السلام عليكم
انا عندي بنتين الكبيره فوق الـ8 سنوات والصغيره فوق الـ4 سنوات ..والصراحه متعبيني كثيييير :44:وبديت افقد الثقه بنفسي اني ماعرف اربي ..الكبيره مشكلتها البطئ الشديد في كل شي لما تجلس ماتسمع الكلام ماتروح الحمام تغسل الا تقريبا اظل اتكلم مايقل عن نص ساعه يالله تقوووم وتجلس في الحمام فتره ولا تصلي الا بالهذره :angry2:..غير الغيره الي عندها من اختها رغم اني مو مدلعه وحده اكثر من الثانيه ..وتهاوش اختها لاتفه الامور وتضربها على اي مكان من جسمها ..غير انها اتكاليه كثيير .. تصارخ لاتفه الامور ..تعاند اختها عن قصد وتقهرها ..الصغيره مشكلتها العنااااااااد بشكل غير طبيعي ..مثلا بطلع ابي اغير ملابسها اظل اراكض وراها وهي من مكان لمكان .. الاطفها مافيه فايده ..اهددها مافيه فايده والله ترفع ضغطي حتى زوجي كره انه يطلعنا :44:وكل هذا يصير ضغط علي اكثر ..بصعووبه تلبس وتتحكم بلبسها وتصر حتى وان خيرتها بين 3 او اكثر من لبس تصر على الي في راسها ..اذا طلعنا معها كل شي تشوفه تبيه وتصيح ليين مانشتريه لها ..الطلعه كلها لهم وياليت بعد مرتاحين الا كله رفاع ضغط وقهر ..الصغيره ماتخاف من شي لدرجة ان عاادي تركض قدام السيارات ..كم مره سوتها وتروح بدل ماتركب السياره تلف من ورى السياره على الشارع العام تراااكض زين ان الله ستر ولا صار لها شي واضربها واعصب عليها واخوفها ..هم مافيه فايده تكرر الحركه ..وكله بركيض تتحرك كثيير وتتطلب كثير وتصر على طلبها وتعااند وترفع صوتها وتضرب اختها وانا بعد ..تعبت من حيااااتي وين الا الاطفال يحلون الحياه ؟! ماغير اشوف حياتنا بس لهم ..ووجع راس من ازعاجهم لاني مرتاحه اجلس في شقتي من صراخهم وهواشهم وعنادهم ..وكل شوي ماما تعالي شوفي .. ماما اخذت اغراضي ..ماما طقتني ..واذا لعبوا يناقزون لي على الطاولات والا يركبون من فووق الكبت والا يناقزون فوق السرير ويعفسون الغرفه فوق تحت ..حتى اغراضهم للروضه والمدرسه مرميين في الارض هذا اذا راضيين عن بعض :icon33:واذا مو راضيين تعالوا شوفوا الصراخ والضرب .. غير اذا جلست بريح شوي بشوف التلفزيون يتهاوشون كل وحده تبي تجلس جنبي ملاااصقه لي لدرجة ماعرف اتحرك ويقوم الهواش من الي تجلس جنبي :angry2:وانا حتى الجلسه مو متهنيه فيها والله كانهم مستخسرين فيني الراحه ..لما نفسي في شي آكله يجوون لي ثنيتنهم يبونه والا عندهم كلل شي مايبون الا الشي الا انا آكله ..:16:في الليل الصغيره ماتبي غير تنام بينا في الوسط مانعرف لا انا ولا ابوها نتحرك منها .حاااولنا نقنعها تنام في سريرها شرينا لها العاب وبطانيه حلوه على اختيارها مافيه فاايده ..