انا بأحكيلكم قصة ولادتي .. رحت لاهلي من الشهر الثامن لانو بكريه وماكنت اعرف شي وامي بعيده عني لذلك سافرت لها .. المهم قالتي الدكتوره موعد ولادتي 12 من شهر خمسه  . . وماعاد باقي شي تعبت ودي اولد اوول التاسع متأمله رغم اني بكريه لاني اشتقت لبيتي .. وكان بكره 12 ولاحس ولاخبر واراسل خواتي المتزوجات وانا حزينه قلت باخلص شهري وانا ماولدت ويتريقون عليه ويقولون اصبري ومدري ايش .. كلمت وكلمت زوجي قالي روحي نامي كانت الساعه 1 بالليل قال اخاف تجيك ولاده   وانتي مواصله قلت لا ابد ماهي حولي .. طبعا طول شهري وانا امشي واشرب اعشاب وعسل اصلي ع الريق وتمر ووو .. ونمت ساعتين بس وصحيت فجأه كأن احد قالي قومي مافيني شي واختي كانت سهرانه وانا منسدحه احس بطقه اخر ظهري كأني طقيت ظهري واحس حاججه حاره انصبت ع ظهري وانا ساكته .. ومافي شي نزل معاي وجلست نص ساعه وويوم قمت نزلت مني مويه قد فنجال القهوة ورحت الحمام كرمتوا ولقيت دم مخاطي وكل ماامسح احس بالمويه تنزل بس خفيفه يعني ماتنكب .. المهم صرت ارتجف وخايقه وفرحانه واقلت لاختي وجلست تناقز تقول اخيرا بتولدين لاني جننتهم هههههه .. المهم اذن الفجر وبدأ الطلق بس خفيف ومو منتظم يعني كل شوي وحااار احس بحراره بظهري وجلست امشي وقامت امي وصلت الفجر وجات عندي وقلتلها قالت هذي ولاده ربي يسعدها تعبت معاي كثيير واعطتني زمزم مقري عليه وصلحت لي اكله شعبيه خفيفه وعسل ورطب وفالت امشي وغفيت شوي وقمت اصيح من الطلقه وع الساعه 10 قالت يله بنوديك المستشفى ورحنا المستشفى طبعا قبل لاروح خبرت زوجي ودعالي وكان خاايف علشانه مو قريب مني وقلقان ورحت المستشفى كشفت عليه الدكتورة قالت تنويم مفتوح 3 سم وطلعوني تنويم وجلست شوي الا ويجيني طبيب مناوب واخذ مني معلومات وقال باكشف عليك قلت لا وكنت اتالم بس بمعقول وجابلي دكتورة سودانيه دخلت ايدها بغيت انجن المتني مررررره قالت 4 يلا ولاده تحت قلت لا باقي بدري وتصيح فيني كيف بدري تبغين تولدين هنا وخفت منها بلا بشكلها ..
المهم نزلوني وحطولي اجهزة الطلق وكل شوي يقيسون من تحت يعني كل ساعه يفتح سانتي الين فتج 6 سانتي وراحوا من عندي وانا تعببببانه طبعا حكومي لا ابره مهدئه ولاهم يحزنون ولا كمام واكتم صيحتي ولانزلت مني دمعه لاني قريت هنا الصياح والبكا مايفيدوكنت اتنفس بالشكل الصحيح .. وجات الدكتورة وقاست وقاعده تهذر انقلش وانا مافهم وشوي اتجمعوا قالوت يله ولاده وخفت وطاااار الطلق كله فجأة اختفى من الخوف قلت اشفطوه نزلوه انا مالي دخل هههههه ... وجاتني ممرضه سعوديه قالت ادفعي علشان ترتاحين واجتمعوا بدفاترهم ويراقبون الساعه علشان يشوفون موعد الولاده .. والله دفعت يمكن ست مرات والحمدلله طلع حبيب قلبي ولدي .. وشالوه مع رجوله وقالوا بوي فرحانين وابدأ ابكي واللحين الدموع بدأت ككانها سيول لاني مسكت نفسسي وتعبت مرررره لاني وقت الطلق اسمع صياح الحريم وانا بكريه وتعبت مرررره نفسيا ونظفوا ولدي وجابوه لي وشفته نسخت ابووه قلت الحمدلله يارب يوم فرجت عليه ....
واتنومت اللين اليوم الثاني ورحت البيت وكان الجو امطار وبرد .. وسلامتكم  ادعولي ربي ييسرلي ولادتي هالمره وتكون اسهل من الاولى 

الحمدلله على سلامتكم

مبروك للي ولدو عقبال ما اجي احكي قصه ولادتي

الله يسهل على الجمييع