني الدكتورالمناوب قال لي تبي اتضلين معنا الين اتولدين قلت له لاابي اروح البيت اعيدمع لعيال صعبه اخليهم اطفال مايحسوبالعيدالاابوجودالام معهم رحت البيت اوعيدت مع اعيالي اوشربت خروع اوكف مريم كل يوم انقع لي كأس واشربه الين خامس العيد كان موعدي اوكنت حيل تعبانه ماقدر امشي من الثقل بس بدون الم لمن دخلت عند الدكتوره قلت لها اني متنومه اوطلعت وان الرحم فاتح بس سميك قالت لازم كشف احتمال ولاده كشفت علي اوقالت الرحم فاتح 5سم بس بعده سميك بس كتبت لي تنويم رحت قسم التوليد حطوعلي تخطيط اوقالت مافي طلق اوجت دكتوره لي على الساعه4العصرتغريباًاوكشفت قالت بعدهاالرحم سميكه اوقالت انابساعدكبوسع لك على شان ماتتأخري في الولاده واتولدين اليوم *****الله اوسوت لي التوسيع اومت من الالم قمت اصارخ قالت بنخليك الين المغرب اذاماولدتي بنصعدك قسم التنويم اوجى المغرب اوجت لي الدكتوره ثاني اوكشفت علي مره ثانيه قالت ماتغيرشيء خلاص بنصعدك فوق اهني عاداناانقهرت قلت للسستر ابي حقنه لاني سمعت انالبراز يصعب الولاده واخرها اوعطتني حقنه اودخلت الحمام وانتوابكرامه بس اوصعدتني فوق اوقمت ابكي اوجت السستر اوركبت علي تخطيط اوقالت مافي الم انقهرت اوبعدين دخلت الحمام ثانيه الله اعزكم اوجلست ابكي وادعي ربي ان ماتجي صلاة الصبح الاواناوالد قعدت اخاطب ربي قلت يارب انت تعبت من الثقل انت تعلم ابحالي يارب وكلت امري لك يارب اوفعلاً حطيت راسي على المخده اوماحسيت ابنفسي الالمن جلست قلت في نفسي اشلان نمت ابهسرعه وانا ماكنت نعسانه اونسيت اقول لكم اني منتظمه على الاستغفارطول فترة الحمل ابشكل يومي اوفي الشهرالاخير كنت اسوي الاستغفارابنية تسهيل الولاده اولم دخلت على الدكتوره اوقالت تنويم اكثرة من لستغفاراوقرأة سورةالزلزله وانفخ في سدري اوسهل ولاتعسر كنت اكررهاوانفخ في سدري الساني ماوقف عن ذكرالله سبحانه وتعالي الين ولدة نرجع للموضوع لمن جلست من النوم رحت الحمام ثالثه الله ايعزكم اوتوي بحط جسمي على السريرالاابألم مثل الم الدوره عرفت انه الم ولاده لاني امجربه الالم قبل زين قلت خل اصبراذارجع بناديالنيرس زين ظليت ثلث ساعه اورجع الالم اوناديت النيرس اوركبت علي التخطيط اوقالت مافي الم قلت لها في بس يطول اوظلت مسكينه واقفهجمبي قالت مافي قلت لهااستني اشوي الالم يجي كل ثلث ساعه الايجيني الالم قالت اومامه في الم اونادت على الدكتوره قالت 5اونصف وابسرعه نزلاني تحت قسم التوليداوكشفوعلي قالت 6اونصف قلت لنيرس ابي ابرة طلق قالت لي مانقدرنعطيك الرحم قاعديفتح ابسرعه على مانطلب الدكتوراويجي اركب لك الابره ماراح يجي مفعولها الاوانت ابتولدي ماراح تستفيدي منها كانت بنت اسعوديه الله يجزاهاخير وانا كنت متأثره حيل لاني عندي بنات اونفسي اجيب ولد اوكنت متأمله حيل اوكذامره اصورواقولو لي ولدوالحين الالم الي جاني نفس الم البنات بس الطلقات متباعده حتى وانا اولد توقف الطلقه واطولاوقلت للنيرس بولد اتخيلو ابسرعه انفتح الرحم جت تقيسمي الااتقول 9سم شدي يالله علشان تنفتح 10اوشديت اوقالت لي يالله الراس باين شدي وانااقول لها موقادره من التعب والخوف من المفاجأه الي تنتظرني شديت مره مرتين الاحبيب قلبي حمودي طلع اوقفت الطلقه على صدره والي اتولدني افريقيه اتقول مامه شدي اقول لهاانت اسحبيه اتقولي السعوديه هي ماتلمسه انت ساعدي نفسك شدي لايموت البيبي اناولدة كذامره واذاطلع الراس يسحبوه اوشديت اوطلع اوحطاهعلى صدري اوكان ظهرهامقابل وجهي وانامافريته اشوفه لاني قلت بنت الي جبت بس حطيت يدي عليه خفت ايطيح قالت لي النيرس مامه اش فيك انت ماتبي ايشوف بيبي مايبي يعرف ويش جيبقلت لهاوانا متردده انا ويش اجيب قالت ولدكامه وابتسمت اوفرته لي قالت مبروك مامه انت كم ولدفي البيت قلت لها مافي ولد كلو بنات ماراح اقول لكم كم بنت معي اخاف تنصدمواوفرحو لي حيل كلهم تجمعو علي اباركولي اوكانت الولاده قبل الاصلاه على اوقلت لهم ان زوجي يبي يجي اشوف البيبي لانه اول ولد لنا بعد انتظار 23سنه تغريباًكان حاط في ذمتي اني مااطلع من قسم الولاده الا لمن يجي اشوف البيبي حتى لوالوقت متأخر قالو لي خليه يجي من حقه بعدهالسنين جابو لي التلفون واتصلت عليه قالهاجاك الم قلت له انا ولدة الحمدلله قال المدلله على السلامه ويش جبتي قلت له جبت محمداوعلى طول جلس اعيالي يقولو ابوي طلع من الغرفه انقوله امي ولدة مارد قلنا مادري اشفيه ابوي امسبه اوجاني المستشفى اوطول الطريق يبكي خنت حيلي من الفرحه اوصل المستشفه اعيونه حمراوشعره في حاله يرثى لها بارك لي اوحمدلي السلامه قمت اعدل شعره اوطلب مني اصوره اوصورته اونسيت اقول لكم خليت زوجي في التاسع مايحلق لحيته قلت له لاتحلق الحيه الااذا ولدة علشان يعرف ولدي انه ماجى الابعد انتظار اسنين اورجع البيت اوراح لوالدته اوصار الصياح والفرح كأنه زواج الساعه خمس الفج لعيال جالسين الاابوهم يدخل عليهم اوعماتهم ايطبلو واغنو من الفرحه اوكانت ايام لاتنسى.              كتبت لكم قصة حياتي اسفه طولت عليكم بس نقلت الكم القصه مثل ماعشتها ههههههه اسعدايام حياتي