@ كل وحده مثل حالتي ايام دورتها ايام الكوابيس تتفضل وتشوف طريقتي وان شاءالله تستفيد @

مرحبا حبيباتي
بماان موضوعي واضح
وبماانها مشكله الكل يعاني منها
والحمدلله على كل حال
لكن خلوني قبل اقولكم سالفتي
انا كانت تجيني الدوره بدون الم وبعد مابلغت بحول سنتين صارت تجيني بالم فضيع والان لي سنين طويله وعلى نفس الحال شئ يوصل لدرجة حول مايغمى علي ومره اخف والحمدلله غير انها اذا نزلت على فراشي وصياح مع ان امي تقول عني صبوره بس لماتجيني المها ينسيني الصبر والله يكرمكم استفراغ ولااقدر اكل كل اليوم كني اتوحم:09: غير ان بطني من كثر الالم مااقدر المسه ورجولي غير اني لماكنت اداوم مافيه دوام هذا اليوم والي بعده
واذا قرب موعدها والله يابنات كان الموت بيجيني من اكتئاب مو كله عشان اكتئاب ماقبل الدوره لا لاني اعرف وش جايني لدرجه الناس بالعمره يدعون بالرزق ووو وانا من ضمن دعواتي ربي يخفف المها علي
<<<<<صار فلم هندي
بس حبيت ابين لكم عشان تتحمسون وتدرون اني ابي مصلحتكم وابي افيدكم

لي طقوسي لماتجيني الدوره وابقولكم عنها بالتفصيل والحمدلله خف المها بس لاتطمعون كثير لانه خف مو زال

اول شئ لماتنزل علي على طول اخذ حبوبي انا الحبوب الي اخذها هي نفسها الي تعطى بالابر لتخفيف الالم الابر افضل لان مفعولها سريع لكن انا اخذ الحبوب وهي فولتارين ولي فتره استخدمها وسئلت كذادكتوره اذا لها ضرر قالت لا لان انتي تستخدمينها مره مرتين بالكثر في الشهر فمامنها ضرر ان شاء الله والافضل يابنات انكم تاخذون حبوب اول ماتنزل(للي يستخدمون حبوب)لانها افضل في ازالة الالم وتفرق عن اذا خذتيها بعد مايبدى المها

ثانيا على طول ادهن ظهري وبطني بفكس وادهنه زين والف نفسي ببطانيه او اقلها مااتعرض للمكيف لالالالالالالازم مااتعرض للمكيف صدقوني شوي وتحسون بحراره تطلع من جهة البطن هذا البراد الي يدخل للرحم لاننا نهمل انفسنا نجلس على اماكن بارده مانهتم لما ننام قدام المكيف ونوسع صدورنا ولانلبس بنطلونات عند النوم لذلك الهواء يدخل ويسبب الالم وصعوبة نزولها

ثالثا اغلي قرفه+كمون هذي طريقه قالتها لي دكتوره سوريه الله يجزاها خير القرفه لتنزيلها والكمون يطلع البراد ويلين البطن

رابعا الكماده بعد ماادهن بفكس واشرب القرفه والكمون انسدح واحط الكماده مره على بطني مره على ظهري لحد مااحس انها فعلا لينت لي بطني وبجد بنات دايم اجربها وفعلا تنزلها
الي تقولي الكماده تضر ان شاء الله لا لان لي قريباتي من خلقهم ربي وهم يستخدمونها وماشاء الله جابوا عيال ولاضرهم


خامسا لمااستخدم دورة المياة الله يكرمكم لمااشطف استخدم المويه الدافيه في الصيف والمويه الي تكون اقرب للحاره في الشتاء لانها تساعد على توصيل الحراره للرحم وتلينه بدال المويه البارده الي تجمد

سادسا انا سمعت في برنامج ان الرحم سبحان الله متصل بالمخ عموما كل الجسم شبكه متصله ببعض لكن اقصد عروق الرحم متصله بالراس ولمايحصل لحامل خبطه لراسها تكون قويه لاقدر الله يتاثر رحمها لذلك انا اول يوم اذا موطالعه والغالب مثل ماقلت اول يوم اعتزل العالم مااغسل شعري نهائيا لامويه حاره ولابارده لانها تصعب نزول الدوره



طبعا فيه مشروبات تفيد كثيره واهم شئ شرب الاشياء الساخنه مع انه مع هالحر الواحد مايقدر حر+حر=يالله النجاة من النار:(

عموما لكل بنت طريقتها وهذي طريقتي انا حبيت افيد البنات لاني بجد نفسيتي تكون دمار قبلها وربي يابنات بدون مبالغه اعتزل العالم لاحول ولاقوة الابالله من شدة ماانا افكر بالمها:icon33:

الله يعين بس

عاد يقولون ان بعض البنات تخف عليها بعد الزواج
يله الله يرزقنا ان شاء الله احنا يالعزابيات عشان نطلع بحسنه من حسنات الزواج ان دورتنا يخف المها:)


وتذكروا يابنات الشوكه يشاك بها المسلم له اجر وان شاء الله يكتب لناربي الاجر كل شهر

ان شاء الله تستفيدون
ودعواتكم ماتالمني :(