كم كان عمرك وعمر زوجك لما تزوجتوا ؟؟؟؟

طبعا زي ما انتو شايفين في العنوان
كم كان عمرك وعمر زوجك لما تزوجتو ؟؟
راح ابد من نفسي انا كان عمري 18 وزوجي 21
كان عمرنا صغير
بس ابوي وعمي اتفقوا وقرروا يزوجونا طبعا زوجي ولد عمي
والصراحه انا وزوجي مرا ما كنا مقتنعين في بعض بس مانقدر نتكلم
المهم تم الزواج ويالله عاد كنت مرا جاهله ما افهم من الزواج الا الاسم بس ما احد كلمني وفهمني امي مريضه الله يشفيها وماعندي خوات من امي بس من ابوي والله يسامحهم بالعكس ضروني وحتى زوجي نفس الشي مايفهم شي
السنه الاولى والثانيه كل ما اتذكرها احزن على حالنا انا وزوجي
وعاد زوجي بنا ملحق عند ابوه بس اتزوجت وهو لسا ما اكتمل البيت
وسكنت في غرفه بحمامها عند اهله
وامه الله يسامحها استغلت جهلي وضعفي وكان زوجي مرا ولاكن عنده زوجه مايجي الا لنوم
وانا اقعد لحالي مو داري عني وانا عاد صرت ادخل منتديات اول ماكان عندي نت
والحمدالله اتعلم منها واتثقفت وحتى زوجي كل ماله ينضج ويفهم وكمل البيت واتوظف وظيفه زينه
وتغير 180 درجه كل اصحابه تركهم وصار مشاءالله مايقصر علي اللي يقدر عليه يسويه
وحتى انا مرا تغيرت صار الكل يحترمني بدل ماكان الكل مستهين فيني بسبب جهلي
وحطيت حد للكل
وحتى انا وزوجي اللي اول ماكنا مقتنعين في بعض
الحين ما نتخيل حياتنا من دون بعض
سبحان الله كيف الاحوال تتغير
بس بجد كانت بدايه زواجي درس لي ما انساه ومواقف كثيره اتعب لو اقولها
والحين لنا 4 سنين مشاءالله وتغيرنا كثير وتعلمنا وكل مالنا نتعلم اكثر
والحمدالله يارب الله لايغير علينا


ويييييه احس اني تكلمت كثير هههه
بس يازين الواحد لافضفص يرتاح
وطبعا ماقد قلت هالكلام لحد ولا افكر اقوله
خلاص ايام سودا وعدت الحمدالله

يالله عاد ياحوائيات
قولوا كم عمرك انت وزوجك لما تزوجتوا ؟؟؟؟؟
وايش المواقف اللي صارت لك تمنيتي احد نبهك ونصحك قبل لا تصيرلك