لما تنام وارجعها سريرها تجلس تصيح راسها خفيف مرررره بسرعه تصحى من النوم ..والله مانقوم من السرير الا كتفنا يألمنا والله تجيني اوقات رقبتي تألمني .. وانا وزوجي اغلب الايام كانا اخوان من لصقتهم فينا ووضعنا السيء .. لما اركب السياره.. الصغيره (4 سنوات ) الا تجلس معي قدام لما احاول معها باصرار تركب ورى تركب وبعدين تتسحب وتصيح حتى ابوها مايعرف يسوق من صياحها ومن لصقتها بينا في الوسط الا تبي تجلس معي قدام ..وابوهم من جهه يصارخ ويعصب على تصرفاتهم حتى في السياره يتهاوشون على المكان الي بيجلسون فيه ..والا الصغيره تبي معي قدام ..بالله عليكم هذي عيشه :06: ماتتصورون التعب الي عايشته ..مو مرتاحه ابداااا ..لا في شقتي الا مزهقيني ومطلعين روحي .. والا لما اطلع الا حتى ابوهم يزهق ويطفش يقولي انا مايكفيني الدوام الا بعد هالبنات متعبينا..لا في مجمع الا مفشليني لاسيما الصغيره تخصصها صياح واصرار وعناد في المجمعات والاماكن العامه ماتجلس ولا تهدئ مثل الاطفال ولا تقتنع بشي .. ولا تهديد ولا ملاطفه ينفع ..لا في نوم مرتاحه ..لا في جلسه مرتاحه لاسيما الصغيره ماتنام مثل الاطفال نومها قليل بس اجلس من النوم تجلس نفسي تنااام على الاقل اجلس شوي بهدوووء بدون ما احد يزن على راسي ..نفسي اقرا بهدووء ..اشاهد تلفزيون ..لحالي مافيه مجال ..والله انها مادري كيف تسمعني وانا اطلع من الغرفه بشويش عشان لاتجلس مايمديني بروح الحمام اغسل الا هي جالسه ..:icon33:تعبت والله تعبت وزهقت من حياااتي ..حتى حياتي الخاصه مو عايشينها ولا حتى بينا وبينا بعض فيه رومانسيه كل واحد فينا معصب من هالوضع مو مخلينا دقيقه في حالنا كل يومي لهم ..كأنهم يتعمدون الا يزهقونا ..حتى لما اروح الغرفه بلبس يطقوون الباب وازعاااج الا يطلعون لي شي بس عشان انشغل فيهم ..مافيه شي اقوله للصغيره الا تعااند ماترضى مع اني اجيها باسلوب لطيف ولا تسمع مني شي ابد ..بنات كل وحده عندها اطفال عايشه مثلي في نكد وهم ؟!! هذا هم الاطفال الا نتمناهم ونتعب في الحمل والولاده والاخير يتعبون نفسيتنا ..مانعيش لنفسنا ؟ ماارتاح دقيقه ؟؟حتى الاكل كانهم يعاندوني اسوي الغذا بعدين يطلبون شي ثاني ..اسوي حليب على طلبهم الا مايبونه ..اسوي اكل مثل مايبون الا يتركونه ويبون شي ثاني والا ماياكلون ..تعبت والله زهقت وصرت ادعي على نفسي الله ياخذ روحي وش هالحياه ؟ اي حياه هذي وانا طااالعه روحي من القهر والنكد الي عايشتنه..كل المتزوجات كذا؟؟
همسة غرام @hms_ghram
محررة برونزية
يلزم عليك تسجيل الدخول أولًا لكتابة تعليق.
خليك حازمه في تعاملك يعني اذا قلتي كلمه لا ترجعين فيها حتى لو حبوا الارض من البكى
واذا عملوا شي كويس شجعيهم ضميهم بوسيهم
(احسن تعامل مع الاطفال ان تكوني حازمه وحنونه )
واذا عملوا شي كويس شجعيهم ضميهم بوسيهم
(احسن تعامل مع الاطفال ان تكوني حازمه وحنونه )
انا مثلك والله من الاطفال
لا ونفسي خايسه بعد عند ابوهم دايم يشوفني اهاوش عليهم اربعه وعشرين ساعه وجهي معفوس ومكشره
الله يكون بعوننا يارب ويكتب الاجر ان شا الله
لا ونفسي خايسه بعد عند ابوهم دايم يشوفني اهاوش عليهم اربعه وعشرين ساعه وجهي معفوس ومكشره
الله يكون بعوننا يارب ويكتب الاجر ان شا الله
فتفوته ...حبيبتي الف شكر .. سبق وعاقبتهم طبعا واحيانا احرمهم من الي يحبونه ..والله مافيفه فايده ..والصغيره معها الربو ومستغله الوضع يعني تظل تبكي لين مانفسها وصدرها يتعب نضطر لما نشوفها كذا نلبي طلبها ..لكن مو دايم احيانا احااول معها واحيانا اكون حااازمه ..مثلا نومها والله حاولت لكنها تسحب نفسها لين ماتجي معانا ..اذا مررره لين ماننام تجي تنام بينا واصحى القاها معانا على السرير ..ارجعها تصحى وتبكي وانا ابي انام وزوجي عنده عمل قولي لي شنو اسوي معها في هالحاله ؟ والله اوقات اصر لكنها عنيده ماتسكت من الصياح وابوها مايعرف ينام وتظل تكح لين ماترجع وتتعب ..
مومو الحمدلله على كل حال ..
ام شمعة حياتي .. اذا اصريت اوقات ماتسكت الصغيره ..لان معها الربو وهي تصر اكثر مني وتستغل خوفنا عليها ..ترجع وتبكي ماااتسكت ..على فكره مره بنتي الكبيره كذا ابوها عصب عليها وظلت تبكي لين ماتشنجت والترجيع في فمها وهي ماتتحرك ابد وظليت ابكي بشكل هستيري فكرتها بعيد الشر ماتت ..وابوها ماعرف ينام ذيك الليله من الموقف الي صار لبنتي ..بالله عليكم قولوا لي شنو اسوي اذا كل وحده فيهم تجيها حاله ؟؟!!
مومو الحمدلله على كل حال ..
ام شمعة حياتي .. اذا اصريت اوقات ماتسكت الصغيره ..لان معها الربو وهي تصر اكثر مني وتستغل خوفنا عليها ..ترجع وتبكي ماااتسكت ..على فكره مره بنتي الكبيره كذا ابوها عصب عليها وظلت تبكي لين ماتشنجت والترجيع في فمها وهي ماتتحرك ابد وظليت ابكي بشكل هستيري فكرتها بعيد الشر ماتت ..وابوها ماعرف ينام ذيك الليله من الموقف الي صار لبنتي ..بالله عليكم قولوا لي شنو اسوي اذا كل وحده فيهم تجيها حاله ؟؟!!
الصفحة الأخيرة
كل شي يطلبوه تلبيه لهم,,وهذا مو صح ابدا الطفل زي مرايتك يتعامل معك بنفس مانتي تتعاملي لانه جرب كم مره يبكي عشان يبغى لعبه وجاته لعبه خلاص يتخذها وسيله,,
قد مره وحده من بناتك مارضيت تلبس وحرميتها من الخروج.. لو سويتها مره وحده صدقيني بيكون درس لها
قد مره عاقبتي بنتك لانها ماسمعت كلامك؟؟
لازم تعلميهم ان فيه اوقات مايسون ازعاج.. لما يشوفوكم بالغرفه ماحد يدق الباب عليكي الا للضرورة.. لازم تنام في غرفتها وبسريرها
واذا عااندت ممكن تقوليلها خلاص بشيل السرير واعطيه بنت ثانيه,, ولا اشيل اللحاف.. لازم تكوني صارمه شوي
التربيه مو بالساهل
انصحك بكتاب اسمه مشاكل سلوكيه للاطفال مايحضرني اسم المؤلف بس لونه اورنج وازرق
والله يخليلك بناتك